حل ممتاز فعلا احييك على الفكره
بس المشكله ان مفيش اى نيه للاهتمام بالاقاليم سواء مسافرين او ناس ساكنه على الطريق
وده للاسف منتهى الطبقيه فى تعامل المسئولين فى مصر
لو بصينا على الصحراواى هتلاقوا الضغط عليه خمس (1/5) الزراعى تقريبا ورغم كده مخدوم على اعلى مستوى حارات على الجانبين للنقل وبراح كبير للملاكى والانكى من كده الكبارى اللى اتعملت علشان اللى عايز يلف (قال يعنى الطريق ضيق وميستحملش يو تيرن محترم) خصوصا الكوبرى الفضيحه اللى اتعمل عند وادى النخيل علشان احمد نظيف وهو مروح من القريه
وده كله ليه علشان الباشوات وهم رايحين الساحل فى الصيف يكون الطريق حلو لدرجه ان من سنتين كانوا بيحولوا النقل على الزراعى يوم الجمعه والسبت على اساس ان الزراعى ناقص زحمه اصلا
ونفس الموضوع لما تقارن دايرى المرج بدايرى المعادى حتى نزله اسكندريه الزراعى متنيله ب 60 الف نيله لما تقارنها بالسويس علشان مدينتى وكده
منتهى السفه وقله الادب
كان لازم تقوم ثوره علشان الاشكال الزباله اللى كانت ماسكه البلد دى تتحبس على الاقل
اعذرونى على الغل والغيظ اللى انا فيه لان اكتر حاجه بتنرفزنى هى اسكندريه الزراعى والصحراوى
============
مقاله قديمه ليا على مصراوى بتتكلم عن الموضوع ده من سنه ونص وفيه الحل ده ولا كانى كتبت حاجه برضه
http://www.masrawy.com/ketabat/Artic...aspx?AID=60227
أنتم متأكدين ان الخبر دة صح
لأن أصحابي كانوا جايين اسكندرية يوم الخميس و اتأخروا جدا جدا
اتصلت بيهم قالوا لي انهم وقفوا في ايتاي البارود ساعتين و نص علشان في حادثة بعدها و الاهالي قاطعين الطريق
و الكلام في الخبر بيتكلم على بنها
انا متاكد من مكان سندهور علشان اخويا كان من ضمن ضحايا قطع الطريق ده واتاخر 6 ساعات
لكن معرفش ايه ظروف ايتاى لان الطريق اتقطع من 2 الضهر وبدا يفك الساعه 1 بالليل فتخيل شكل الطريق فى الناحيتين
فكرة تعلية الطريق حلوه لكن لو فكرنا فيها كويس هنلاقى انها شبه مستحيله ده بسبب المساحه
الزراعي او اى طريق عشان يتعلى مفيش غير طريقتين
الطريقه الاولى : عن طريق الكباري ودي طبعا متنفعش لان المسافه كبيره أكتر من 200 كيلو يعنى مليارات كتير مصر متقدرش تتحملها
الطريقه التانيه : عن طريق الردم وده برضو مينفعش لضيق الطريق لان الردم بياخد مساحه كبيره على شكل قاعده وقمه او سطح على مساحه أقل من القاعده
يعنى لو في طريق خمس حارات فى كل اتجاه لو احنا عليناه هيبقى 4 او 3 حارات بس فى كل اتجاه
لو بصينا على الزراعي هنلاقيه يا حارتين يا تلاته بالكتير لو علناه هيبقى كام حاره ؟ واحده !!
وطبعا مينفعش اننا نتوسع لان الطريق محكوم من الناحيتين ناحيه فيها شريط القطر وده عشان ترحله عايز ميزانيه ضخمه والناحيه التانيه بيكون فيها مساكن وبيوت ومصانع صعب تشيلها
انا مش متشائم بس كنت سمعت قبل الثوره انهم هيعملو طريق جديد دولي 5 حارات غير الطريق الحالى من بنها للدائري وكانو بيقولو انه هيخلى الوقت بين الدائري وبنها نص ساعه تقريبا
لكن للأسف معنديش فكره هل فى نيه لتنفيذه فى الوقت الحالى ولا لأ
حتى لو عملوا طريق موازى برضه فاكس
طبقا لنظريه القمع كله هيصب فى طريق ضيق وهو مدخل الدايرى
فلازم الطريق يصب على الدايرى مباشره ويوسعوا مداخل القاهره لحد ماتتفرع
الحاجه التانيه لازم يربطوا المدن مباشره ببعض
يعنى الزقازيق بشبرا مباشره عارف كام كيلو؟
41 كيلو تقريبا وهتخف الضغط على الزراعى من اول بنها لحد الدايرى
ايه لازمه انى اعدى على منيا القمح وبنها وقليوب علشان اوصل القاهره؟
المفروض يتعمل طريق مباشر وهيعرفوا يلموا تمنه فى 5 سنين لو حطوا كارته ب 2 جنيه
بالاضافه طبعا لتعليه الزراعى حتى لو بقى 3 حارات بس فى كل اتجاه
ساعتها هيكون الطريق الموازى له زى الفل
نفسي الكلام ده يحصل
-موازى للزراعى من عند منطقه المصانع اللى فى قليوب تسقط على الدايرى عدل
-تعليه الزراعى
-زقازيق دايرى على طول
ساعتها المشاكل هتتحل
بالنسبه بقى للفلوس شوف الصحراوى بيتصرف عليه كام كل شويه
ربنا امر بالستر
طب الناس دي تروح ازاي
انت ممكن تقف اكتر من ساعة عشان تعرف تعدي الطريق دا و اقرب سلم مش اقل من 6 او 7 كيلو و مش اول مرة تحصل
و تكلفة عمل سلم حديد الناس تعدي من عليه مش 100 مليار جنيه و ميستاهلش ان كل يوم الناس تموت و ال اكيد ارواحهم اهم من اي عربية
في طريق جديد بيتعمل " دائري" المرحلة الاولى منه بنها شبرا و هيبقى فعلا على الدائري على طول
و تقريبا المراحل ال بعد كدا داخل فيها الزقازيق و المنصورة
الرحمة يارب انهاردة كان عاندى مشوار فى القاهرة وعديت على سندنهور ويالهواى الطريق وانا رايح واقف قبل البلد ب3-4 كيلو علشان المطباط اللى عملنها وانا راجع من القاهرة كنت خلاص هاين عاليا اركن العربية واروح ماشى ورمت من الزحمة الطريق الزراعى بقى لا يطاق انا بيتهيالى اروح من عن طريق الصحراوى اسكندرية اسهل
--------------------
تم غلق الموضوع لكثره المخالفات فيه وورود كثير من تقارير المخالفات
وحتي لا يتم وقف الكثير من الاعضاء فيه
كما يرجي التزام اداب الحوار وضبط النفس
6.50م
8/1/2012
م.ع.12