الموضوع: رابطة مالكى الاكسيل-الجزء الثانى

المشاركة الأصلية كتبت بواسطة magoda

أنا الدينامو عندى اتحرق يوم الجمعه وغيرته وجبت واحد استيراد ب 200ج ومصنعية 40ج
مشكله الدينامو ديه بتيجى بدون سابق انذار العربيه روحت بيها مشوار يدوبك بطلت وجيت اركب تانى مردتش تدور يدوبك خدت وصلة دارت والمرة التانية نفس الموضوع المرة الاخيرة فصلت منى لوحدها ابقى خدوا بالكم

السلام عليكم و رحمة الله و بركاته
أخي مجود مش ممكن توارد المواقف ده ؟؟؟ و الله ده اللي حصل معايا بس فرقت انه عندي الكتاوت بتاعة الدينامو ضربت و طبعا دي كتاوت داخلية. اللي مجنني انه العربيه بطلت و دارت زق و رجع الشحن تاني تمام بس لمبة البطارية ما كانتش بتنور لما افتح الكونتاك بدون دوارة و مشيت بيها السبت تمام و الاحد امبارح دورت كله تمام و فجأة علي الدائري بطلت و اخدت وصلة و نزلت بيها للكهربائي فك الدينامو و قاللي الكتاوت محروقة. المهم دورت علي الكتاوت في شبرا لغاية ما تعبت و الحمد لله لقيت واحد كوري بس ب 100 جنيه و قلت لله الأمر و غيرته و الحمد لله بقت تمام دلوقتي و الشحن بقي علي 14.5 و قياس البطارية و العربية مطفأة 12.3 فولت . و زي ما انت بتقول نخلي بالنا من مشكلة الدينامو دي و كمان قالي الكهربائي ان كتاوت الدينامو الداخلية دايما بتعطل مش عارف ليه السبب. كمان اقترح عليا الكهربائي نعمل للدينامو كتاوت خارجية و الصراحة انا رفضت وقلت خليها علي طبيعتها احسن. و ربنا يكفينا و يكفيكم شر الأعطال.
أخوكم
أشرف ابوزيد

ازيكوا يا جماعه عاملين ايه

انا عندى مشكله فى العربيه مش عارف ايه حلها وروحت للميكانيكى وبتاع الكربراتير ومفيش فايده

العربيه بتاكل بنزين كتيييييييير اوى انا حسبتلها بتاكل حوالى لتر لكل 7 كيلو وده كتير جدا

العربيه 1500 موديل 1995 وانا لسه عامل عمره ومشيت بيها بعد العمره 2000 كيلو لحد دلوقتى يعنى غيرت الزيت بعد الالف الاولانيه وغيرته تانى من يومين

روحت للميكانيكى قالى روح لبتاع الكربراتير وهو هيظبطهولك روحت لبتاع الكربراتير قالى الكربراتير سليم ومفيهوش مشكله طيب الحل ايه فى الاستهلاك الزايد ده مع العلم انى بمشى براحه مبشدش بالعربيه ولا حاجه وبنقل على 2.75 ار بى ام فى كل الغيارات انا شاكك فى البوجيهات بس بتاع الكربراتير شافهم وقالى لا كويسين.

تانى مره الموبينه تتحرق فى اقل من شهر والعربيه تبطل وهى ماشيه وبعدين بعد البهدله خصوصا لما تقطع الساعه 12 بالليل على الكونيش وبين نارين اسيب العربيه وارجع الصبح ملاقيهاش ولا
ازقها واقول كهربائى فاتح ولا ميكانيكى الساعه 12 يا ولاد الحلال بصراحه موقف لا احسد عليه
اتمنى من الجميع المشاركة لوضع مقترحات عن سبب تلف الموبينه المفاجى العربيه هيونداى اكسيل 1500 الميكانيكى قالى البضاعه اللى فى السوق كلها مغشوشه
وسؤال تانى ايه احسن طقم كابلات بوجيهات وسعره كام وممكن اركبه انا ولا لازم كهربائى او ميكانيكى

ازيكوا يا جماعه عاملين ايه
انا عندى مشكله فى العربيه مش عارف ايه حلها وروحت للميكانيكى وبتاع الكربراتير ومفيش فايده
العربيه بتاكل بنزين كتيييييييير اوى انا حسبتلها بتاكل حوالى لتر لكل 7 كيلو وده كتير جدا
العربيه 1500 موديل 1995 وانا لسه عامل عمره ومشيت بيها بعد العمره 2000 كيلو لحد دلوقتى يعنى غيرت الزيت بعد الالف الاولانيه وغيرته تانى من يومين
روحت للميكانيكى قالى روح لبتاع الكربراتير وهو هيظبطهولك روحت لبتاع الكربراتير قالى الكربراتير سليم ومفيهوش مشكله طيب الحل ايه فى الاستهلاك الزايد ده مع العلم انى بمشى براحه مبشدش بالعربيه ولا حاجه وبنقل على 2.75 ار بى ام فى كل الغيارات انا شاكك فى البوجيهات بس بتاع الكربراتير شافهم وقالى لا كويسين

بصيت العربيه بتنقط بنزين من ورا عند التانك ولا الا؟؟
انا كان عندى كده
وغير فلتر الهوا او نضفه على الاقل
بص..كمان فى منظف كربراتير امريكى بيتباع هاته وانا هقولك تعمل ايه بعد كده
ده بيترش منه جوه الكربراتير بيظبط الاداء جداا