الموضوع: اين منسق هيونداى!!

المشاركة الأصلية كتبت بواسطة ASKAFRAWY

وانا معاكوا فعلا لو حبيتوا تفوقوا القسم
على الاقل الواحد يحس ان فيه قسم هيونداى فى المنتدى

المشاركة الأصلية كتبت بواسطة original

مفيش مشكلة كل واحد يحاول يرد على المشاركات أو يطرح مواضيع جديدة بحيث يبأا فى إهتمام من الأعضاء بالمتابعة

تمام
طول ما فيه اعضاء القسم هينشط وهيبقا كويس جدا
مشكلة اي قسم عشان ينشط حاجتين وجود اعضاء ووجود مواضيع ومينفعش نبتدي مواضيع بدون اعضاء فدلوقتي فيه الحد المطلوب من الاعضاء وليكونوا 5 او 6 اعضاء يساهموا في عمل مواضييع قيمة وبالتالي يكون ملحل جذب للأعضاء سواء الحاليين او الجداد لأن الواحد لما بيحتاج حاجة بيفتح جوجل ويكتب ولما بيلاقي ان اكتر من مرة يطلعله نايل موتورز في النتايج ويلاقي فيها الاجابة المطلوبة ساعتها هيسجل وهيدخل نايل موتورز قبل ما يدخل جوجل

المشاركة الأصلية كتبت بواسطة S A M A

طيب مش قبل ما تسألوا اين منسق هيونداى
تسألوا الاول اين اعضاء وملاك هيونداى :)))
القسم ده عاملى انا شخصيا احباط
معقول على انتشار سيارات هيونداى بكل موديلاتها ورغم امتلاك الكثير جدا من الاعضاء لسيارات هيونداى
الا ان القسم مبيدخولش اعضاء وموضوعاته قليلة جدا وردود الناس اقل
ياريت فعلا تقدروا تنشطه
واحنا بالفعل بقالنا فترة محترين فى اختيار منسق يكون نشيط جدا عشان يقدر ينشط الناس معاه
ولو انتوا عندكم اختيار او ترشيح نرحب بيه جدا واهو هيبقا اختياركم :)
بس ياريت لو تلقوا نظرة على قسم نيسان وتشوفوا منسقه احمد مصطفى عامل فيه ايه ؟
طبعا احنا مش هنقول ان المنسق لازم يعمل كل اللى بيعمله احمد
بس اقل الامور تنشيط القسم وموضوعاته
تجميع موضوعات قيمة
حث الاعضاء على التقييمات المنسقة والهادفة
نقل التجربة بشكل واضح
يعنى اختاروا واحنا معاكم
وبالتوفيق ان شاء الله

المشاركة الأصلية كتبت بواسطة Karim_Monir

اقترحو اسماء بس لازم فيها حد ادني من الشروط
اولها خبرة كويسة في العربيات ومحبوب من الاعضاء
ويكون حيادي مش متعصب ويكون قديم مش اقل من سنتين في المنتدى وله مشاركات فعالة كتير مش عينة شكرا وربنا يبارك فيك :-)
ويقدر يكون متواجد يوميا ولو ساعة واحدة او 5 ايام في الاسبوع على الاقل

كلام سليم جدا
اكثر ما اعجبني هو تفاعل ادارة المنتدى والرد سريعا وهذا دليل على الحرص على المكان

المشاركة الأصلية كتبت بواسطة khaled_yassin

هو اخونا احمد كار فين بقى من الكلام دة كلوا؟؟
بعد الجواز بقى خارج نطاق الخدمة نهااااااااااائى

من الناس المحترمة واللي يصلح فعلا يكون موجود بس حد يستدعيه

المشاركة الأصلية كتبت بواسطة el_nahal2004

اعضاء وملاك هيونداى
مبيخشوش القسم هنا خالص لان مش بيلاقوا فيه مواضيع هادفة او تفيد
القسم محتاج منسق يظبطه مثال لقسم نيسان فعلا انا منبهر بيه ...
واحدة واحدة الناس هتبدأ تخش حتى لو بالصدفة فى الاول لكن بعد كدة هيدخلوا وهيعلقوا بردود لأن بنسبة كبيرة جدا قد تكون 50 او 60 % يمتلكون هيونداى وباقى النسبة جميع مختلف الماركات
انا عن راى ارشح العضو
</B>Ashraf_Ibrahim
ليه خبرا بلاحظها فى ردوده فى مواضيع كبيرة
وبلاقيه متواجد تقريبا يوميا بالمنتدى

المشاركة الأصلية كتبت بواسطة Bunsh_Fox

+111111
كلام مظبوط وياريت تعملواااا استفتاء (استطلاع رأى) ,,
وبالنسبة للأعضاء نشطاء وليهم ردود كتييييرة ف كذا موضوع وعندهم خبرة :
الأعضاء الافاضل : Ashraf_Ibrahim & HOSSAM99 ..
أنا هرشح الأتنين !!!!!!

شكرا شكرا يا اصدقائي
هديكم فلتر الزيت اللي اتفقنا عليه وطارة الدروكسيون
لا بجد بقا
انا بشكركم فعلا على ثقتكم دي
مش مهم مين يكون منسق المهم انه يكون يصلح فعلا ويقدم شيء كويس للمنتدى
انا عن نفسي برشح
SE_coralsea
لو هيكون عنده وقت كافي للمتابعة