الموضوع: مطلوب النصيحة فى شراء سيارة أوبل أسترا مستعمله

إن شاء الله أستاذ حسن يفيد حضرتك بخصوص الاسترا

اي واحد يكون فاهم فى الاوبل عشان يطمنك بس
وصلاه استخارة وان شاء الله تفرج

craunchy مساء الجمال , بص مبدئيا العربية اللى موديل 2009 ديه موديل 2008 بس ترخيص 2009 عشان اخر موديل كان فى الأسترا ديه 2008
فامش فارق مبينهم غير وقت الترخيص مش أكتر بس نفس الفوانيس و نفس كل حاجة من بره .
و انا عن نفسى بصراحة العربية ديه متتركبش غير و انت جايب الأنجوى هتحس بفرق كبير ( مالتى فانكشن - بصمة - مرايات ضم كهربه - sport mode بس بصراحه انا مش فاكر كان نازل فى أول فئة ولا الإنجوى بس - شاشة عرض البيانات - فوجات ) ده اللى انا افتكروا دلوقتى و انا بصراحة أفضل موديل 2007 عن موديل 2008 اللى منصور سرق فيه فلوس بالهبل عشان خلى 2008 أفقر من 2007 فى شوية حاجات و بعها بنفس الثمن .
بس من الأخر أركب العربية ديه أنجوى طالما انت هتشتريها مستعملة عشان تحبها بجد .
اما من نحية ان العربية الأنجوى مش فابريكة و التانية البيز لاين اللى بيسموها سنتيا فابريكة
فطبعا يفضل ان العربية تكون فابريكة , بس هتندم برضه لو مجبتهاش انجوى فديه بتعتك و انت اللى تختار .
بس عموما انا معاك لو احتجت اى مساعده فى العربية . و يارب أكون أفدتك مش لخبطك

المشاركة الأصلية كتبت بواسطة markoky

بص يا باشا لازم تروح التوكيل أو أي مركز متخصص في اوبل
علشان تعرف العربية سليمة ولا لأ
التوكيل هياخد تقريبا 450 جند
والمراكز من 200 ل 250 جند
وربنا معاك عربية حلوة قوي بس عايزة واحد بيحب يصرف على العربية

وفي واحد اسمه... حسام أوبل في صقر قريش نضيف قوي و امين
أول يمين في الشارع الضيق

ده شئ اكيد انه لازم يكشف فى التوكيل
و انا اللى افتكره فى التوكيل كانت مصاريفه 300 جنيه
و اسمع ان حسام أوبل كويس بس متعملتش معاه بتعامل مع واحد جانبه اسمه محمد عبد الراضى ناس محترمه قوى برضه

لو البيز لاين مانيوال ...اكشف عليها و توكل على الله و نفض للايزى ترونيك (مبدئيا)
لو الاتنين ايزى ترونيك ...يبقى ركز فى الانجوى ..عشان الاوبشنز الى فيها حلوه ..اتاكد بس انها راشه برا فقط مش برا و جوا ..ويكون الرش نضيف طبعا مش العربيات الى بتبقى مدهونه بالفرشه :)