السلام عليكم و رحمة الله و بركاته
كلامك تمام يا باشا النور العالي شغال علي الرعاش و الحقيقة أنا من قبل ما أغير اللمبات و ركبت كتاوت للنور كان برضك مش شغال و لما غيرت اللمبتين و ركبت كتاوت و حبيت أجرب نفس المشكلة. ان شاء الله يوم الحد اللي جاي حافك غطا الدركسيون و أشوف ممكن الدراع يكون محتاج تنظيف و أبص علي ريش التلامس بتاعة العالي و أجرب .
بالمناسبة يا شباب أن شاء الله طالع بورسعيد يوم السبت القادم شغل و لو حد عايزني اسأل علي أي قطع غيار في بورسعيد يقولي و بالمرة أسأل علي دراع النور و الكشافات الأمامية عشان اللي عندي واحد بعدسة و التاني من غير و مخليين النور عندي مش متظبط علي الطريق و ده رقمي لو حد عايز اي حاجه من هناك يكلمني ( 01001187568 ).
تسلم يا باشا علي الرد السريع و الخريطه التفصليه لمكونات النور.
المشاركة الأصلية كتبت بواسطة engonear
وعليكم السلام ورحمة الله وبركاته بما ان النور العالى شغال على الرعاش واللمبه بتنور في التابلوه بالنور الازرق لما تقلب النور يبقى الدايره شغاله تمام والمشكله في الدراع نفسه انه المفروض يوصل النور عن طريق التلامس بين الموجب والسالب ولازم حضرتك تفك غطا الدركسيون وتشوف البوش الموجود في الدراع ومش مخليه يوصل الكهربا. ودا شرح تفصيلى لمكونات النور العالى.
السلام عليكم و رحمة الله و بركاته
اليوم سافرت بورسعيد و بعد ما خلصت شغلي قلت اسأل علي أماكن بيع قطع غيار الأكسيل في حتة أسمها الشون أو عمارات بنك الأسكان و بالفعل رحت و لقيت هناك محلات كتير و لازم تسأل عن نوعية العربية طبعا اللي أنت محتاج ليها قطع الغيار عشان مش تتعب و تاخد وقت في البحث. المهم لقيت هناك الكشافين الأمامي استيراد و سعرهم 250 جنيه و فاصلت مع الراجل لغاية 225 و مش رضي يبيعهم قلت يالا قدر الله و ماشاء فعل مافيش نصيب و سألت كمان علي دراع النور بالقاعدة لقيته ب 150 جنيه و لكن فيه سلكتين مقطوعين و الراجل ماكانش عارف دول بتوع ايه قلت يالا بجملت . و رجعت مش اشتريت حاجه . الأهم بقي و أنا راجع و باقلب علي دراع النور لقيت النور العالي بيشتغل و بيعلق قلت بس كده ان شاء الله يكون محتاج تنظيف باسبراي جاف و بكره ان شاء الله أنضفه و أجرب و أقولكم علي النتيجة.
تقبلوا تحياتي
سؤال يا اكسلاوية:
اكسيل موديل 98 كامله اوتوماتك 1500 معروضة عليا علي 32 الف
ايه اخبار العربيه دي واخبار الاوتوماتك بتاعتها ومشاكله وازاي اعرف ان في مشكله في الفيتس ولا لاء لاني اول مره اركب اوتو.
وبرضو انا ركبتها وسوقتها هيا بتستجيب ببطئ شوية وبحس برجرجه في السحبه لما اجي اقرص مش عارف دي مشكله قواعد ولا ممكن تبقي حاجه تانيه
برجاء الافاده
من الطبيعى ان اى عربيه حتى لو كانت زيرو انى بكشف على كل حاجه فيها واتأكد انها شغاله بكفاءة ومن الواضح ان حضرتك انشغلت بالفتيس وسبت العربيه ككل ونصيحتى لحضرتك قبل ما تدفع فيها جنيه توديها لكذا مهندس يكشف عليها مره واتنين وتلاته ويطلع كل القطط الفطسانه جواها ولما نتأكد ان حالتها تمام نبدأ نشوف الفتيس وبالنظر للاستجابه ببطئ والرجرجه في السحب يبقى الفتيس مش هيعمر في العربيه وعايز يتغير في أسرع وقت لان الاوتو لو مشتغلش تمام هيبقى تصليحه صعب ومكلف وتغييره ارخص من صيانته. بكرر نصيحتى لازم تعرف كل العيوب اللى في العربيه.
السلام عليكم و رحمة الله
يا باشا جزاكم الله خيرا علي الردود الطيبة و السريعة دي و دي مش جديدة من الناس اللي ربنا جعلهم سبب لتقديم المساعدة. و لو أنه ليا عتاب عليك بالرغم من أنه تعارفنا جديد بس أنا قلت أني مسافر بورسعيد لو حد عايز يسأل عن أي حاجة أنا تحت أمركم . يالا حصل خير و اذا ربنا يسر الأمور و كان فيه سفرية تانية ححاول أجيب لكم أسعار قطع الغيار الأستيراد و نقارنها بالأسعار اللي في القاهرة عسي انه يكون فيه توفير للفلوس.
السلام عليكم و رحمة الله و بركاته
اليوم سافرت بورسعيد و بعد ما خلصت شغلي قلت اسأل علي أماكن بيع قطع غيار الأكسيل في حتة أسمها الشون أو عمارات بنك الأسكان و بالفعل رحت و لقيت هناك محلات كتير و لازم تسأل عن نوعية العربية طبعا اللي أنت محتاج ليها قطع الغيار عشان مش تتعب و تاخد وقت في البحث. المهم لقيت هناك الكشافين الأمامي استيراد و سعرهم 250 جنيه و فاصلت مع الراجل لغاية 225 و مش رضي يبيعهم قلت يالا قدر الله و ماشاء فعل مافيش نصيب و سألت كمان علي دراع النور بالقاعدة لقيته ب 150 جنيه و لكن فيه سلكتين مقطوعين و الراجل ماكانش عارف دول بتوع ايه قلت يالا بجملت . و رجعت مش اشتريت حاجه . الأهم بقي و أنا راجع و باقلب علي دراع النور لقيت النور العالي بيشتغل و بيعلق قلت بس كده ان شاء الله يكون محتاج تنظيف باسبراي جاف و بكره ان شاء الله أنضفه و أجرب و أقولكم علي النتيجة.
تقبلوا تحياتي
منتظر النتيجة مع حضرتك لانى عندى نفس المشكلة وطبعا اسهل حاجة ممكن يقولها الكهربائى (الدراع عايز يتغير يابيه)
منتظر النتيجة مع حضرتك لانى عندى نفس المشكلة وطبعا اسهل حاجة ممكن يقولها الكهربائى (الدراع عايز يتغير يابيه)
السلام عليكم و رحمة الله
كنت رايح أجيب WD-40 و أفتكرت أن النهارده الأحد و المحلات معظمها قافلين. المهم دورت عندي لقيت أسبراي أسمه AKAI LUBRICANT ....... CLEANER و ده أسبراي مخلوط بزيت و تقريبا له نفس فعالية ال WD-40 المهم نزلت و فكيت الغطائين اللي تحت الطارة بثلاث مسامير بدون ما احتاج الي فك الطارة و قمت برش الأسبراي علي دراع النور و قلت بالمرة أعمل علي دراع المساحات و المجموعة كلها بالقاعدة و قمت بعد كده بتنظيفها بهواء مضغوط و بعدين عملت تاني بالأسبراي و لكن رشه خفيفة للتزييت و الحمد لله بفضل ربنا كانت النتيجة تمام ( الكونتاكت أشتغل بدون ثقل في الحركة - دراع المساحات أشتغل بسلاسة - دراع النور أشتغل زي الفل تمام علي نور التابلوه و النور الواطي و العالي و الرعاش - حركة الأشارة شمال و يمين بقت سلسة جدا يعني كله تمام دلوقتي و الحمد لله .
بفضل ربنا ثم بمشاركة الزملاء الأفاضل بالمنتدي ممكن نقدر نحل بعض المشاكل قبل ما نتأكد فعلا أنها محتاجة الصنايعي اللي عنده الخبرة.
المفضلات