الموضوع: بتحب مين ؟

من امبارح لغاية دلوقت وانا باحاول اعمل لستة اسامي ....
مش عارف
ربنا يزيدنا محبة
انا بقالي اربع سنوات و10 ايام في المنتدى
الحمد لله كل اللي اتعاملت معهم سواء افتراضي او حقيقي كانو ناس افاضل ومحترمين
حتى من اختلفت معهم في الرأي كان اختلاف محترم وفي حدود الاحترام
احببتكم كلكم في الله
معلش اعذروني مش قادر احدد اسماء ...... كلكم اخواني اخواتي وابنائي وبناتي ....
لكن فيه ناس تركو المنتدي لسبب او لآخر .... دول ممكن اذكر منهم:
د. هشام شيكو ... توأمي العزيز
حسن خليل
رامبرانت
ماهورا
نهى .... اونا سابقا
علا عثمان
دموع الثلج
......
......
محمد جمعة الله يرحمه
ايمن على الله يرحمه
.
وآخرين قد اكون نسيت ذكرهم

اما انتم ايها الزملاء الحاضرون ...... كولكم كولكم باحبكم باحبكم
وكمان لازم اشكر كل من ذكرني في الاسماء اللي قالها ..... بجد انا باعتبر ده رصيد ليا في الحياة

لييييييييييه كده بس
محدش بيقول علي المواضيع اللي بتلم الحبايب كلها كده ..... ليييييييييه ؟؟؟ :)))

------------------------------------------
انا لقطت اسم الموضوع في موضوع تاني ودخلت علي جوجل جيبته :))

السؤال بقي بحب مين ؟؟

يحضرني في هذا الموقف العظيم قول الشاعر اللي معرفش اسمه (سمعتها في ميكروباص)
وبحب الناس الرايقة اللي بتضحك علي طول .... اما العالم المتضايقة لا لا ماليش في دول"
ونلاحظ هنا تأكيد الشاعر باستخدام لا مرتين .... لالا تأكيد انه مش بيحب العالم ولاد المتضايقة دول هاهاهاهاها
---------------------------------
موضوع جميل والله واتبسط لما قريته و زعلت جدا وانا بقراه علي الي حصل في الفترة الاخيرة اللي مكنتش اتمني في يوم من الايام اني اشوفه في احب مكان اليّ يمكن بقعد فيه اكتر مع بقعد مع اهلي.
ربنا يعافينا ويزيح عنا وعنكم كل بلاء و الاجواء تصفي تاني زي الاول وتبقي المشاكل ديه كلها زوبعة في بطرمان .

انا متعرفتش علي حد في المنتدي هنا الا وحبيته صدقا وقولا وفعلا ... ايون والله ومبقفش من اي حد ويمكن علشان كده مبخشش الاجتماعي ولا المصري علشان مشيلش من حد :))
واتمني والله اني اكون اخ ليكم كلكم و ممكن تنتخبوني رئيس مجلس ادارة المنتدي ههههههههههههههه بعد اذن كريم منير حبييبي حبييبي :)))
وعلشان ميفتكرش ده انقلاب اليكتروني هو اول واحد ابدأ بيه ..... والله بعزه وبحترمه جدا و اللي احنا فيه ده بفضل الله ثم هو .
وبعديه علي طول (كنت عايز ابدأ بيه) احمد تي في .... اول واحد قابلته في المنتدي وكان ايا نعم الاخ والصاحب ... حبيييييييبي حبييييييييييييبي ..... اخويا بجد وبحق وحقيقي
انا هاكمل الاسماء بقي ورا بعض ...... لحسن لو فضلت اشرح كل واحد مش هاروح النهاردة والحاجة عاملة حلـــة محشي كرنب باللية :))

وفيه ناس اعرفهم ومشوفتهمش حتي بس نبدأ بسم الله ..... ومن المنتدي وفيس بوك معلش بقي ههههه
مع حفظ الالقاب طبعا
مدام سما اي بسكوتة :)))
ا/نادر
شنوري (بس مشعارف كل مايشوف خلقتي يقلي خش نام ياحسين ليه؟؟ :))
جميع صقووووور نيسان ..... كلهم كلهم
الشيخ خالد
سبعاوي
دونزي
قاسم
غازي
يوكو
وسام خضيري
باسم سعيد (الله يرحمه رحمة واسعه)
(ايمن علي) الله يرحمه رحمة واسعه وكل حبايبي في شيفروليه
ضحي
نور القمر
العقيد
محمد ممدوح
أكتو (محمد سليمان)
كفراوي
د/ المناهري
ميدو
احمد امين .. نوكومنت
..........
كله كله بصراحة مش عايز انسي حد ده اللي جيه علي بالي دلوقتي
والحق امشي انا بقي لحسن شامم ريحة المحشي من مدينة نصر:)))
اقعدوا بالعافية :))

سونا ستيل ... ريل ستيل .
الله يسامحك ... الله يكرمك .