العامل المصري لما بيشتغل بالنتاج بيبوظ الشغل و الجوده بتقل ..احنا جربنا كل حاجه ..والدي في المجال ده من سنه 1990 بجد مفيش فايده ..الحل هو عمال من برا ..ولما المصريين يلاقو نفسهم بينطردو من مصنع ورا التاني و بيشحتو هيبداو يتظبتو تاني و يشتغلو عدل ..
عرض للطباعة
العامل المصري لما بيشتغل بالنتاج بيبوظ الشغل و الجوده بتقل ..احنا جربنا كل حاجه ..والدي في المجال ده من سنه 1990 بجد مفيش فايده ..الحل هو عمال من برا ..ولما المصريين يلاقو نفسهم بينطردو من مصنع ورا التاني و بيشحتو هيبداو يتظبتو تاني و يشتغلو عدل ..
العمال شغاله بمبداء هو كان مصنع ابونا ايكش يولع بصحابه ودى انا سمعتها بودنى من ك>ا عامل ىف المصانع اللى بنتعامل معاها
حاول تدير الشغل على اجزاء
بمعنى الجزء اللى اتعلم و فهم ابتدى به شغل
و الباقى اركنهم الى ان يتعلموا
و الى ان يتعلموا وريهم ان من تعلم بينزله حافز و فلوس اخرى
و انهم كمتدربين ليس لهم سوى مبلغ رمزى
هتلاقيهم بياكلوا التراب علشان يتعلموا
خلى الحافز هو الفلوس
و الغلطه بفوره
و طالما هناك شريك
حسسهم دائما ان هناك طرف خفى هو اللى بيشدد و انك بتنفذ ما يقوله
مع انك معاهم
و قلبك عليهم
عامل المكر بالمكر
و لا يحيق المكر السئ الا بأهله
حاول متخليهمش يعملوا عصبه مع بعض
ممكن تفضل على تلك الحاله دورتين لحد ما يتبقى لك العماله النضيفه
موضوع صعب و لكن لا مفر
معلش يا جماعة انا حاسس انكم متحاملين علي العامل المصري شوية ..اولا انتوا عارفين ان الاجور متدنية للغاية ..يعني ايه 750 جنية لعامل ..ازاي المبلغ ده يشجعه علي الانتاج وهوا يدوب هيكفيه سجاير وفول وطعمية !!! ...بالاضافة الا انه زي ما فيه عضو بيقول هيستفاد ايه لما الانتاج يزيد؟ ..هل هيستفاد حاجة؟ ..هل هيدولوا نسبة من الارباح اللي زادت ؟! ..طبعا ولا حاجة من دي هتحصل ...يبقي الطبيعي الطبيعي انه يقول ما يولع المصنع باللي فيه !...لما ادي العامل حقه مرتب كويس مش بقول اديله 5000 بس اديله المبلغ اللي يعيشه كويس ..واديله نسبة من الارباح ولما الانتاج يزيد كافأه ..ولو عملت ده كله وبرضه مشفش شغله سعتها قول ع العامل المصري مش بتاع شغل ويستاهل الطرد ...وللعلم يا جماعة دي ابسط حقوق للعمال ..وفيه شركات في مصر مطبقة الكلام ده لعمالها- وهي طبعا تتعد علي الصوابع-وفي المقابل بنلاقي العامل هناك شايف شغله كويس وخايف علي مصنعه وعايز يموت نفسه عشان الانتاج يزيد ....
مهو انا فى الاخر محكوم بتكاليف انتاج ..يعنى الى بياخد 750 هديله 1200 ماشى ومالو ..بس هجيب الفرق ده منين ؟
منا هحطه على تكاليف الانتاج ..سعر المنتج هيزيد ..ال 1200 جنيه مش هيعملوله حاجه !!
وبعدين هو لما يبقى عامل بياخد اعلى مرتب (لو راح اى مصنع مش هياخد زيه)
و لو حضر ايام المده كامله بياخد حافز
ولو انتظم فى مواعيد الحضور بياخد حافز
ولو اشتغل بضمير بياخد حافز
و متأمن عليه (التأمين على حساب المصنع من ال أ لل ي)
و لما بيحتاج فلوس بياخد سلفه و يدفعها براحته و كتير ميدفعهاش
ولما يغيب و معاه عذر مش بيتخصم منه حاجه ..فقط الحافز بيروح
و الدخان الى بييجى بيتجمع كله و يتقسم على العمال كلهم بالعدل ...
والى بيتجوز و الى خلف والى تعبان والى عيان بتساعده
وفى زياده سنويه لكل العمال
و بعد ده كله يبصلك فى فلوسك
عربيتك
صحتك
سعادتك
ولو كلمته كلمه يسيبك و يمشى و ميفرقش معاه مصلحه الشغل !!
و يكسرلك فى حاجتك ..سواق المكنه الى شغال عليها او العربيه الى بيسوقها ..
و يقولك مهو فلوسه كتير !! هى المكنه دى تيجى ايه فى الفلوس الى معاه !!
و ينام وقت الشغل
و كده احنا متحاملين ؟
واصلا العامل الى فلوسه مش مكفياه ده تلاقيه بيشرب زفت حشيش و بانجو و قاعد طول الليل على القهوه !!
بعض العمال بيكون كويس و بتاع شغل و دول كل شهر بديهم ما بين 100 الى 200 حافز ....
750 مش مبلغ قليل ابدا و انت في بلد متوسط مرتب العامل 500 جنيه
و بعدين دول مش شغالين يومية دي ناس هتتعين يعني زي موظفين الحكومة مش زي صبي البقال ..
طبعا لما نوصل لمستهدفات الانتاج هياخدوا حوافز انتاج يعني ممكن يوصل ل 950 او 1000 جنيه و ده المبلغ الصافي مش الشامل .
بص يا بشمهندس انا والدي عنده مكتب نقل و لو تعرف احنا بندور ع سواقين ازاي مش هتصدق يعني بجد بقت حاجه مقرفه و مفيش حد عايز يشتغل خالص و بقت حاجه تنرفز و عايز يشتغل يوم و يريح يومين و استفزاز فعلا و يسيبك ويمشي لدرجة اني عندي عربيه اتركنت من رمضان لحد الاسبوع اللي فات مركونه عشان مفيش سواقين و اللي يجي يشتغل اسبوع و يمشي مع انهم بياخد حقهم كامل و مرتبهم و اكرامياتهم و كل حاجه بس تقول ايه في عالم مش عايزه تشتغل بقي
معلش مع احترامي لحضرتك ..مين اللي حط المتوسط بتاع ال 500 جنيه ده !!! ...امال الثورة قامت في البلد ليه ؟!! ..هل من العدل ان اصحاب المصانع يجنوا ارباح بمئات الملايين ويرموا الفتات للعمال اللي هما اساس الانتاج ..هل الكلام ده بيحصل في اي دولة محترمة من دول العالم !!! ...مبدئيا بس انا مش بتكلم علي حالة حضرتك لان واضح ان مصنعك لسه في بداياته ..لكن انا بتكلم ع حالة عامة موجودة في البلد كلها واكيد حضرتك عارف يعني ...وبالمناسبة انا مهندس ميكانيكا حديث التخرج وللاسف سمعت ارقام مشابهة للي حضرتك قلتها وانا مهندس مش عامل ....
معلش حضرتك كده هتدخلنا في حتة تانية ..لان اجور العاملين مش هيا العامل الوحيد اللي بيأثر في تمن السلعة ..لأ في عوامل تانية كتير بتأثر في التمن ودي اللي ممكن يتلعب عليها واكيد حضرتك عارف كده ..فمش هيكون سعر السلعة والمنافسة والكلام ده هو المبرر لظلم العمال ...