رابطة مالكى الاكسيل-الجزء الثانى

اقتباس:

---

المشاركة الأصلية كتبت بواسطة magid1010

يا باشا انت منور الرابطه و مرحبا بيك الاول

---

شكرا يا باشا..الرابطه منوره بيكم

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
فعلا يا مجود
بالنسبة لتوصيل rpm
انتى هتفك السلك التخين الاسود اللى داخل على البوبينة ابو عمة سودة
و هتلاقى تحتية عبارة عدد 2 سلك ( - و + ) و كل واحد مربوط بصمولة
هتشترى 2 متر سلك و ترملة 8 و تركبهم فى بعض و بعدين تفك صمولة + و تركب السلك الجديد فيها و توصلهة التابلوة
و بالتوفيق
و لو فى اى حاجة انا معاك او كلمنى

---

اقتباس:

---

المشاركة الأصلية كتبت بواسطة magid1010

السلام عليكم ورحمة الله وبركاته
الاصدار النهائى لتعديل العداد من 1300 الى 1500
http://i1184.photobucket.com/albums/...2012012617.jpg
http://i1184.photobucket.com/albums/...0/untitled.jpg
و نخص بالشكر لاحمد زيزو لتشجيعه لاتمام هذا العمل و له منى الف تحيه

---

بصراحة مجهود اكتر من رائع تشكروا عليه
الله ينور

اقتباس:

---

المشاركة الأصلية كتبت بواسطة Lion_Heart

بصراحة مجهود اكتر من رائع تشكروا عليه
الله ينور

---

الله يخليك وحشنا كتير فينك من زمان طيب سؤال بعد ما ركبت العداد و فيه الاختراع اللى هو rpm انقل على كام يعنى من 2.5 ل 3 و لا اقل من كده و شكرا

اقتباس:

---

المشاركة الأصلية كتبت بواسطة magid1010

السلام عليكم ورحمة الله وبركاته
الاصدار النهائى لتعديل العداد من 1300 الى 1500
http://i1184.photobucket.com/albums/...2012012617.jpg
http://i1184.photobucket.com/albums/...0/Untitled.jpg
و نخص بالشكر لاحمد زيزو لتشجيعه لاتمام هذا العمل و له منى الف تحيه

---

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
ربنا يخليك يا مجود البركة فيك انتى و صحبك العبقرى
لولكم مكنتش لسة ركبته لحد دلوقتى
انا كدة فضلى تعديلين
اولا :
تركيب طارة سبور
ثانيا :
توصيل فوانيس الشبورة مع النور الصغير

---

مجهود متميز :mad2:
ما شاء الله
وربنا يباركلكم

اقتباس:

---

المشاركة الأصلية كتبت بواسطة magid1010

النهارده بعد ما فرحت بالشكل الجديد للعداد و وجود عداد الrpm لكن يا خساره الفرحه ما كماتش كل لما اجى ادور العربيه ما اسمعش غير صوت المارش :h_angry[1]:رحت كشفت على البطاريه السايله لاقيت فيها ربع ضارب :grrrr:وهى نسر فارته جايبها من 10 شهور و قبلها واحده اسمها هانكوك جافه برده ما كملتش السنه واحد قالى يمكن علشان انت كنت بزود ميه مقطره كل شويه فالحمض ركن تحت و باظت مش عارف ظيب عايز رأيكم اجيب ايه و بكام

---

معلش يا مجود ربنا يعوض عليك خير باذن الله تعالى
اعتقد تراجع على الدينامو وشحنه
طالما اتكرر بوظان البطارية
وان شاء الله بسيطه

اقتباس:

---

المشاركة الأصلية كتبت بواسطة wael6

مجهود متميز :mad2:
ما شاء الله
وربنا يباركلكم

---

اقتباس:

---

المشاركة الأصلية كتبت بواسطة wael6

معلش يا مجود ربنا يعوض عليك خير باذن الله تعالى
اعتقد تراجع على الدينامو وشحنه
طالما اتكرر بوظان البطارية
وان شاء الله بسيطه

---

الف شكر يا وائل الحمد لله فعلا الدينمو كان شحنه زياده و معظم البطاريات اللى فى السوق بقو يغشو فى صناعتها . انا ظبطت السلانسيه على الشرطه اللى قبل الواحد لكن فيه رجه فى الماتور بتروح لما يسخن ده عادى و كمان لازم اشد الشفاط و انا بسخن ده عادى برضه؟:7_6_5v[1]:

اقتباس:

---

المشاركة الأصلية كتبت بواسطة magid1010

الله يخليك وحشنا كتير فينك من زمان طيب سؤال بعد ما ركبت العداد و فيه الاختراع اللى هو rpm انقل على كام يعنى من 2.5 ل 3 و لا اقل من كده و شكرا

---

موجود و الله بس على خفيف
النقل كده اقتصادى و زى الفل من 2.5 ل 3
و كمان السرعة المثالية للنقل

من الاول للتانى عند 20
من التانى للتالت عند 40
من التالت للرابع عند 55
من الرابع للخامس عند 75

و الكلام ده من الكتالوج

اقتباس:

---

المشاركة الأصلية كتبت بواسطة magid1010

الف شكر يا وائل الحمد لله فعلا الدينمو كان شحنه زياده و معظم البطاريات اللى فى السوق بقو يغشو فى صناعتها . انا ظبطت السلانسيه على الشرطه اللى قبل الواحد لكن فيه رجه فى الماتور بتروح لما يسخن ده عادى و كمان لازم اشد الشفاط و انا بسخن ده عادى برضه؟:7_6_5v[1]:

---

والله انا اكتر حاجه بتدايقنى فى العربيه دى الرجه اللىع السلانسيه
ويسلام بقا لو فى حاجه فى درج التابلوه بسمع اصوات مزعجه جدا من الاهتزازت :hitwall3:
السلانسيه عندى قرب الواحد بهمسه يعنى اعلى من ظبطتك كمان
الميكانيكي بيقولى قواعد الفتيس فيها مشكله ؟
هى قواعد الفتيس بطول العربيه ولا مكانها فين ؟

تسخن عادى بالشفاط مفيش مشكله بس متشدوش للاخر

هى ظبطة الاسبراتير المثاليه ازاى لو سمحتم ؟:mad2:

وشكرا جزيلا

وجهه نظر (عن تجربه)في المقصات

رأيي ان اي واحد عنده اكسيل والمقصات فيها مشاكل (جلب او بيضات) انه يغيرها بالكامل بجوز مقصات جديد بجلبه وبيضاته احسن بكثير من انك تصلح في القديم..

اولا : من الناحيه الماديه الاتنين قريبين..سعر جوز المقصات جديد بالجلب والمقصات 300 جنيه..ومصنعيه تركيب 50 جنيه يعني 350 جنيه..
لو اشتريت جوز بيضات للمقص القديم هيعملوا 70 جنيه ..وطقم الجلب من 120-140 جنيه ومصنعيه من 70- 80
يعني كله 270 جنيه يعني قريبه من بعضها

ثانيا: معظم الجلب والبيضات اللي في السوق تعبان وبيبوظ بعد فتره قصيره عكس الجلب والبيضات الفبريكه اللي بتبقي موجوده مع المقصات الجديده بتبقي حالتها احسن بالتاكيد

ثالثا: المشكله الكبيره في الصنايعيه العباقره بتوعنا اللي بيحلوا الجلب القديمه من المقص بالخبط والرزع..وبعدين يدخلوا الجلب الجديده في المقص برضه شحط بالرزع وده بيتسبب في تلفها ..

للاسف توصلت للكلام ده بعدما سمعت كلام العفشجي اللي قاللي ان المقصات كويسه وحرام تتغير الا لو اتعوجت في حادثه والا حاجه..وتغير جلب بس ..وعملت كده فعلا وغيرت الجلب بنفس الطريقه اللي قلت عليها..وبعد كده ظبطت زوايا..بس برده حاسس ان العربيه مش متظبطه وفيه صوت تخبيط في العربيه من تحت ..رغم اني غيرت مساعدين وجلب مقصات وكاوتشات ستابليزر ..مش فاضل غير قواعد الموتور..هل ده يكون سبب في الطقطقه المستمره ؟؟

بصراحه ندمت علي اني مغيرتش جوز المقصات بالكامل واعتمدت علي (الترقيع ) بتغيير الجلب والبيضات

منذ نحو اسبوعين طمأنني الاخوه الاعضاء هنا في الرابطه ان شرخ الشاسيه اللي حصل عندي ناحيه اليمين من تحت (تحت الركبه) ده شائع جدا وبيحصل كتير في الاكسيل وانه very common...
طيب بالله عليكم --بما انه عيب شائع--تفيدوني ايه هي افضل طريقه للتعامل مع الشرخ ده؟؟
طبعا السمكري لحمه بالكهربا..لكن بأسمع فتاوي كتير من صنايعيه..واحد يقولي غير قنطره وفرده شاسيه..والتاني يقوللي غير ربع عربيه قداماني يمين (علي غرار غير نص)..والتالت يقولي امشي بالعربيه باللحام ده ومايهمكش..والرابع يكرهني في العربيه ويقوللي انت انضحك عليك قيها وبيعها احسن..

وبصراحه انا محتار اعمل ايه واسمع كلام مين..في الوقت نفسه انا مرعوب لا يتكرر معايا الكسر ده مع كتر المطبات والجبال اللي في شوارعنا ويحصل لا قدر الله وانا في طريق سريع والا حاجه والكوبلن يملص والعربيه تقف فجأه..

ياريت تشوروا عليا بالله عليكم..