نزلت التنك وبعد ماركب مش بيتفول

امبارح رحت الحم الكامر بتاع العجله الخلفيه فلازم السمكرى ينزل التنك قبل ما يلحم وفعلا عمل كده وبعد ما خلص وركب التنك تانى جينا نرجع البنزين مكانه اللى كان فى العربيه (لأننا فضيناه فى جركن)
العربيه قبل ما ينزل التانك كانت فيها اقل من الفول بشويه يعنى يعتبر مليانه بنزين
لما جينا بقى نرجع البنزين مكانه تانى التانك مرضيش ياخد اكتر من نص الكميه اللى فى الجركن وبقى البنزين يخرج من مكان التنك وفى نفس الوقت مؤشر البنزين فى التابلوه على النصف
ياترى ايه اللى حصل؟
التنك اتسد مثلا؟ ولا حصل ايه
ارجوا سرعه المساعده انا هتجنن

كده اظن التانك مش راكب فى مكانة مظبوط يعنى راكب بميل شديد فكدا بيكون مايل ناجية الامام فلما بتيجى تفول بتيجة ميله بيزيد من ناحية فتحة التانك وانخفاض العوامة نتيحة ان العوامة راكبة فى الناحية الاخرى من التانك دى زى مابتكون طالع كوبرى فبتلاقى مؤشر البنزين بينزل شوية ويرجع يعلى وانت نازل نتيجة ميل التانك مع المطالع والمنازل

كلام الأخ aboomar22 فيه الصواب بإذن الله

التانك فعلاً راكب مش مرتاح

وممكن حاجة تانى خد بالك منها ممكن لما العوامة بترفع بتقفل الوش فيطرد لبره البنزين لما تدلق جواه
فممكن العوامة نفسها تكون مش راكبة صح

لا لا لا الموضوع ده حصل معايا وكان مجننى العربية تاخد 10 لتر وتفول
طلع ان خرطوم الفايص متنى وكاتم فتحة الفايص فعند التموين الهوا مش بيخرج فتلاقى البنزين بيملاء التنك كأنه فول .............

فعلا هو خرطوم الفايص ده دوخ اهلى قبل كده

التانك مايل .. والعوامة مش مكانها

شكرا على الرجاله اللى حاولو يساعدونى
والحل طلع فعلا بسبب خرطوم الفايص فعلا كان كاتم الهوا
انا رحت امبارح لميكانيكى وجبت عوامه جديده خليته فك التانك وركبها وظبط الخراطيم
شكرا يا جماعه