lion_heart
انا نزلت امبارح اشتريت ثرموستات الكوعه من محل لبيع قطع الغيار الاصلية وكان ب50ج في علبته اللي عليها العلامة المائية
المشكلة الفعلية طبعا في الميكانيكي لانه قعد يجادلني في الباطل طبعا وان ده غلط وانه بيشيله من اي عربية المهم انا استحملت وخليته يحل الكوعه اللي راكبة في المانيفولد وجه يحط الثرموستات وقالي ده مش بتاعها ليه ؟ عشان ده مش غاطس جوه وشفته متعلقه على شفة المايفولد وكد مش حينفع يلزق السيليكون بتاع الجوان
المهم رحت المحل قولتله الكلام قالي عيب انا اديتهولك بالرقم المسلسل للاكسيل ووراهولي قالي الميكانيكي بتاعك راجل طيب
وشرحلي ان المنيفولد فيه سنة واطية في الشفه الثرموستات يبات فيها واداني الجوان الاصلي بتاع كوعة الميه هدية
رجعت للعبقري قولتله قالي معندكش السنة دي وعندك حته واحدة قولتله حك بس مكان المنيفولد ولقينا السنة الاوطى وركبه على عدلته بات تمام وحط السليكون والجوان وقفل
وكان زيت الفرامل من يوم ما جبت العربية من سنة مغيرتوش فشال العلبة اللي راكبة في السيرفو ولقى الزيت مصدي ومتنيل فضاها وغسلها وحطينا زيت جديد
واخد 30 جنيه
المهم نيجي للثرموستات
اولا بعد ما دورت كان الطرف اللي رايح للموتور بارد بعد تزويد المياه واللي راجع ابتدى يسخن بسبب الثرموستات وبعد كذا امبليه سخنت العربية وبقت الميه بتتقلب عادي
العربية بقت احسن كتير واداءها اقوى ومش محتاج كل شوية اسخن ولا امشي وهيا على c
دلوقتي طول المشي المؤشر فوق ال c وثابت عند قبل الثلث بشوية ولما بتوصل للثلث او بعده تشتغل المروحة
انا صورت العلبة بتاعت الثرموستات وحرفع الصورة بكره باذن الله واي اسئلة انا حاضر