أوكيه أوكيه مش هتخسر حاجة لو جربت لإتنين .. و مسيرك هتعرف إن top tech احسن للحرق ..
عرض للطباعة
مش موضوع اقتناع واللهِ .. اقولك حاجة فاكر موضوع سيرتك !!! .. كان فيه مشاكل عليه كتير عارفها ؟؟؟؟ .. أنا اقولك الالمان كانوا بيقولوا إنه بيقعد 50 ألف كيلو مابينزلش .. طلع كلامهم كله غلط .. بدون دخول في تفاصيل يعني .. وطلع بينزل في أول تغيرت زيت .. ومحدش عارف بيقعد قد ايه في موتور ولا دياولو .. و كمان قالوا ينفع لكل المواتير .. و طلع مينفعش لكل المواتير .. أقاويل كتير قوي بتتقال منهم غلط وديه المشكلة .. فـعشان كده بالتجربة الواحد بيعرف مش بكلمهم . و طلع في مادة برده بيعملوها اسمها mos2 بس رخيصة عنه كتير .. احسن منه ميت مرة و متجربة كمان .. . بعد المشاكل الكتيرة ديه .. أنا مبقتش اثق في كلامهم
لكن أنا مش بغلطك أو مش عايز اقتنع منك .. أنا مبقتش اصدقهم بصراحة ......
بس يا سيدي و قامت مزغرطة هههههههه ..
أولا مين الي قال الألمان قالوا كده ده توكيل مصر الي قايل زي ما بيقولوا ال4100 بيقعد 12 وهو ممكن يعد 15 ويبقى نازل بدري كمان (على كلام الألمان)
السيراتيك برده في مصر هنا الي قالوا بيقعد 50 الف ولما واحد بعت لألمانيا قالوله لأ مع تغير الزيت
السيرتك مكسبه أعلى من الmos2 فتوكيل مصر هنا بيقولك سيراتيك بره بيقولك فيه الإتنين
مشكله ال4100 معايا حاجة واحده إنه low-saps ودي يخلي الموتور بينحر أكتر مع الrpm العالي وممكن تدور في الموضوع ده
لا يا باشا .. في اجتماع المهندسين الالمان هنا قالوا الكلام ده .. و دكتور منهاري هو اللي عرف إنه بينزل مع الزيت .. و راسلهم ..و عرف إنه كلام فاضي ...
اقولك حاجة من الآخِر .. موضوع الزيوتـ ده .. مسألة راحات نفسية .. في ناس معجبة جدا جدا بالموبيل و مرتاحله قوي .. و بيقولك بنزله و عامل بيه 11 ألف و تمام ..
مادام إنت مرتاح لحاجة اعملها حتى لو التعاون .
بجد!!!
بس انا عند رأي إن بالنسبه للعربيات الي يورو 4 أو أقل ال high saps أحسن بالنسبالها
ما تقول ل د. مناهري على الموضوع ده ونشوف رأيه
إبعتله اللينك عشان مش فاكر إسم عضويته بالظبط
حيرتوني يا رجالة، طيب أنا اعمله إيه دلوقتي:banzai:
حط زيت تموين على ما نتفق هههههههه
لأ بجد حط أي واحد من الإتنين الإتنين كويسين والفرق بينهم بسيط قوي
لو عاوز تحافظ على عمر علبه البيئه حط ال4100
لو بتجري كتير وكل سواقتك قرص جيب الهاي تيك هيحافظ على الموتور أكتر
الاخوة الاعزاء سبب الجدل هو ان موقع liqui moli يتجدد عندما اشتريت الزيت لسيارتى كان اختيار موقع liqui moli -oil service هو زيت high tech 4100 5w-40 ولانى معجب بالفيات برافو التيربو امليت الموقع فيات برافو تيربو 120 حصان وايضا 150 حصان كانت النتيجة نفس الزيت وتسمية top tech 4100 هى نفسها high tech 4100
والزيت عندى فى السيارة من اواخر الصيف الى الان ممتاز ولكن عند دخولى على موقع الشركة الالمانية وامليته نفس المعطيات موتور ال byd والكود 4g18 والفيات برافو الى 2l تربو رشحوا لى زيت leichtlauf 5w-40 وهى اصدارة احدث من ال top tech وتقيمها من هيئة apl هو n اى اعلى من ال top tech الذى درجته من من هيئة apl هو m
ولكن بالتجربة سيارتى اوتوماتيك وكل قيادتى هو حرق على الغيار والزيت ال top tech يتحمل للان حوالى 7500 كيلو
اما موضوع السيراتيك واحب ان اصفه بالرمز الكيميائى له وهو boron nitride hexagonal فهو من ال dry lubricants وكتبت عنه موضوع فى قسم ال byd
بعد الدراسة وجد ان ال mos2 موجود اصلا فى الزيت فى ال additives اثناء تصنيعه ولذلك وضع ال ceratic يحسن فى الاداء للسيارات الحديثة ويطيل عمر الموتور وافضل اضافة ال mos 2 للسيارات القديمة والحديثة ذات الميلاج العالى
تمام يا د. الفكره إن البرافو يورو5 واللينيا يورو 4 وعشان كده الموقع رشحلي الزيت ال هاي تيك عشان فيه high saps الي مينفعش مع العربيات ال يورو 5 لإشتراطات البيئه
دلوقتي كلامنا لو العربيه متشال منها الكتاليتيك يبقى أنهي زيت أحسن ليها في الحرق والجري
نص خطاب الالمان عند مراسلتهم بخصوص موضوع السيراتيك
Dear Mr. Mohsen,
Thank you for your inquiry from the 07.12.2011 and the interest in our
products.
To the question with the change about cera tec we can say that the most
particular parts go out with the oil change. So after every oil change
there we have to do a new one in it. The 50.000km is given because we have
some change intervalls during these kilometers. With the question about the
particular we will add you a product information where you can find these
informations.
(See attached file: 3721 Cera Tec_EN.pdf)
Should you have any further questions, we are always at disposal.
Mit freundlichen Grüßen
Best Regards
i. A.
Stephan Weissinger
Anwendungstechniker
application engineer
Phone: +49 (0)731 / 14 20 - 623
Fax: +49 (0)731 / 14 20 - 44623
LIQUI MOLY GMBH
F & E / Anwendungstechnik
Jerg-Wieland-Straße 4
D-89081 Ulm
www.liqui-moly.de
Amtsgericht Ulm HRB 1383 | Geschäftsführer: Ernst Prost
Court of registration Ulm, HRB 1383 | Managing Director: Ernst Prost
LIQUI MOLY ist Deutschlands beliebteste Motorenöl-Marke !
Dear Sir
It is a pleasure to write to you . I use your products in my car and I
write about liqui Moli products on car forums , I want to ask about your
product CERATIC , it is made from hexagonal boron nitride 0.5 micron ,I
know that hbn powders are available in following particle sizes: 70 nm, 150
nm, 0.5 micron, 1.5 micron, 5 microns to 30 microns . The a question is
whey ceratic is made from paricle size 0.5 micron not 70 nm, 150 nm. please
explaine to me the wisdom .
Please the second question whey ceartic to be changed after 50 thouthand
km ,does it stick to the engine parts so it is not drained with oil during
changing the oil.
Thank you , please accept my fine regards
signature Dr mohsen
قصة انتاج الزيت ال high tech 4100 5w-40 هو ان شركة بيجو ارادت اختراع موتور يصدر اقل عادم من ناحية الضرر وبالتالى قابلته شركة liqui moli باختراع هذا الزيت
وعند ظهور سيارات تيربو 2l اانتجت شركة lioui moli الزيت leichtlauf 5w-40
وظهر هذا الزيت فى اوربا فى 18 يناير عام 2010
واذا قرات ملف ال pdf لا تلحظ فرق كبير بين الزيتين والتجربة العمليه هى اكبر فيصل
ارجع واكتب ان كلمة 5w لاتعنى لزوجة الزيت فى درجة الصفر الحرف w يعنى winter start وهو فى الزيوت الانف ذكرها تستطيع ان تدير سيارتك فى درجة حرارة من 30 الى 35 درجة تحت الصفر الذى يعنينى هو رقم 40 ومعناه معدل اللزوجة عند 40 الى 100 درجة مئوية والنوعين المفروض ان عند 100 درجة مئوية مقياس اللزوجة 14 وهى درجة مرضية لحرارة مصر فى المواتير الى 1600cc اما المواتير الاعلى فى السعة انتجت لها شركة liqui moli زيت اخر اعلى فى اللزوجة
هناك هيئة اوربية قاسية فى تقيمها للزيوت وهى هيئة acea واعطت النوعين من الزيوت التى تحدثنا عنها a3
اهلا بحضرتك دكتور منهاري .. نورت الحديث بجد .. كان نفسنا حضرتك تكون فالكلام من الاول لخبرة حضرتك المعروفة .. بصراحة أنا بعتبر حضرتك درع من دروع المنتدى و بحب اعرف رأيك في كل حاجة ..اقتباس:
To the question with the change about cera tec we can say that the most
particular parts go out with the oil change. So after every oil change
there we have to do a new one in it. The 50.000km is given because we have
some change intervalls during these kilometers. With the question about the
particular we will add you a product information where you can find these
informations.
لو سمحت طبعا ..
سؤال بس لحضرتك .. احنا محتارين جدا في موضوع الزيت المناسب للحرق و الجري .. مع إن high tech تكنولوجيا احدث من top tech .. من الرغم من ذلك ينصح باستخدام top tech مع الحرق !!! ليه بقى ؟؟؟ ..
انا عارف إن الإتنين ينفعوا للكاتاليتك والزيت الموقع موصي ليا الإتنين والعربيه فيها كتاليتك
بس أنا قصدي إن الكتاليتك الي بيبقى في العربيات المطابقة للمواصفات اليورو 5 غير اليورو 4
وفي حالتي أنا شايل العلبه أصلا فبالنسبالي الزيتين ميفرقش معايا مين بيرمي عادم أكتر
يافندم كلك زوق والحقيقة الذى اثار فى الرغبة الشديدة فى دراسة الزيوت شيئين
اولا انواع غالية وشهيرة من الزيوت وانزلتها من السيارة بعد الفين كيلو ماء اسود وكنت اشم رائحة الزيت شياط ولكن ال top tech 4100 شئ اخر تماما الزيت الذى يتحمل قيادتى للسيارة هو زيت يتحمل اى حرق على الغيار فى اى سيارة الفرنسيين علمونى اشبع الغيار وافتح الموتور
ثانيا قرات عبارة للاستاذ كريم منير ان الناس لايوجد عندها ثقافة عن زيوت السيارات ولان الثقافة تاتى بالقراءة والدراسة كانت هذه العبارة محفزة لدراسة الزيوت وللان لم يقتصر دراستى على زيت liqui moli فقط ولكن على انواع اخرى من الزيوت شهيرة بانها fully synthetic
استعمل الزيت ال top tech 4100 وشبع الغيار ولا تخف ولكن راقب الزيت كل فترة وننتظر من سيادتك ان تدلى بخبرتك معه
حضرتك اثرت موضوع كان في بالي من زمان و محدش غير حضرتك هيفيدني بيييه .......
موضوع تشبيع الغيار !!!!!!!!!!!!
هل عادي انقل مثلا على 5000 أو 6000 rpm ولا فيها خطر ؟؟؟؟؟؟؟؟؟؟؟؟
ياريت حضرتك تدلنا بالمعلومات المفيدة في الموضوع ده عشان المعظم بيخاف يعلى عن 3000 rpm ....
معلش هنتعب حضرتك معانا ..........
الاساس واحد فى كلا الزيتين ودرجة العادم سوف يكون نسبة ضررها واحد ولكن فى كلام الشركة الرسمى يجب ان يكون ال top tech الاقل فى المواد الضارة للبيئة مع ان الزيت ال leichlauf 5w-40 هو زيت تم بنائه بعد ال top tech ولا يستطيع الالمان التراجع فى اداء الزيت لان هناك هيئات من ضمن تقيمها نسبة الضرر فى العادم
ياعم احمد مش موضوع خوف وغيره .. بس ايه فايدة ان كل سواقتى انقل على 4500-5000 وبالنسبة لك جوة القاهرة يعنى بتلعب اول وتانى وتالت ونادرا ما بتجيب الرابع وده يساويه استهلاك غير عادى للبنزين وترجع تعيط وتسب وتلعن فى الصنى بس لو على طريق مفتوح اعمل اللى انت عاوزه
وزى ما قولت قبل كده كتالوج العربية بيقول ان اقصى قوة واقصى عزم للموتور بيخرجوا على 4-4.5 يبقى ايه فايدة انى ازود عليهم !!!
وطبيعى جدا ان حالة العربية والموتور للى بينقل على rpm متوسط (وليس منخفض عشان ما يخنقش الموتور) تبقى احسن من اللى بيشبع كل غيار فى كل نقلة (الله يمسيك بالخير يا موافى!!)
:verygood::verygood::verygood: عين العقل والله يا دكتور
:verygood::verygood::verygood: حبيب قلبى وتوأم روحى