والحمد لله التكييف بإسم الله ماشاء الله رائع وشغال كويس من ساعتها..وده يؤكد ان فيه ناس في موضوع تكييف السيارات آخرهم يشحنوا العربيه فريون وبس..انما المشاكل المعقده اللي محتاجه مخ وتفكير ليها ناسها..
وزي ما قلتلك ياباشا..الاسطي اسامه شديد رجل محترم ومهذب ..ومؤكد انه يعرف يلقط عربيات كويسه زي ما جبلك عربيتك..لكن موضوع صيانه التكييف ده قصه تانيه اعتقد انه ضعيف جدا جدا فيه..حتي الصبي بتاعه غشيم جدا...فك الفاكيوم القديم في نص ساعه وركب الجديد في ثلث ساعه..ومفكرش يحل عمه الكربيراتير علشان يسهل علي نفسه الفك والتركيب..كل ده والاسطي اسامه بيتفرج علي العك بتاع صبيه ده من غير ما يعلق عليه بكلمه..
بعكس ورشه المدينه المنوره اللي حتي الصبيان اللي بيشتغلوا مع الباشمهندس كلهم ماشاء الله فاهمين كويس وتحس انهم شاربين وهاضمين موضوع التكييف ده مش حافظين بس..
والف الف شكر يا استاذ احمد زيزو علي مشاركاتك القيمه وروحك الرائعه