طالما بتدور وتمام بس بتعتل يبقا كدا البطارية بتودع حاول اقرب وقت تغيرها انما لو بتغيب معاك اوى ومبتعتلش يبقا السخان بتاع الكربيراتير عاوز يتظبط ولو المارش تلاقيه يعمل صوت غريب كدا كأن حد بيسرخ
عرض للطباعة
مين من ملاك الاكسيل جى المقابله يوم الجمعه 3/2 ان شاء الله
يا جماعه ممكن اي افاده
عندي الشبابيك كلها بتدخل هوا و هي مقفولة ، يا ترى العيب يبقى ف الكاوتش ولا ف إيه بالظبط ؟؟؟
و كمان كام سؤال لو امكن ::
هي العربية ممكن تعلى عن الارض شوية ولا لأ ؟؟
لو السحب قل يبقى ده عيب سير الكاتينة ولا حاجه تانية ؟؟
تغيير بلي الدينامو يعمل كام ؟؟
ياريت يا جماعة حد يرد عليا
شكرا جزيلا
يا جماعه انابفكر اجيب اكسيل
كنت عاوز اعرف شويه تفاصيل
قطع الغيار عامله ايه
استهلاكها للبنزين
تاخد بنزين 80 ولا 90
عيوبها
الاحسن العاديه ولا الهاتش باك
يعني حد يكلمني عنها شويه
وع فكره هي هتكون اول عربيه ليا
تنصحوني بيها ولا ايه؟!
وبالمره كمان اسعارها بتتراوح من كام ل كام
خد عندك اللينك ده فيه كل حاجة
http://www.nilemotors.net/Nile/200679-96.html
ماجود منور الدنيا عامل ايه يارب تكون بخير واحشني
وانا كنت لسة بدور للاخ TuRbO911عن اللينك اللي انت حطيتة بتاع موصفات الاكسيل
لاقتيك سبقتني من القلب للقلب ومش عارف سنجاري و زيزو مختفيين ليه
والاكسلاويا ايه جارلهم أنا هبيع ياعم ......... ههههه انا بهرج دي اكسلاتي حبيبتي
حضرتك مبدأيا هيا عربيه اقتصاديه جدا يعنى لو حطيت بنزين 80 مش هتقول لا ولو حطيت90 برضو مش هتقول لا ولو حبيت تدلعها زى حالاتى وتحطلها كل زمن 5 لتر 95 برضو مش هتقول لا :grinder::grinder:
وقطع غيارها عند اى بقال بس اهم حاجه الصنايعيه يكونو كويسين لانى اول ماجيبتها كنت بروح لصنايعيه يصلح حاجه ويخرب حاجه تانيه وقطع الغيار رخيصه جدا مثال ترمبة بنزين ب 45 جنيه - كوعة ميه ب 20 جنيه - ردياتير ب 320 جنيه - طقم سيور كامل ب 90 جنيه - واسعارها رخيصه جدا ومترميه اكتر من الفيات ويمكن تلاقيها مع اى بتاع فشار فى الشارع زى ده كدا :lurk5::lurk5::lurk5::lurk5:
وبالنسبه لاستهلاكها فى البنزين انا عندى بتعمل فى الصفيحه 240 لتر ومع الكييف بتعمل 210 لتر ومن رأيى استهلاك كويس جدا
والسيدان طبعا احسن لانها واسعه وياريت تكون 1500 علشان الباور والتكييف من الاخر عربيه عائليه جدا بس عيبها ان صاجها ضعيف شويه وخصوصا الرفارف اللى قدام وصالونها واسع اوسع من الاكسنت بكتيير