رابطة مالكى الاكسيل-الجزء الثانى

**al_manara** · 26-07-2013 08:42 PM

المشاركة الأصلية كتبت بواسطة pop excel

كل سنة و انتم بخير و طيبين
انا لسه شارى هيونداى اكسيل 98 1300 cc
يا ريت لو تفيدونى ايه الحاجات اللى ابدأ بيها عشان ابقى مطمن على العربية كدة على الطريق ؟
و المرايا اليمين مش موجودة ياترى اجيبها جديدة و لا استيراد ؟
هى جديدة ب 115 جنية فى شارع الترعة شبرا

المشاركة الأصلية كتبت بواسطة pop excel

يا ريت يا جماعة تفيدونى بمعلوماتكم لانى ابيض خالص و دى اول عربية اركبها
ايه الاشياء المبدءية اللى لازم اعملها .... ؟؟؟؟؟؟؟؟؟؟؟؟

وانت بخير .
ربنا يبارك لك فيها .

غير السيور (كاتينة ودينامو وتكيف) وبلية الكاتينة .
غير زيت الموتور .
الفلاتر (الهواء والزيت)
راجع علي زيت الفتيس
راجع علي المياة واغسل الريدياتير
ضغط هواء العجل والاستبن

ولو في زيت علي الموتور من فوق غير جوان التاكيهات . ولو في زيت من تحت الموتور غير جوان علبة الزيت .
وبعد كدة في شوية حاجات تانية نوضحهالك بعد ماتوصف لنا حالة العربية .

وبالنسبة للمرايا هاتها استيردا .

**Pop Excel** · 26-07-2013 08:57 PM

متشكر جدا لحضرتك و ياريت لو عندك فكرة عن تكلفة الاشياء دى يبقى تمام اوى
فى سوءال بقى السيارة مش بتدور من اول مرة و بطلع صوت كدة ده( تشحير) ايه سببه ؟؟؟؟؟

**al_manara** · 26-07-2013 11:38 PM

المشاركة الأصلية كتبت بواسطة pop excel

متشكر جدا لحضرتك و ياريت لو عندك فكرة عن تكلفة الاشياء دى يبقى تمام اوى
فى سوءال بقى السيارة مش بتدور من اول مرة و بطلع صوت كدة ده( تشحير) ايه سببه ؟؟؟؟؟

طبعا هتلاقي الاسعار متفاوتة بنسبة بسيطة حسب المكان

السيور (كاتينة ودينامو وتكيف) 80-25-25
وبلية الكاتينة . 120 الاصلية
غير زيت الموتور . حسب الزيت شل الاصفر 130
الفلاتر (الهواء والزيت) 20 و 20
زيت الفتيس شل بحوالي 20 جنية اللتر

اما بخصوص الصوت فلة اسباب كتير . يارت توضح لنا حالت العربية اية .
ومن اسبابة وتاخير الدوارة .

البطارية - المارش- البوجيهات -
واسباب اخري للدوارة المتاخرة
كهرباء مش مضبوطة
كربراتير مش سليم

**mohamed137** · 27-07-2013 06:50 PM

يا جماعه انا قدامى جانبين بتوع لانسر بطه ينفع يركبوا على الاكسيل بدون مشاكل ؟و ياريت حد يفيدنى ضرورى علشان اشوف اخدوهم ولا لأه

**Magoda** · 28-07-2013 10:03 AM

المشاركة الأصلية كتبت بواسطة al_manara

وانت بخير .
ربنا يبارك لك فيها .

غير السيور (كاتينة ودينامو وتكيف) وبلية الكاتينة .
غير زيت الموتور .
الفلاتر (الهواء والزيت)
راجع علي زيت الفتيس
راجع علي المياة واغسل الريدياتير
ضغط هواء العجل والاستبن

ولو في زيت علي الموتور من فوق غير جوان التاكيهات . ولو في زيت من تحت الموتور غير جوان علبة الزيت .
وبعد كدة في شوية حاجات تانية نوضحهالك بعد ماتوصف لنا حالة العربية .

وبالنسبة للمرايا هاتها استيردا .

هو ليه بالنسبة للمرايا استيراد ايه الفكرة يعنى منجيبها جديد أفضل

**Magoda** · 28-07-2013 10:04 AM

المشاركة الأصلية كتبت بواسطة mohamed137

يا جماعه انا قدامى جانبين بتوع لانسر بطه ينفع يركبوا على الاكسيل بدون مشاكل ؟و ياريت حد يفيدنى ضرورى علشان اشوف اخدوهم ولا لأه

انا متهيألى تسأل السمكرى اللى هيركبهم هو هيفيدك اكتر وياريت تقولنا سعرهم كام

**Magoda** · 28-07-2013 10:10 AM

انا ناوى ان شاء الله بعد العيد اروح اركب ديسك واسطوانه دبرياج عند هانى جرجس اللى تابع للرابطة
وناوى اغير المساعدين خلفى ولاقيت سعرهم بـ 250ج غاز على زيت
ناوى اشد العفشة باذن الله وهبقى اقولكم ان شاء الله حالتها بقت ايه

**al_manara** · 28-07-2013 11:28 AM

المشاركة الأصلية كتبت بواسطة magoda

هو ليه بالنسبة للمرايا استيراد ايه الفكرة يعنى منجيبها جديد أفضل

لان الجديدة بتكون مرايا عادية .
لاكن الاستيراد بتكون المرايا الي بتصغر الاشياء وارك وتجيب رؤية اكبر .
وبيكون مكتوب عليها (ان الاشياء لا تظهر بحجمها الطبيعي )

**aboharb** · 29-07-2013 01:32 AM

السلام عليكم

سؤال صعب للزملاء القدام قوى مع الاكسيل التابلوه بهيتز فى السلانسيه واى حاجه محطوطه فى الدرج او على التابلوه بتعمل صوت طبعا كشفت على قواعد الماتور مفيش مشكله الكربراتير بردك مفيش مشكله مش عارف ممكن يكون السبب من ايه وكمان فيه حاجه تانيه الابواب بتعمل صوت فى الحفر والمطبات لكن على الاسفلت مفيش اى صوت نهائى الموضوع عاملى وسواس فى دماغى الميكانيكى وبعض المشاركات فى القسم قالو ان الاكسيل كده بس انا مركبتش اكسيل غير عربيتى فمش عارف .

**Magoda** · 29-07-2013 09:36 AM

المشاركة الأصلية كتبت بواسطة aboharb

السلام عليكم

سؤال صعب للزملاء القدام قوى مع الاكسيل التابلوه بهيتز فى السلانسيه واى حاجه محطوطه فى الدرج او على التابلوه بتعمل صوت طبعا كشفت على قواعد الماتور مفيش مشكله الكربراتير بردك مفيش مشكله مش عارف ممكن يكون السبب من ايه وكمان فيه حاجه تانيه الابواب بتعمل صوت فى الحفر والمطبات لكن على الاسفلت مفيش اى صوت نهائى الموضوع عاملى وسواس فى دماغى الميكانيكى وبعض المشاركات فى القسم قالو ان الاكسيل كده بس انا مركبتش اكسيل غير عربيتى فمش عارف .

نفس الكلااام بالظبط عندى
ولما تبقى بتجرى بالعربيه متسمعش اى تكه واول ما تقف تحس ان الاصوات بتيجى من كل حته
الحل شيل الوسواس ده من دماغك عشان هتتعب زيي إعمل نفسك مش واخد بالك هتصرف كتييييير وبررضه هتسمع الاصوات ديه