طيب يا جماعة انا عايز بس اوضح حبه حاجات لأي عضو جديد أو قديم من مالكى لوجان أو أي عربية تانية :
أول حاجه ان العربية فعلا بيكون صوت الموتور عالي شوية ف الاول وده بيخوفك انك تقرص ع الغيارات وبالتالي بتحس ان العربية مخنوقة يعنى قصة الصوت والسرعة مرتبطين ببعض بس بمجرد تغيير الزيت لأول مرة (انا غيرته علي 5000 مع انه يدي 10000) هاتحس ان الصوت هدي جدا والسحب اتحسن بشكل جامد .. بعد صيانة ال5000 وتغير الزيت وانا راجع ع الصحراوى سرحت وفوجئت بالعداد جايب 190 و مفيش صوت .. الحكاية ان العربية ف أول 5000 كيلو مع احتكاك التروس بينزل رايش كتير ف الزيت عشان كده الزيت بيحرق بسرعة بس بعد كده الأداء بيتحسن (التوكيل بيحط زيت توتال)
تانى حاجه ان التوكيل مش حرامى ولا حاجه واسعار قطع الغيار زي أي توكيل تانى انما المصنعيات فقط هى اللي غالية وده عشان الناس اللي بتقبض مرتبات كبيرة .. يعنى مثلا العتبه اليمين ب 350 جنيه ومصنعية تركيبها 800 جنيه
تالت حاجه لازم تحط ف دماغك انك راكب عربية ب 70 الف يعنى مش أودي ولا كاديلاك يعنى طبيعي ان اي عربية ف الفئة دي لازم يكون فيها عيوب المهم انك راكب عربية أوروبي واكيد هاتكون افضل من الكورى
رابع حاجه انك لو مقتنع بالعربية وحاببها هاتبلعلها الزلط و هاتملا عينك انما لو متردد ف أمرها ماتجبهاش
المفضلات