رابطة مالكى الاكسيل-الجزء الثانى

**al_manara** · 08-03-2012 12:17 AM

[QUOTE=wael6;3874158155]

المشاركة الأصلية كتبت بواسطة al_manara

دلوقتى قبلها بيومين كان فى قفلة فى سلك الكونتاك واتعملت لما كابل الارضي دخن
هل كده الكونتاك فى خطر وهل يجب حمايته وانقاذه ؟ وازاى من فضلك
ولا امر الله نفذ ( ونعم بالله العلى العظيم )

وتبقي الونة فى التزويد والخشونه مصدرها من جهة السيور

بحط مية حنفية ( هل ينفع افضي الميه واحط مية خضرا )

ولا خلاص بخ معدش ينفع
بس مشكلتى ازود بايه عند اللزوم هل لازم نفس الميه الخضرا ولا ايه ؟ انا معنديش تكييف ولا ماء مقطر وكمان مكلف ولا بيتباع مثلا بجراكن موفره ؟

الونه مع التزويد
الكهربائي بيرشح انها يا
1- طلمبة المية
2- طلمبة الباور
3- سير ناشف ( السيور كلها مغيرها قريب ومكنش الونه دى موجوده قبلها بس كان فى صوت خشونه موجود ناحية السيور ) لما بحط زيت عليها صوت الخشونه بيختفي لكن لمده دقايق قليله وبيرجع تانى
4- بيستبعد الدينامو ( لكن الميكانيكي بيرشحه لهذا السبب بدعوى انه غير مثبت فى قاعدته لانه متعدل لانه فى الاساس بتاع فيرنا مش اكسيل )

المشكله الكبرى بقا
هما اتنين
الاولى:-
ان محدش راضي يعمل حاجه كله بيتوقع وخلاص ويقولك سيبها وخلاص وكبر
وكمان خايف احل الطلمبات دى وتتبهدل ع الفاضي وانا بصراحه ميزانيتي خرمت
الثانيه :
ان الصنايعية هنا مبيرضوش يعملولى افكار حضراتكم وبيعملوا اللى فى دماغهم وخلاص
للاسف هما حافظين مش فاهمين ؟

آسف لتعبكم واطالتى علي حضراتكم

ولكم جزيل الشكر[/COLOR][/SIZE]

-بخصوص سلك الكونتاكت . معني كدة انك راجعت علي الضفيرة بتاعتة ومافيش مشكلة فيها ؟
-بخصوص الونة . لو طرمبة مياة . خلية يفك السير بتاعها وتشوف في ونة ولا لا . وساعتها هاتعرف من الدينامو ولا طرمبة المياة ولو صوت الباور بيكون واضح جدا انة منها اما بتقرب ودانك منها وتعرف . الموضوع بسيط جدا .
-ينفع تغير الي مياة خضرا . الريدياتير فية صدي ولا لا . لو فية هات مزيل صدا وفي البنزينة يغسلك لك الريدياتير بية . وبعدها مياة خضرا .
-ازاي الدينامو مش متثبت في مكانة ؟!
-اخيرا اوعا يكون عندك مشكلة في بلية وتسيبها بايظة .

**wael6** · 08-03-2012 12:49 AM

[QUOTE=al_manara;3874158378]

المشاركة الأصلية كتبت بواسطة wael6

-بخصوص سلك الكونتاكت . معني كدة انك راجعت علي الضفيرة بتاعتة ومافيش مشكلة فيها ؟
-بخصوص الونة . لو طرمبة مياة . خلية يفك السير بتاعها وتشوف في ونة ولا لا . وساعتها هاتعرف من الدينامو ولا طرمبة المياة ولو صوت الباور بيكون واضح جدا انة منها اما بتقرب ودانك منها وتعرف . الموضوع بسيط جدا .
-ينفع تغير الي مياة خضرا . الريدياتير فية صدي ولا لا . لو فية هات مزيل صدا وفي البنزينة يغسلك لك الريدياتير بية . وبعدها مياة خضرا .
-ازاي الدينامو مش متثبت في مكانة ؟!
-اخيرا اوعا يكون عندك مشكلة في بلية وتسيبها بايظة .

بشكرك جدا على اهتمامك وردك القيم
بس هل فى مشكلة لو دورت العربيه وسيور الدينامو والميه متشالين

وتكلفة تغييير البلي كام وهل سهله ولا فيها مشكله ومين اللى بيعملها الكهربائي ولا الميكانيكي

المصيبه الصنايعيه مش عاوزه تشتغل ومجننى جدااااا

قواعد الفتيس مكانهم فى القنطرة ولا جمب قربة المساحات
وما عددهم واسعارهم من فضلكم ؟

وشكرا جزيلا

**amoor89** · 08-03-2012 12:55 PM

[QUOTE=wael6;3874158447]

المشاركة الأصلية كتبت بواسطة al_manara

بشكرك جدا على اهتمامك وردك القيم
بس هل فى مشكلة لو دورت العربيه وسيور الدينامو والميه متشالين

وتكلفة تغييير البلي كام وهل سهله ولا فيها مشكله ومين اللى بيعملها الكهربائي ولا الميكانيكي

المصيبه الصنايعيه مش عاوزه تشتغل ومجننى جدااااا

قواعد الفتيس مكانهم فى القنطرة ولا جمب قربة المساحات
وما عددهم واسعارهم من فضلكم ؟

وشكرا جزيلا

يا سيدى الفاضل تغيير البلى ده شغل ميكانيكى اما مشاكل الدينامو دى كهربائى وبعدين يعنى ايه مش عايزين يعملوا اللى حضرتك طلبته غير الصناعية دى خالص وريح بالك مفيش اكتر منهم وبعدين انا ماشى بمبدأ مدام انا متاكد انى صح والصنايعى عايز يعمل حاجة تانية بنفضله يا اما يقنعنى بحاجة صح يا بلاش منه
تحياتى

**wael6** · 08-03-2012 10:58 PM

[QUOTE=amoor89;3874158652]

المشاركة الأصلية كتبت بواسطة wael6

يا سيدى الفاضل تغيير البلى ده شغل ميكانيكى اما مشاكل الدينامو دى كهربائى وبعدين يعنى ايه مش عايزين يعملوا اللى حضرتك طلبته غير الصناعية دى خالص وريح بالك مفيش اكتر منهم وبعدين انا ماشى بمبدأ مدام انا متاكد انى صح والصنايعى عايز يعمل حاجة تانية بنفضله يا اما يقنعنى بحاجة صح يا بلاش منه
تحياتى

متشكر لاهتمامكم

لعلمك انا مغير لحد دلوقتى 6 ميكانيكيا
و زيهم عفشجيه
طب اعمل ايه اكتر من كده
ربنا يتولانى برحمته

**wali** · 09-03-2012 09:57 PM

الساده الاكسلاويه الكرام افكر فى شراء اكسيل اتوماتيك ، هل من الممكن ان توجهونى عن أفضل موديلات الاكسيل سنة كام ، وهل هناك موديلات كورى وأخرى مصرية التجميع وما ميزة الخليجى ، و واشهر عيوب الاكسيل التى يمكن تجنبها عند الشراء علماً بأنها ستكون أول سيارة لى بأذن الله وآمل فى مساعدتكم والانضمام لراابطتكم الرائعة للاستفادة من خبراتكم الكبيره
كما اريد معرفة احسن المكيكانيكية التى تعمل فى الاكسيل فى نطاق حلوان ان أمكنو وشكرا لكم مقدماً

**aboharb** · 11-03-2012 05:02 PM

اول امبارح كنت راجع من الشغل بدردش مع صاحبى معاها فلشيا سخنت منه جابت جوان المهم هو مبصش على امبير الحراره واللى سبب ده كله ان المروحه مشتركه مع الكلاكس فى فيوز واحد الكلاكس علق عمل افله المورحه مشتغلتش حصل اللى حصل المهم راجعت فتحت العربيه ودوت واستنيت اطمن على المروحه بتاعتى الشطان بقى لكن لاحظت حاجه انى القربه كلها مليانه صدا مع ان الريداتير كله مياه خضراء رحت مبطل وفصلت الخرطوم اللى واصل من الريداتير للقربه وفاكك القربه وطلعت البيت افضى القربه بصراحه صعقت عباره عن قهوة تقيله جدااااااا المهم فضيتها وحطيت فيها نصف كيس كلور من الصغير ومياه سخنه بتغلى ورحت اتغديت وبعديت رجعت وجبت فرشه بنظف بيها قزايز المياه فى الصيف ونظفت القربه كان فيها طبقه على الجدران دابت من الكلو وتنيت الفرشه علشان اوصل لسقف القربه وفضيت وحطيت صابون فيرى سايل ومياه سخنه ونضفتها من جوه تمام وبره تمام وشيلت اى اثاء للكلور والصابون بالماء وركبت تانى فى العربيه وحطيت مياه لغاية العلامه النتيجه
ان بعد كذا مشوار ابص فى القربه الاقى المياه شفافه تمام ومائله للخضار من اثر مياه الرداتير ومعدش فيها صدأ تانى

**amr78falcon** · 11-03-2012 06:48 PM

حصل معايا موقف غريب منذ اسبوع لاحظت ان العربية متلتة وذهبت الى الميكانيكى قالى فى بوجية قاطع قام بتغييرة والعربية بقت تمام بعد اسبوع حدث نفس العطل وبنفس البوجية فتم تغييرة ياريت حد يقولى اة اسباب المشكلة دى

**mimovet** · 11-03-2012 10:33 PM

عندى عربيه اكسيل 98 1500 فضى تكييف شغال واربعه زجاج كهربا سنتر ونذار طقم دبرياج كامل جديد من شهرين اربع فرد كاوتش جداد تقويه للنور مش محتاجه رش فابريكه جوا انا عارضها للبيع

**mimovet** · 11-03-2012 10:34 PM

نسيت اقوا كمان رخصه 3 سنين لسا مرخص من شهر خالص الضريبه ل 3 سنين

**wael6** · 11-03-2012 11:52 PM

السلام عليكم ورحمة الله

هو لما تدوس ع الدبريا ج وصوت الخشونه يروح ده يبقي عيب بلية دبرياح
ولا
لما تدوس ع الدبرياج وصوت الخشونه يجي او يزيد يبقي عيب بلية دبرياج

حطيت بودرة تلك على السيور والصوت هدى شوية

انا اصلا عاوز اعمل شغل فى العفشه
اخلى العفشجي يحل قواعد الفتيس ويطمن عليهم ويغيرلي بلية الدبرياج

ولا استني لما اعمل اى حاجه فى المكنه مستقبلا واخلى الميكانيكي يغير البلي اللازم لاى طلمبة او دبرياج

ولو ركنت على كده فتره مثلا شهر لحد ما ميزانيتي تتعدل شوية يجري حاجه ولا لازم اعمل كتاوت للمارش فورا وكمان اظبط العفشه و بلي المكنه ؟

وهل طلمبات الباور والمياه بيتغيرلهم بلي عادى ولا بيتغيروا افضل من اللعب فيهم ؟

انا باذن الله مش هبيع العربيه قبل سنتين او سنه ع الاقل ان شاء الله
اجيب للعفشه استيراد ولا جديد ؟ انا عاوز امسك العصايا من النص
انا محتاج مساعدين امامين وكبالن ومقص وغالبا 4 سست ؟

متابع حضراتكم واسف جدا للاطاله

وجزاكم الله خيرا