الموضوع: مخالفة سير عكس الاتجاه

كده أحسن 100 مره كفايه الحرمانيه بتاعه التصرف التانى

معلش ردي يمكن يضايق حضرتك و لكن احترامي ليك محفوظ و الله :)

انا حافظ الحتة دي لأني في جامعة مصر (لازقة في دار الفؤاد) .. و في احد المرات فرملت في اخر لحظة و كنت هعمل حادثة .. طالع من الحوداية بتاعة فندق نوفوتيل و واحد جاي عكس في الطريق البطئ .. و الحمد لله عدت علي خير .. و لكن في الحتة دي واضح جدا ان الطريق اتجاه واحد ( في اتجاه ميدان لبنان ) .. لأن الطريق مقسوم اتنين .. طريق سريع للناس الطوالي و طريق بطئ للناس اللي داخلة الجامعة و المتميز و الفندق و المستشفي .. و طبيعي جدا ان البطئ يبقي ماشي في نفس اتجاه السريع .. و لو حضرتك عايز تلف في اتجاه اكتوبر ممكن تمشي حتة صغيرة و تلف من ميدان جهينة مش هتخسر حاجة بالعكس هتريح بالك و هتريح الناس اللي عالطريق خاصة ان الحتة دي مفيهاش زحمة ولا حاجة ده طريق مفتوح .. و لذلك انا شايف ان المخالفة كانت صحيحة و الحق ميزعلش :)

لو حضرتك في الحتة دي كتير تعرف ان حصل حوادث كتير بسبب الناس اللي بتمشي عكس في الطريق البطئ .. منها حادثة مشهورة بتاعة اوتوبيس الجامعة اما كان طالع من عند الفندق مش مدي خوانة و قام مطير عربية شاهين كانت ماشية عكس في رمضان اللي فات .. انا عن نفسي اما ببقي طالع من المتميز بالليل و الاقي حد جاي في وشي عكس في الحتة دي بفتح النور العالي في وشه قصد عشان بفتكر الحادثة اللي كنت هعملها

حتي لو حضرتك سلكت المسار ده كتير و الطريق كان فاضي خالص فا ما زال .. سير عكس الاتجاه .. و اتمني متكونش زعلت مني

ماتزعلش منى

طالما مشيت عكس الاتجاه يبقا تاخد مخالفة

اه صحيح انت ماكنتش تعرف انك ماشى عكس بس ده مش ذنب مساعد المرور

اللى واقف ده وشافك واداك مخالفة المهم ان ده يتنفذ على اى حد يمشى عكس

وفى اى مكان