الموضوع: مقابلة كياوية

المشاركة الأصلية كتبت بواسطة abouleila

السلام عليكم ورحمة الله وبركاته

ازيكو يا نمور كيا ويارب تكونو بخير
طبعا انا شايف الموضوع من اول ما اتعمل من صديقى العزيز احمد سعد ومن بدرى وهو بيقلى اننا
لاازم ننظبم مقابلة ولكن علشان الاحداث اللى كانت بتمر بيها البلد كنت باجل الموضوع لحد ما تهدى شويه
واخيرا كنا بنتكلم من فترة وقلى انه هينزل موضوع استطلاعى على المقابلة واقترحت عليه انها تكون
فى اجازة نصف العام علشان انا عارف ان فى كتير من ملاك كيا فيهم عنده امتحانات

طبعا والحمد لله جميع مقابلات قسم كيا كانت بتشهد حضور قوى من الاعضاء ولله الحمد
كانت بتكون منظمة جدا وتليق فعلا باعضاء قسم كيا وتكونت صداقات كثيرة جدا
ومنهم اللى ترك المنتدى ولكن مازلنا نتواصل عبرالتليفون ولله الحمد جميعهم محترمين جدا

لما كنا بنعمل مقابلة كان اللى بيحضر فيهم هم فقط ملاك كيا سيراتو ماعدا اول مقابلة حضر فيها
بعض مالكى الكارينز والسفيا والبيكانتو من اصل 5 مقابلات رسمية وعلشان كده احمد لما عمل الموضوع
حدد الاسماء الموجه ليهم الدعوة ولكن وحوش السيفيا طلعو من المغارة اخيرا وقالو احنا فين
انتو دايما موجودين ورفعين راس قسم كيا بموضوعتكم وخدمتكم للاعضاء ...وهنشوف اذا كنتو هتيجو ولا
لا المرة دى .

احمد سعد من اقدم اعضاء قسم كيا وليه موضوعات وخدمات يقدمها للاعضاء ملموسة وانا شخصيا
بعتبره اخ وصديق كبير بالنسبة لى واعرف مدى حبه للقسم واعضائه ولا يبخل باى معلومة تطلب منه
واختنا العزيزة دونزى هى العنصر النسائى اللى بيمثل قسم كيا وكمان اختنا سارة
وبنظرة سريعه على باقى اقسام المنتدى لن ترو اى عنصر نسائى موجود فى اقسام السيارات
والادهى من ذلك انهم فاهمين جدا فى العربيات وعندهم من المعلومات وموضيعهم تتكلم عنهم
والجميع هنا يعتبرهم بالفعل اخوات وليس كلاما فقط .

فلا يوجد داعى تماما لحدوث مشكلة فى تفسير الكلام لان مما رايته من مشاركات لا يستدعى
حتى مجرد التعليق منكم.
كل منكما له التقدير والاحترام اتمنى ان يزول سوء التفاهم سريعا ولا ياخذ اكثر من حجمه
حتى نحافظ على الروح الموجوده فى هذا القسم الذى كان من اكثر الاقسام نشاطا فى الماضى
ودورنا ان نساعده فى النهوض على الاقل بالحرص على ما تبقى منه وهى المودة والحب بين الاعضاء

شكرا جزيلا على الكلام الجميل دا يا استاذ ابو ليلى و هوا دا المتوقع منك كالعادة

لكن لما يبقى كلامك بسيط جدا و نيتك خير في انك تجمع كل اعضاء المنتدى مع بعض و تلاقي ردود تنم عن عدم ترحيب و تحوير في الكلام و تشكيك في في الانتماء للقسم و حاجات تانية كدا كتير يبقى لازم الواحد اكيد هايضايق و مع ذلك ردي كان توضيحي و بسيط

دا بدل ما تعملولي مظاهرة ترحيب بعد العملية و الاقي زفة و زيطة كدا

عموما يا بعد كلامك الجميل و كلام سما عفا الله عما سلف بس بشرط هاحضر المقابلة ان شاء الله
دا طبعا لو كنت بدات اتحرك ماتقلقوش مش هاجيب ماما المرة دي

ولا اقولك بلاش اجي عشان خاطر الشباب اللي عاوزين يبقو براحتهم برضو مايهونش عليا ابوظلهم اليوم و خليني انا كالعادة في المقابلات الاسرية انا و مامتي حبيبتي