الموضوع: الفرق مابين ياريس 2007 او 2008

بالنسبة لسؤالك الاساسي

مافيش فروقات مابين موديلات 2007 و 2008

ولو فيه فهي حجات بسيطة جدا يمكن الشبكة (لاني مش متاكد التعديل بتاعها من 2009 ولا 2008) والكاسيت وحجات كماليات مش مؤثرة نهائيا

لكن لو الاتنين نفس الحالة تاخد الموديل الاحدث احسن احسبها ان دي بقالها 3 سنين على الطريق والتانية بقالها 4 سنين ! !

البطارية والكاوتش والتيل وبعض قطع الغيار اللى بتستهلك مع الوقت هتبقى اكيد افضل في الموديل الاحدث

المشاركة الأصلية كتبت بواسطة zekas2011

يا جماعة الحمدلله اشترت الياريس 2007 كاملة اوتوماتيك
كنت عايز اسأل هى عاملة 68 الف بس عدا عليها اكتر من 3 سنين كدا خرجت برا الضمان ولا التوكيل دا مش فارق اعمل الصيانة برا ارخص.
وكمان هى العربية مفتاح واحد اعمل المفتاح التانى فين وبكام
واشترى فرش جلد ولا افصل لها واشتريه منين
وشكرا مقدما يا رجاله

الف الف مبروك وربنا يباركلك فيها وان شاء الله تبسطك

هي العربية ضمانها 3 سنين او 100 الف كيلو ايهما اقرب (مش متاكد من موضوع ال 100 كيلو ) بس هي يا 3 سنين يا اما عدد كيلوهات معين

وبالتالي انت عربيتك خرجت من الضمان لكن ممكن لما تتم ال 70 الف كيلو تروح تعمل صيانتها في التوكيل وتشيك على كل حاجة عشان تطمن

والاهم صيانة ال 80 الف مهمة حاول انك ماتفوتهاش

حاول برضوا انك تعرف هل الكاوتشات اتغيرت ولا لاء وكذلك البطارية لو الكاوتشات ماتغيرتش غيرها واشتري كاوتشات جديدة وبطارية جديدة والاحسن انك تغير زيت الماتور برضوا حتى لو لسه متغير بس عشان تبقى متاكد من كل حاجة وتحط زيت بمعرفتك

المفروض ان العربية بتنزل بمفتاحين انت ماسألتش صاحبها على المفتاح التاني ليه ؟ لان المفتاح مشفر لو رحت التوكيل وطلبت واحد اعتقد هتلاقيه داخل في رنج 300 - 500 جنيه تقريبا

الفرش ممكن تشتري جاهز او ممكن تفصل على حسب راحتك

وربنا يباركلك فيها واحنا تحت امرك في اي ملاحظات