صيانة ال5000 قربت...ملاحظاتى على العربية
معايا لوجان مو 2012 fo و صيانة ال5000 قربت .
بصفة عامة العربية ممتازة عالية عن الارض و عفشتها رائعة و ثابتة على الطريق بس الموضوع لا يخلو من بعض الملاحظات...
1)صوت الموتور فعلا عالى بطريقة ملحوظة,
2)العربية حاسس انها مخنوقة اخرها معايا 130 ك/س مش بتجيب اكتر من كدة ده اخر دواسة البنزين ,
3)فيه عضة احيانا مع الغيار الاول حتى من الثبات,
4)ساعات المارش مش بيجى من اول مرة(بيهرب),
5)لوجى ملطش (كثيرة الاصابات)بالذات الجزء الخلفى و الرفرف.
على فكرة ملاحظتش موضوع السخونة عند الدواسات عندى...هل ملاحظاتى ممكن تتحل فى الصيانة و لا هيقولولى هيا كدة
وتنصحونى اعمل صيانتى فى سموحة و لا فى العامرية و سمعت انهم عاملين هدايا لصيانة ال5000 هل ده صحيح