معروض عليا بيونتير موديل 2007 و محتاج رأيكم !!

**mody100** · 04-01-2012 11:13 PM

السلام عليكم لو سمحتو كنت عايز اخد رأيكم فى عربية فولكس بيونتير موديل 2007 فبريكة بره و جوه و فبريكة من بره بالكامل حتى الاكصدمات هو صاحبها جارى و انا عارف العربية و استخدامه كويس ليها ماشية 19 الف كيلو ..
بس فيها مراية شمال مكسورة و الزجاج اليمين مش بيفتح غير كدة هى تمام و فيها كاوتش كله جديد بيتكلم فى 38 الف و ممكن اخلصها على 37 مثلا بس انا معلوماتى صفر عن العربية دى ياترى قطع غيارها نظامها اية و موجودة ولا لا و اسعارها اية و عموما اية رايكم فى العربية انا معايا دايو رايسر طبعا فرق ان اللى معايا سيدان و دى هاتش باك ححس بفرق ؟؟ انا محتار اوى
وشكرا يا جماعة .....

**a7madramadan** · 05-01-2012 01:11 AM

هوه لو بياناتها زي ما حضرتك بتقول كده ومافيهاش عيوب اخرى وماشية الــ 19 الف بس .... بعد الكشف عندي استعداد ابيع عربيتي واشتريها فوري :d

توكل على الله وشوف رأي الاخوة الخبراء هنا :)

**import** · 05-01-2012 09:11 AM

بأكد على البيانات اللى انت كاتبها و متأكد منها اعلاة ، لو صحيحة يبقة العربية دة ما مشيتش و كأنها مرفوعة ، انا راكب أختها و ما شى بيها 72000 كيلو ، احنا طول عمرنا نركب المانى و بس و هى متجمعة فى البرازيل بس كلة المانى ، لما تأخد الملف على 150 من غير فرامل حتقول العربيات الكورى دى اشتغالة ، انا من اسكندرية و بجيب قطع غيارها من هريسة تليفون : 3907134 و 3926778 ، او محل مترو 4861752 و المراية واحد كسرهالى جبتها من صلاح الدين ب 100 جنية و رشتها لون العربية ب 25 ، العربية حمارة شغل و حمالة قسية زى الادا بس نعومة الآوروبى و مستوى أخر غير الكورى و أى حاجة مش لاقيها فى اسكندرية كلم واحد اسمة رضا عندة حاجتها استعمال تليفون : 0101617160 أو استاذ و جدى بغدادى 01223107421 ، العربية قطع غيارها ارخص بكتير من الكورى و المانى معمرة ، أرجو أكون عملت اللى على

**mody100** · 05-01-2012 02:46 PM

المشاركة الأصلية كتبت بواسطة thediesel

هوه لو بياناتها زي ما حضرتك بتقول كده ومافيهاش عيوب اخرى وماشية الــ 19 الف بس .... بعد الكشف عندي استعداد ابيع عربيتي واشتريها فوري :d

توكل على الله وشوف رأي الاخوة الخبراء هنا :)

بياناتها زى ما انا كاتب بالظبط لان العربية قدامى بصراحة وانا عارف حالتها هو مش بيمشى بيها كتير و فعلا لو محصلش نصيب فيها حقولك تاخدها هى الفرق بس انها ضيقة شوية فى صالونها مقارنة بالريسر اللى معايا و طبعا على قعدتى فى العربية فا انا اكد لحضرتك ان مافيش حد يعرف يقعد ورايا وشكرا على اهتمام بالموضوع ياباشا

**mody100** · 05-01-2012 02:50 PM

المشاركة الأصلية كتبت بواسطة import

بأكد على البيانات اللى انت كاتبها و متأكد منها اعلاة ، لو صحيحة يبقة العربية دة ما مشيتش و كأنها مرفوعة ، انا راكب أختها و ما شى بيها 72000 كيلو ، احنا طول عمرنا نركب المانى و بس و هى متجمعة فى البرازيل بس كلة المانى ، لما تأخد الملف على 150 من غير فرامل حتقول العربيات الكورى دى اشتغالة ، انا من اسكندرية و بجيب قطع غيارها من هريسة تليفون : 3907134 و 3926778 ، او محل مترو 4861752 و المراية واحد كسرهالى جبتها من صلاح الدين ب 100 جنية و رشتها لون العربية ب 25 ، العربية حمارة شغل و حمالة قسية زى الادا بس نعومة الآوروبى و مستوى أخر غير الكورى و أى حاجة مش لاقيها فى اسكندرية كلم واحد اسمة رضا عندة حاجتها استعمال تليفون : 0101617160 أو استاذ و جدى بغدادى 01223107421 ، العربية قطع غيارها ارخص بكتير من الكورى و المانى معمرة ، أرجو أكون عملت اللى على

البيانات فعلا انا متاكد منها انا عارف هريسة مكانه فى محطة الرمل صح كدة ؟؟؟ والحمد الله طمنتنى من قطع الغيار يعنى انت رايك ان العربية دى كويسة و موضوع اللى 150 ده من غير فرامل فا انا داخل ملف سيدى جابر 170 من غير فرامل بالريسر

استوك :D
الفرق فى التجميع بس لان الريسر تجمعها اسرع و اعلى من البيونتير و شكرا يا باشا على اهتمامك بالموضوع .

**xander** · 09-02-2012 07:44 AM

اوعى تقولي لسه مشتريتش ؟!!!
انزل يابا هاتها ع طول
انا اشتريتها السنه اللي فاتت ماشيه 7 الاف كيلو بنفس مواصفاتك
على 54 الف وبامانه مش خساره فيها
بس السعر ده عييييييييييش يا بوب
بس نصيحه مالعبد لله
صيانتك دايما عند ميكانيكي محترم وكهربائي برنس
هي مش محتاجه صيانه غير المتابعه العاديه زيت والمياه وتنضيف سربنتينه الهوا كل فتره صيانه مثلا بالهوا والمياه عشان البروده والصوت لان مع التراب هتحس بكتمه فيها وصوت عالي شوية
وتاخد بالك لان سحبها ف البدايه مغرى وممكن تلبس بعد الشر عليك زيي :d
انا اتغاشمت وعملت حادثه مع عشه وهي دي اللي رخمت عليا بس الحمد لله ميكانيكي بوب ظبطهالي
قطع غيارها مش عاليه اوي ومش هتحتاج باذن الله تغير اساسا حاجه مدام انت محافظ ورايق مش غشيم زيي :d
وهتلاقي حاجتها ف الحرفيين او التوفيقيه
ربنا يباركلك فيها باذن الله وهاتلك سماعتين حلوين لان السماعتين اللي فيها بعد فتره هتحس انهم قليلين عليها
هم متوسطين بس هتحتاج اعلى شوية
وربنا يباركلك فيها باذن الله وخد بالك مالعلامه عشان متتسرقش :d

**xander** · 09-02-2012 07:45 AM

صحيح نسيت اوضح
عضم العربيه انجدني ف حادثه العشه من موته وحشه
الرفرف برنس وتقيل والاكصدام كذلك
ولولا الحمد لله عضمها كان زماني مبكتبش حاجه هنا :d
وربنا يستر عليك يا كبير
استهلاكها كمان للبنزين حلو وف الغرز عنبايه
وابويا سافر بيها الصعيد سوهاج وبسم الله ما شاء الله ميه ميه معاه سحب وسرعه وثبات
وجربت ثباتها ل 170 كيلو سرعه وبقولهالك بثقه سيب ايدك وانت سايق حتى بعد ال 120
عربيه عسل
وفي عشق بيني وبينها :D

**mezo73** · 10-02-2012 03:50 PM

انا مش مختلف مع كل الكلام اللي اتقال في الموضوع بس لية ملاحظة او تجربة مع صديق احب اقولها
واحد صديق عمل بيها حادث وكان عاوز يغير ربع للاسف مالقاش وفضلت العربية واقفة اكتر من شهرين وبعدين اتضر ان السمكري يعملها من غير تغيير الربع واشتري رفرف بس
اللي انا عاوز اقولة نصيحة عامة ان اي حد عاوز يشتري عربية يدور علي العربية دي موجود منها استيراد متقطع علشان الامر مايسلمش لاقدر الله
وبالتوفيق

**minicooper20** · 12-02-2012 08:39 PM

شوف نفسك تعرف ايه و انا تحت امرك انا معيا اختها الكبيره الباراتى و الله انا نازل من جيتا و بقولك اى عربيه عليها علامت فولكس فاجن فا هى عربيه بجد
انا تحت امرك من الابره للصاروخ

**mody100** · 15-02-2012 02:21 AM

ربنا يخليكم يارب و شكرا على الردود الكويسة دى و انا فعلا انشاء الله حاخدها منه هو بس قالى اصبر عليا شوية لحد لما يدور على عربية تانية
سؤال كدة بقى على الماشى ههههههههههههههه
العربية فبريكة بره بالكامل بس فيها شوية خرابيش بيسطة اوى فى الجمب و الاكصدام اللى ورا
اية رايكم لو اشترتها انشاء الله ارش حزام و لا اكبر دماغى و امشى بيها كدة ؟

الموضوع: معروض عليا بيونتير موديل 2007 و محتاج رأيكم !!

LinkBack

أدوات الموضوع

عرض

معروض عليا بيونتير موديل 2007 و محتاج رأيكم !! - انشر الموضوع فى :

-

-

-

-

-

-

المواضيع المتشابهه

معروض عليا ميجان ii اية رأيكم !

معروض عليا 318 موديل 2011 و محتاج رأيكم

معروض عليا فولكس باسات موديل 2007 .... ب 200 الف جنيه

معروض عليا فيات بترا 2004 محتاج رأيكم

معروض عليا 405 مو89 ....ايه رأيكم فيها

الكلمات الدلالية لهذا الموضوع

المفضلات

المفضلات

ضوابط المشاركة