الموضوع: رابطة مالكى الاكسيل-الجزء الثانى

المشاركة الأصلية كتبت بواسطة ahmedameed

يا للفاجعه!! للاسف يبدو اني اتخميت في عربيتي الاكسيل 1500 كامله مانيوال 96 اللي لسه جايبها من شهر...الكوبلن ملص من جوه من ناحيه الجيربوكس..وستر ربنا ان ده حصل جنب البيت..واتضح من الفحص ان فيه شرخ في الشاسيه ناحيه اليمين مع بارومه في القنطره..

والغريب ان الصنايعي اللي جبته يكشف علي العربيه قبل شرائها قال انها سليمه الا من لاحام بسيط في المداده تحت العربيه وقال انه مش مشكله..حسبي الله ونعم الوكيل!!

المهم السمكري لحم الشاسيه والقنطره بلحام كهرباء..وحط حتتين صاج لتدعيم الشرخ..وقاللي ممكن تمشي بيهم كده..

الميكانيكي اللي فك العفشه وركبها مع السمكري قاللي لو عاوز الصح..غير القنطره وفرده الشاسيه عند سمكري شاطر وبيفهم وبعدها انسي الموضوع تماما والعربيه هتبقي زي الجديده..

عرضت العربيه علي سمكري تاني وقاللي اللحام الكهربا اللي اتعمل في القنطره والشاسيه جامد ومعمول كويس وتقدر تمشي بيه بأمان..

بالله عليكم تشوروا عليا اعمل ايه لأني مكتئب جدا وحزين وحاسس اني اتخميت وفلوسي ضاعت..هل ابيع العربيه..والا اعمل اللي فيها واخليها معايا..وهل اغير القنطره وفرده الشاسيه والا اكتفي باللحام الكهربا للقنطره والشاسيه ؟؟

ارجو سرعه الرد

بسم الله الرحمن الرحيم
اعرض العربية على اكتر من صنيعي
و حاول انك متكرهش العربية علشان الموضوع يهون
و حسبنا الله و نعمه الوكيل
و لو دة بس العيب اللى فى العربية و هية مريحاك اعملة صح
بس لكان ليا استفسار انتى شاريها بكام ؟؟

المشاركة الأصلية كتبت بواسطة ahmedameed

يا للفاجعه!! للاسف يبدو اني اتخميت في عربيتي الاكسيل 1500 كامله مانيوال 96 اللي لسه جايبها من شهر...الكوبلن ملص من جوه من ناحيه الجيربوكس..وستر ربنا ان ده حصل جنب البيت..واتضح من الفحص ان فيه شرخ في الشاسيه ناحيه اليمين مع بارومه في القنطره..

والغريب ان الصنايعي اللي جبته يكشف علي العربيه قبل شرائها قال انها سليمه الا من لاحام بسيط في المداده تحت العربيه وقال انه مش مشكله..حسبي الله ونعم الوكيل!!

المهم السمكري لحم الشاسيه والقنطره بلحام كهرباء..وحط حتتين صاج لتدعيم الشرخ..وقاللي ممكن تمشي بيهم كده..

الميكانيكي اللي فك العفشه وركبها مع السمكري قاللي لو عاوز الصح..غير القنطره وفرده الشاسيه عند سمكري شاطر وبيفهم وبعدها انسي الموضوع تماما والعربيه هتبقي زي الجديده..

عرضت العربيه علي سمكري تاني وقاللي اللحام الكهربا اللي اتعمل في القنطره والشاسيه جامد ومعمول كويس وتقدر تمشي بيه بأمان..

بالله عليكم تشوروا عليا اعمل ايه لأني مكتئب جدا وحزين وحاسس اني اتخميت وفلوسي ضاعت..هل ابيع العربيه..والا اعمل اللي فيها واخليها معايا..وهل اغير القنطره وفرده الشاسيه والا اكتفي باللحام الكهربا للقنطره والشاسيه ؟؟

ارجو سرعه الرد

في حاجة مهمة قبل الاكتئاب والبيع .
صور لنا الجزء الي انت بتتكلم علية دة .
لان في عيب في الاكسيل وهو الجزي الامامي من الشاسية بيتشرخ مع الركبة . وتلاقي المقص مكانة اتغير والعجلة اتلوحت . وعلاجة اللحام طبعا .
في عربيات بيكون ملحوم فيها الركبة وعربيات تانية بتكون الركبة والجزء الامامي من الشاسية
فلو دة يبقي عادي .
عاوزين صورة عشان نقولك .

عملت لك دوائر حمراء علي الاجزاء الي بيكون فيها عيب في العربية .
الجنب اليمين والشمال من الجزء الي ماسك المساعدين ودول بتلاقي فيهم شرخ
والجزء السفلي ودول حاجتين الركبة او الركبة وفردة الشاسية

المشاركة الأصلية كتبت بواسطة ahmedameed

بالضبط يا باشا الله ينور عليك..الشرخ بالضبط مكان الدائره الحمراء اللي اسفل العربيه ناحيه اليمين..
يعني افهم من كده ان ده شيئ عادي في الاكسيل؟؟

ايوة زي ماذكرت لك سابقا . اطمن .
عارف اكتر ناس بتعرف العيب دة ؟ بتوع الزوايا والسمكري .

اول ماتيجي تظبت الزوايا في العربية بتاع الزوايا الي بيفهم هايبص علي الركب الاول ولو لقي فيها حاجة هايقولك الحمهم الاول .
والسمكري لو بيبص لك علي عربية وانت بتشتريها مش هايقولك تقريبا علي الركب لان دة شئ عادل في الاكسيل .
وتقريبا دة عيب العربية دي .
وماتسمعش كلام الي يقولك هات فردة والحمها .

وكمان الف مبروك وربنا يبارك لك فيها . والسعر دة بيقول ان العربية محتاجة شوية مصاريف كتير حبتين .
(صح ولا انا غلطان) .

المشاركة الأصلية كتبت بواسطة ahmedameed

شكرا علي الرد يا باشا..انا جايبها ب 27 الف جنيه..هي العربيه البودي بتاعها وصدرها كويس..عفشه مش بطاله وموتور مش بطال..التكييف صرفت عليه 750 جنيه..ربنا يكرم والعربيه تتضبط وابدأ احبها..وياريت يكون الشرخ ده شيئ عادي زي ما الاخوه هنا بيقولوا لأن الموضوع ده عكنني جدا..

بسم الله الرحمن الرحيم
بصراحة العربية كدة سعرها كويس جدا جدا جدا حتى بالنسبة للعيب دة
و متزعلش نفسك و طلما ان سعرها كان حنين كدة
فحاول انك تعملة بطريقة صح علشان دة شاسية و العربية متفتحش من كتر المطبات
و اذا عزت اى حاجة انا تحت امرك