الموضوع: رابطة مالكى الاكسيل-الجزء الثانى

المشاركة الأصلية كتبت بواسطة ليكوي مولي

وبلى العجل يتغير كل كم كيلو ولوفى صوت وانت ماشى يبقا ايه

اول ماتسمع صوتة غيرة .
الصوت وانت ماشي من حاجات كتير .
لو عاوز تعرف من بلي العجل ولا لا .
هاترفع العربية بالكوريك وتلف كل عجلة بايدك . لو سمعت صوت خشونة يبقي البلي باظ .
هاتعمل كدة في الاربع عجلات .

وماتجيبش الاصلي لان الي موجود مضروب فعلا .
احسن بلي skf

المشاركة الأصلية كتبت بواسطة mado83

بلى العجل المفروض كل 100 الف
ولكن كل البلى الموجود مضروب يعنى ممكن تغيره بعد 1 كيلو لو باظ منك

مش شرط 100 الف .
مرة غيرتة بعد 60 الف تقريبا .

المشاركة الأصلية كتبت بواسطة magoda

مشكرين يا باشا ع الرد
بس هو قالى فى كذا نوع ب 50ج و ب 95ج
ال 120ج ديه بقى اصليه
ممكن تقولى اجيب نوعها ايه ؟؟؟
بالنسبة للميكانيكى هو جامد فعلا بس الفكرة انه كان لسه مغيرلى ماسورة ميه فمحبش يفتحلى فتحه ونا من ساعتها مرحتلوش تانى

العفو.
الي ب 120 و 150 تيواني وكوري .
اما حكاية 50 دي فبلاش منها . اظنها اقل من الصيني كمان .

لو روحت لابراهيم البنا في التوفيقية هتلاقي عندة حاجات كويسة . وفي الغالب هو بيشتغل في الحاجات الاصلية او الماركات الكويسة البديلة للاصلي .

وماتنساش قبل ماتغيرها اغسل دورة المياة كويس . وبعد التركيب حط مياة خضرا .

المشاركة الأصلية كتبت بواسطة ليكوي مولي

العربيه عامله 47000 كم بس كانت مرفوعه (مركونه )
ممكن يكون دا السبب انها كانت مرفوعه؟

احتمال .
بس ماشاء الله العربية عدادها صغير اوي .