أهالي"سندنهور"يقطعون طريق الإسكندرية الزراعي والسكة الحديد

**sha2e** · 07-01-2012 01:55 PM

المشاركة الأصلية كتبت بواسطة mazagngi2010

ياجدعان حل الزراعى الوحيد
انه يعلى زى الدايرى ويتملى مطالع ومنازل علشان الناس اللى تحت تعرف تعيش حياتها الطبيعيه
هو حل مكلف لكنه الحل الوحيد الصحيح غير كده عبط لا كبارى مشاه حد هيعديها ولا مطبات هتحل حاجه

حل ممتاز فعلا احييك على الفكره

**mazagngi2010** · 07-01-2012 06:19 PM

بس المشكله ان مفيش اى نيه للاهتمام بالاقاليم سواء مسافرين او ناس ساكنه على الطريق
وده للاسف منتهى الطبقيه فى تعامل المسئولين فى مصر
لو بصينا على الصحراواى هتلاقوا الضغط عليه خمس (1/5) الزراعى تقريبا ورغم كده مخدوم على اعلى مستوى حارات على الجانبين للنقل وبراح كبير للملاكى والانكى من كده الكبارى اللى اتعملت علشان اللى عايز يلف (قال يعنى الطريق ضيق وميستحملش يو تيرن محترم) خصوصا الكوبرى الفضيحه اللى اتعمل عند وادى النخيل علشان احمد نظيف وهو مروح من القريه
وده كله ليه علشان الباشوات وهم رايحين الساحل فى الصيف يكون الطريق حلو لدرجه ان من سنتين كانوا بيحولوا النقل على الزراعى يوم الجمعه والسبت على اساس ان الزراعى ناقص زحمه اصلا
ونفس الموضوع لما تقارن دايرى المرج بدايرى المعادى حتى نزله اسكندريه الزراعى متنيله ب 60 الف نيله لما تقارنها بالسويس علشان مدينتى وكده
منتهى السفه وقله الادب
كان لازم تقوم ثوره علشان الاشكال الزباله اللى كانت ماسكه البلد دى تتحبس على الاقل
اعذرونى على الغل والغيظ اللى انا فيه لان اكتر حاجه بتنرفزنى هى اسكندريه الزراعى والصحراوى
============
مقاله قديمه ليا على مصراوى بتتكلم عن الموضوع ده من سنه ونص وفيه الحل ده ولا كانى كتبت حاجه برضه
http://www.masrawy.com/ketabat/Artic...aspx?AID=60227

**mazagngi2010** · 07-01-2012 10:31 PM

انا متاكد من مكان سندهور علشان اخويا كان من ضمن ضحايا قطع الطريق ده واتاخر 6 ساعات
لكن معرفش ايه ظروف ايتاى لان الطريق اتقطع من 2 الضهر وبدا يفك الساعه 1 بالليل فتخيل شكل الطريق فى الناحيتين

**mazagngi2010** · 08-01-2012 01:45 PM

حتى لو عملوا طريق موازى برضه فاكس
طبقا لنظريه القمع كله هيصب فى طريق ضيق وهو مدخل الدايرى
فلازم الطريق يصب على الدايرى مباشره ويوسعوا مداخل القاهره لحد ماتتفرع
الحاجه التانيه لازم يربطوا المدن مباشره ببعض
يعنى الزقازيق بشبرا مباشره عارف كام كيلو؟
41 كيلو تقريبا وهتخف الضغط على الزراعى من اول بنها لحد الدايرى
ايه لازمه انى اعدى على منيا القمح وبنها وقليوب علشان اوصل القاهره؟
المفروض يتعمل طريق مباشر وهيعرفوا يلموا تمنه فى 5 سنين لو حطوا كارته ب 2 جنيه
بالاضافه طبعا لتعليه الزراعى حتى لو بقى 3 حارات بس فى كل اتجاه
ساعتها هيكون الطريق الموازى له زى الفل
نفسي الكلام ده يحصل
-موازى للزراعى من عند منطقه المصانع اللى فى قليوب تسقط على الدايرى عدل
-تعليه الزراعى
-زقازيق دايرى على طول
ساعتها المشاكل هتتحل
بالنسبه بقى للفلوس شوف الصحراوى بيتصرف عليه كام كل شويه
ربنا امر بالستر

**mo3tazanas** · 08-01-2012 03:34 PM

الرحمة يارب انهاردة كان عاندى مشوار فى القاهرة وعديت على سندنهور ويالهواى الطريق وانا رايح واقف قبل البلد ب3-4 كيلو علشان المطباط اللى عملنها وانا راجع من القاهرة كنت خلاص هاين عاليا اركن العربية واروح ماشى ورمت من الزحمة الطريق الزراعى بقى لا يطاق انا بيتهيالى اروح من عن طريق الصحراوى اسكندرية اسهل
--------------------
تم غلق الموضوع لكثره المخالفات فيه وورود كثير من تقارير المخالفات
وحتي لا يتم وقف الكثير من الاعضاء فيه

كما يرجي التزام اداب الحوار وضبط النفس

6.50م
8/1/2012

م.ع.12