رابطة مالكى الاكسيل-الجزء الثانى

**aabozid** · 23-12-2012 05:31 PM

المشاركة الأصلية كتبت بواسطة al_manara

الكلام دة بيحصل لو العربية باردة ولا وهي سخنة ولا دائما ؟

في احتمالات كتير منها :

- عيب كهربا (اية اخبار الدينامو )
- عيب طرمبة بنزين ( في حالة العربية سخنة )
- عيب موبينا ( اية اخبار الشرر بتاعها )
- عيب مقاومة موبينا
- عيب كربراتير ( الهوا مش مضبوط )

السلام عليكم و رحمة الله و بركاته
جزاكم الله خيرا علي الرد
المشكلة دي أول مرة تحصل النهاردة و العربية كانت سخنة .
الدينامو بيشحن بدليل أني قيست أطراف البطارية و العربية دايرة اعطتني قراءة 14.4 فولت.
انا قلت أستريح شوية لغاية ما العربية تبرد و أحاول أدورها تاني و اشوف أيه اللي حايحصل .
و الحقيقة أنا قلت بما انها 1300 و كربراتير عادي بقي لي فترة باحط لها بنزين 80 و لله الحمد ماشية زي الفل بس النهارده هو اللي عملت المشكلة دي.
كفاكم الله شر أعطال السيارات
أشرف أبوزيد

**singary2010** · 24-12-2012 01:30 AM

المشاركة الأصلية كتبت بواسطة magoda

سنجارى حبيبى
منين اجيبه بالسعر ده انا لاقيته بـ 140ج فستغليته

اوك ماجد سيبنى اسأل عليه تانى علشان انا شاريه من فتره واعرفك تانى

**mado83** · 24-12-2012 08:44 AM

المشاركة الأصلية كتبت بواسطة aabozid

السلام عليكم و رحمة الله و بركاته
حصلت لي مشكلة النهارده مش لاقي لها تفسير و مازالت المشكلة دي قائمة . و أنا ماشي بالعربية فجأة لقيتها مرة واحدة بتبطل مني و لمبة البطارية أضائتها هي و لمبة فرامل اليد ضعيفة لما أجي أفتح الكونتاك بدون دوارة و لمبة الزيت أضائتها عادية وواضحة. المشكلة أني لما أدور العربية بتدور معايا عادي و لمبات الزيت و البطارية بتطفي و المحرك بيشتغل بس لما أجي ادي غيار علي الأول و أطلع لازم أحمل سنة بنزين و أمشي و لكن لو دوست فرامل و هديت بالعربية بتبطل مني.
أرجوا من الأعضاء ممكن لديهم الخبرة افادتي أعمل أيه أو أكشف علي أيه بالضبط .
ملاحظة : أنا فتحت الكبوت و شديت شفاط التسحين عشان العربية ما تبطلش مني و قيست علي طرفي البطارية بالأفوميتر لقيت القراءة بتاعته 14.4 فولت و لما العربية أبطلها تقيس معايا 12.3 .
جزاكم الله خيرا مقدما للردود
أشرف أبوزيد

غير فلتر البنزين ونظف الكربراتير لان المشكله دى غالبا وساخه بنزين سدت بك السلانسيه

**Magoda** · 24-12-2012 03:39 PM

مردتوش عليها يا رجاله انا ناوى اسمكر الرفرفين والكبوت وارشهم ب 400ج ياترى يا هل ترى السعر مناسب ولا ادور وهلاقى أقل من كدته ... انا اصلى هجدد ع اخر السنة وسايب العربيه كدته الكبوت محروق ومصدى ده عادى ولا غلط

**al_manara** · 24-12-2012 05:02 PM

المشاركة الأصلية كتبت بواسطة aabozid

السلام عليكم و رحمة الله و بركاته
جزاكم الله خيرا علي الرد
المشكلة دي أول مرة تحصل النهاردة و العربية كانت سخنة .
الدينامو بيشحن بدليل أني قيست أطراف البطارية و العربية دايرة اعطتني قراءة 14.4 فولت.
انا قلت أستريح شوية لغاية ما العربية تبرد و أحاول أدورها تاني و اشوف أيه اللي حايحصل .
و الحقيقة أنا قلت بما انها 1300 و كربراتير عادي بقي لي فترة باحط لها بنزين 80 و لله الحمد ماشية زي الفل بس النهارده هو اللي عملت المشكلة دي.
كفاكم الله شر أعطال السيارات
أشرف أبوزيد

طيب لو اتاكدت من ان الهوا مضبوط من الكربراتير تمام .

لما تكون العربية سخنة وتطفي منك . اول ما بتدورها تاني بتدور ولا لا ؟

لو لا فك العمة هتلاقي ورا الكربراتير طرمبة البنزين ادلق عليها مية براحة اوي لحد ماتبرد وارجع دور العربية .لو دارت يبقي الطرمبة بتاعت البنزين باظت . والجديد بتاعها الاصلي بحوالي 150 جنية .

**al_manara** · 24-12-2012 05:04 PM

المشاركة الأصلية كتبت بواسطة magoda

مردتوش عليها يا رجاله انا ناوى اسمكر الرفرفين والكبوت وارشهم ب 400ج ياترى يا هل ترى السعر مناسب ولا ادور وهلاقى أقل من كدته ... انا اصلى هجدد ع اخر السنة وسايب العربيه كدته الكبوت محروق ومصدى ده عادى ولا غلط

سمكرة ورش ب 400 جنية كويس جدا جدا

**aabozid** · 24-12-2012 05:21 PM

السلام عليكم و رحمة الله و بكاته
جزاكم الله خيرا علي الردود الطيبة و تقديم العون. النهاردة الصبح نزلت دورت العربية لقيتها زي ما هي و لغاية ما رحت الشغل قلت افك العمة بتاعة الكربراتير و قمت بتعلية مسمار السلانسيه اللي هو خلف الكربراتير تحت العمة و دورت العربية و لقيت صوت الموتور بقي عالي . المهم فضلت الف في المسمار ده سنه سنة لغاية ما العربية ضبطت معايا و بقيت اطفي وادور تاني كذا مرة لقيت المشكلة اتحلت و الحمد لله .
جزاكم الله خيرا مرة أخري علي ردودكم الطيبة
أشرف أبوزيد