الموضوع: رابطة مالكى الاكسيل-الجزء الثانى

المشاركة الأصلية كتبت بواسطة NساموN

كل سنه وانتو طيبين

انا اخوكم سامح من العريش
ويشرفني اني اتعرف بيكم واكون وسطكم

وطبعا مستخدم اكسيل 95 جديد لانج مليش الا 20 يوم
وهكتب تجربتي معاها

وطبعاً انا جبتها بمبلغ 27500 وهي حالتها كويسه اوي

بس انا عانيت ف الاول لان زرار المروحه مكنش شغال وكنت بنسى اشغله

وحصلت معايا مشكله بسبب الحراره وغيرت ابرة كلبيراتير ب 150 جنيه

ورحت ركبت ترموستات ب70 جنيه واشتريت مروحه ب 60 جنيه
وخليت مروحتين شغالين عا الليداتير عشان انسى الحوار ده

وكمان غيرت اكرتين شمال قدام وورا الاكره ب 25 جنيه

وغيرت زيت شيل تقيل 3 لتر ب 60 جنيه

هي دي تجربتي لحد دلوقتي واسف عا الاطاله

اولا مبروك اخ سامح ونورت فى وسط اخواتك ...
وبالنسبة للسعر ربنا يباركلك السعر كويس جداجد وبالزات لو العربية سيدان ( بشنطة يعنى مش هاتشباك )
وبالنسبة للكرابراتير بلاش لعب فية كتير انت اعملو الصيانة بتاعتو وانساة ومترحش لاى حد يلعبلك فية اوك .
وبالنسبة للمروحة اللى انت عملتة دة عين العقل 100/100
ولية غيرت زيت تقيل .. الا لو الموتور عندك خفيف .. الاكسيل لو المكنة كويسة حط زيت 5000 وانساة .

بس انا مش عارف لية اللى دخل السخونية فى الكاربراتير ...؟

وعلى العموم اتشرفنا بمعرفتك وتحت امرك فى اى وقت .

المشاركة الأصلية كتبت بواسطة dramyd

ماااااااادو وانت طيب يابرنس ..
والله ليك شووووووقة ياراجل ..

يخربيت الدنيا اللى متوهاااانااااا من بعضناااااا.

حبيبى يارامى

مساااا مساااا يا اصحاااابى

كان فى شوية حاجات عملتهاااا فى العربية وكنت عااااوز اعرفكم بيهاااا.

نبتدى بالــ قصة بتاعت العربية لما نزلت زيت من تحت وقولتلكو ياريت تكون اولسيهات .

اللى تم .
اولسية كرنك 15 ج .... اشتريتة من واحد حرامى هو بــ5 ج اصلا .
اولسية كبالن داخلية 5 ج
اولسية مقاس الزيت ببلاش .
شداد خلفى 45 ج
قاعدة امامية 40 ج
ديسك واسطوانة وبلية 420 ج فاليو . الهندسية .
زيت شيل الاصفر 135 ج 5000 كم.
زيت فتيس التعاون 65 ج التقيل دة .
ونزلت زيت الفتيس وجبتلو طبة ب10 ج عشان الطبة بتاعتو النكية معفنة .

مصنعية واكرميات للشباب 190 ج .. انا عارف انى اتخميت فى المصنعية .
بس الحمد لله كان يوم صعب وعدى .... وكل صيانة وانتم طيبين

صباح الفل عليكوا يا رجاله رامى وايمن ومادو والرجالة الجديدة

انا حبيت اغير زيت الماتور وبما ان لوزة جابت ال 200000 قلت احطلها زيت تقيل زيت التعاون sj 3000
طبعاً أول محطيته الماتور حسيته خشن ااوووى وكنت هنزله من تانى يوم بس واحد صاحبى قالى خليه وسيبته شوية وقشطة ماتور بقى بييييس بس هما 2000 كيلو وهنزله
عن تجربة الواحد ميغيرش الزيت بتاعه انا كنت شل 5000 وكان جميل جداً وغيرت حطيت وطنية 6000 و 8000 وكنت بنزلهم على 5000ك وعن تجربة الوطنية حلو مش وحش

انا غيرت أوكرة الباب الامامى اللى على طووول بتكسر وجبت طبعاً الحديد ب 45ج وسألت على البلاستيك لاقيتها ب 25ج وطبعاً مش هتستحمل وتم تركيبها ب 25ج
وتصليح الانذار حاولت اصلحه بوظته ومصنعية 20ج

غيرت طقم سيور كاتينة وباور ودينامو وتكييف ب 110 ج

عاوز اعمل طقم شنبر ياشباب حد يعف حد ثقه واكرر على موضوع ثقه دى

يا جماعه عايز افك الاريال بس مش عارف بقي لازم افك الرفرف ولا لأ ولو هيتفك افكه منين