اللى يسأل مايضحكش عليه

**amr960** · 14-01-2012 05:55 PM

عربيه حلوه فعلا بس العيب بتاعها اعاده البيع و قطع الغيار التوكيل مغالى جداا فى اسعار قطع الغيار مع انها صينى

**eng_hatmido** · 16-01-2012 06:59 PM

بم ان الاحمدي موتورز اون لاين .... ممكن سؤال رفيع؟؟
هو انتوا ليه الناس معترضة عليكوا وبتشتكي منكم ... انكم اغلي من التوكيل بكتير وبتتأخروا في التسليم وكمان محدش بيساعد في الترخيص ... نرجوا الحقيقة لو تكرمتم

**الاحمدى موتورز** · 17-01-2012 06:15 PM

اولا

احنا عمرنا ما بعنا اغلى من التوكيل حتى في اخر ايام البريليان لما خلصت على شهر واحد 2011
وفي اخر ايام العربية دي كانت العربية ب 69900 والتوكيل خلاها 71900 فا مش احنا اللي رفعنا السعر

دايما با حب التزم بالسعر الرسمي لاني موزع معتمد ومينفعش احرق العربية في السوق كون ان في بعض الناس عملت كده فدا مش مشكلتي انا

بنتأخر دي لايمكن لان العربية دي حاجة من اتنين
يإما واقفا قدامي هيدفع هيستلم هيمشي
او هطلعها من الشركة لو اللون العندي مش عايزه الشركة بتاخد اسبوع عشان تتطلع الشركة مع العلم العميل بذلك
او قسط فالإجراء الطبيعي ان العميل يطلع على الترخيص دي شروط البنك

مفيش عميل بياخد عربية إلا حاجة من اتنين بيطلب حد يساعده في الترخيص حتى لو كان اجنبي ( لانهم مشكلة فعلا في الترخيص ) او هو اللي بيرفض بيقول ان عنده واسطة مع العلم اني بفضل مندوب يطلع معاهم وانا ما اذكرش بريلينس مطلعش مندوب معاهم ( دا اختياري للعميل )

لو ناس اشتكت فممكن حضرتك تقولي اسمه انا لحد انهاردة عندي ملفات كل العملاء اللي اشتروا بريليانس من سنة

اما الحجز فالصراحة مش فإيدي انا حاجز مع الشركة للدفعة الجديدة اللي شكلها مش جاية كل 3 شهور يقولك كمان 3شهور عشان كده قلت اللي مستعجل ع عربية ما يستناش البريليانس واللي بيحبها وهي عربية ممتازة يستناها

**limo81** · 17-01-2012 08:32 PM

الحقووونى يا جماعه

فعلاً لؤى كان عنده حق!!! انا لسه مكلم المبيعات علشان كانوا قايلين العربيه جايه فى نص يناير
امبارح قالولى نص مارس (الكروس مانوال و اوتو والFSV اوتو)

انا زهقت وعايز النصيحه من "البريليانساويه "

تستاهل اسنتى واصبر كمان!!!! خايف فى شهر 3 يقولى حوار تانى
ولا أجيب (رينو سكالا - اكسنت RB - نيسان صنى)

أفيدونا أفادكم الله

**الاحمدى موتورز** · 17-01-2012 10:43 PM

انت بقالك قد إيه مدوخينك انا اخر طلبية اخدتها منهم كانت في شهر 12 / 2011 وكلها وعد لا يوفون بيها

rb طبعا

**limo81** · 18-01-2012 12:00 AM

من شهر تسعه قالوا نص 12 وبعد كده نص واحد ومن يومين قالوا نص 3
حاجه تجنن

**alsfah0** · 18-01-2012 12:01 AM

انا حاجز fsv من الاحمدى وبصراحة ناس محترمة جدا وبيعملو كل اللى يقدرو علية وبالاخص الاستاذ احمد لأن كل تعاملاتى كانت معاة وبنسبة للأسعار انا حجزت العربية من عندهم بنفس سعر التوكيل بس بصراحة ززززززززززززززززززهقت من العربية دى مش عارف هتيجى ولا اية ومش عارف استنى ولا اية رئيكو او اية البديل ليها بنفس امكنيتها

**alsfah0** · 19-01-2012 08:19 AM

يا جماعة انا فى حاجة سمعت عنها بس بصراحة مش مصدقها خالص ان البرليانس frv هتنزل بموتور
Mivec 1.6 ال 172 hp دا فعلاااااااااااا طيب وFSV هتنزل نفس الموتور دا ولا اية !!!!!!!!!!!!!!!!!!!!!!!!!!! دا كلام من مهندس فى التوكيل

**heroo911** · 21-01-2012 05:42 PM

بقالها معايا سنتين وعامل بيها 50 الف والحقيقة مش عارف مستحملانى ازاى رغم انى بفحتها فى شوارع مصر ومطبتها كتر خيرها شافت معايا مأسى احسن من حاجات ايطالى وكورى طلعو عينى فى سنينهم

**الاحمدى موتورز** · 24-01-2012 11:40 AM

المشاركة الأصلية كتبت بواسطة alsfah0

انا حاجز fsv من الاحمدى وبصراحة ناس محترمة جدا وبيعملو كل اللى يقدرو علية وبالاخص الاستاذ احمد لأن كل تعاملاتى كانت معاة وبنسبة للأسعار انا حجزت العربية من عندهم بنفس سعر التوكيل بس بصراحة ززززززززززززززززززهقت من العربية دى مش عارف هتيجى ولا اية ومش عارف استنى ولا اية رئيكو او اية البديل ليها بنفس امكنيتها

بص العربية دي كل ما ناخد معاد من التوكيل ياجلوا المعاد
ومؤخراً أخذوا مننا ورقة الفوركست (ورقة التوقع خلال العام يعني محتاجين. كام عربية سنة ٢٠١٢ )
دا اللي اقدر أقولهولك
لو مستعجل هات اي حاجة تانية
لو نفسك فيها انتظر شوية