ههههههههه .....لالالالالالالا انت قلت ان فى مفتاح ماستر
بس احيك على روحك الجميلة وتقبل وجهات النظر بصدر رحب .
طب ماتيجى نحاول نعملها احنا ونشوف ؟؟؟ انا بفكر جديا اخد الرقم واجرب عند بتوع المفاتيح بس خايف يلقطوا الفكرة !
ربنا يسامحكوا وجعتولى بطنى ... وانا جربت ادخل ورقة معرفتش المكان مقفول بين التابلوة والازاز
اماال بس فرحانين فى الكتالوج امبوالايزر ومانع سرقة والموتور يقفش ويقول لأ وهجايس ...
:O_stupid[1]:
انا مش مصدق ان في شركة بالسذاجة دي
رغم ان كل اللينكات اتشالت قبل ما اشوفها بس كلام الاستاذ وائل ابو ليلى بياكد ان الموضوع سهل "بالذات تجربته لما غير سوفت وير"
انا شايف ان الحل الامن بجانب تغطية ال Vin هو تغيير "تكة" في الكونتاكت و تركيب زرار فصل كهربا للعربية
بحيث لاقدر الله لو عرف يفتح العربية ميعرفش يدورها
الزق عليه من برة
او شوف نوع الوان "بوية" بتثبت على الازاز و لون فوقيها
دي مش مشكله سيراتو بس دي مشكله النترا كمان
انا هاحكي تجربه شخصيه ليا
انا معايا النترا خليجي هاي لاين اللي بتنزل ب اموبيليزر وكنت مع واحد صاحبي بيصلح عربيته بالصدفه وقابلت مهندس قولتله انا عربيتي فيها مفتاح مشفر مش معايا الشريحه علشان ضاعت ينفع اطلع عليها مفتاح ؟؟؟
رد ايوه ينفع بس هايكلفك اغلي ..قولتله اوك (انا كنت باستنصح عليه علشان كنت فاكر ان ده شغل التوكيل بس وخاصه لو الشريحه بتاعه الكود ضايعه)..المهم من غير مايفتح العربيه راح بص علي الازاز من قدام وطلع الفين كود ودخل تاني وانا مش فاهم اي حاجه وراح مدخله علي جهاز غريب عنده وقالي قبل ما ابتدي لازم توريني رخصه العربيه وتوكيلاتها لو فيه...قلتله انت فعلا هاتطلع الكود قالي انا طلعته وومكن اعملك المفتاح الجديد بشفره اصعب من اللي فيها بس ساعتها هاتركن المفتاح اللي معاك وطالما انا معايا رقم الشاسيه اقدر افك اي شفره لان الكوري شفرته معروفه وممكن التبديل فيها..
الخلاصه يجب اخفاء رقم الفين كود او رقم الشاسيه ولايجب الاعتماد علي الاموبيليزر لوحده علشان شكله طلع كده اوبشن علي الفاضي زي المرايات الكهربا بالظبط يمكن المرايات افيد
احلوت
أين دور التوكيل فى كل مايحدث للحفاظ على عملاؤه وسمعه الشركه التى يمثلها ؟ ولا هو بيبيع وبس والناس تضرب دمغها فى الحيط وطبعا طول ما فى حد بيشترى يبقى هايتعب نفسه ليه .لازم وقفه لان الكيا اصبحت منتشره عند اصحابك وقرايبك وجيرانك والناس اللى بتحبهم وعارف قد ايه تعبانين فى الفلوس .وربنا يستر علينا كلنا ومافيش حد احسن من حد وكلنا لازم نشارك
سواء ركبت انذار او كلبش او حتي اشتريت عربيه فيها اموبيليزر كل ده مجرد ابطاء لعمليه السرقه مش اكتر للاسباب التاليه:
1- العربيه كل ماتنتشر بتكون قتلت بحثا في السوق وخباياها بقت معروفه وكذلك نقط الضعف فيها وطبعا الحراميه هايمشوا زي ما اغلب المصريين ماشيين (الافضليه للكوري لان الطلب عليه اكتر::) وهايعرف يستفاد باعربيه لو مابعهاش وحولها لقطع غيار
2- الحراميه دول مش مجرد ناس مبتدئين لالالالالالالالالالالالا دول بيبقوا عصابه متخصصه في سرقه نوع معين او نوعين باذات وبيبقوا مدربين علي كده وعارفين ايه الخبايا يعني بمعني اصح صنايعيه محترفين بس (في الحرام)
3- ضيف علي كده ان رقم الشاسيه بيبقي تحت الكرسي اليمين في اغلب العربيات الجديده وده فارق في حاجات كتير اوي لان ممكن حد يشتري نص امامي كامل (بدون ماتور) من غير ما يفرق في رقم الشاسيه يعني ممكن يكون مسروق بدون مايعرف وما اكثر السيراتوا اللي عامله حوادث
4- كل موانع السرقه ماهي الا اجتهادات لتعطيل السارق او لتصعيب المهمه عليه انما المشكله مكونه من جزئين جزء علي العربيه وجزء علي الحكومه اللي المفروض تلم شويه الصيع والحراميه دول بدل ماهما سايبينهم يعملوا في ممتلكات الناس ما بدالهم
5- ماعتقدش ان حد هايعرف يحاسب التوكيل لان الحرامي المتخصص لو عايز يسرق عربيه التخين في البلد هايسرقها لان دي مهنته وكمان ايه اللي يثبت ان السرقه تمت نتيجه عيب في العربيه ماهي ممكن تكون العربيه اترفعت علي ونش او اتسحبت من مكانها يعلي المخارج القانونيه كتير والناس اللي احتكت بالحراميه دول عارفين ان مافيش عربيه تقدر تستعصي عليهم الا العربيات الفارهه اللي بيبقوا عارفين ان فيها تتبع وعلشان كده مش بيجوا ناحيتها والعيب مش عيب توكيل بنسبه 100% فيه عوامل مشتركه تانيه كتير
ياجماعة البرامج بقت متطوره جدا
يعنى كان فيه برنامج بتسطبه على الكمبيوتر vpn وتحط فلاشة نت وتفك شفرتها بحيث انها تشغل اى شريحه فى العالم وشريحة موبايل من غير رصيد (يعنى لق نفذ رصيدكم) سواء موبينيل او فودافون او اتصالات وتدخل على النت وتعيش والسرعة بتوصل ل 700 كيلو فى الداون لود وكل ده من شريحة من غير رصيد انا مصدقتش غير لما جربت بنفسى (علما بانى عندى نت فى البيت بس الفكره شدتنى) وعلى 3 شبكات وكمان هتلاقى الالاف الشباب مقضيها بالموضوع دوت
هل ده ضعف من شركات الموبايل ؟؟ اكيد لا بس الموضوع هو ثغرات فى السيستم والناس بتعرف تستغل الثغرات ازاى
وطبعا شركات المحمول معينه فريق مخصوص لمواجهة هذه الثغرات وبتصرف جامد جدا وكمان هما يوقفو برنامج تبص تلاقى نازل 3 غيره يعنى بجد حاجه تخلى العجل يشت دا غير الخساره من الناس اللى بتخترق وتلاقى ناس محمله بالتيرا اقسم بالله بالتيرا تحميل عمال على بطال وعلى فكره معظم الناس دى فى ثانوى يعنى صباح الفضيان
طبعا خلاصة الرغى ده ان البرامج بقت متطوره جدا وطبعا قلت الايمان والدين (علامات الساعه ولا ايه) الحراميه يقولولك يابا دى ناس مش حاسه بحاجه وبكره يجيب واحده تانيه ولا هتفرق معاه
ياجماعه كل واحد يتصرف فى جراش وخلاص
انا اساسا من 6 اكتوبر والحمد لله عندنا جراج ولما بنزل رمسيس او التحرير او كدا بنزل مواصلات اه والله انا هعقد اقرف نفسى وطبعا لما بخرج مع الولاد بالعربيه مبطلعش بره اكتوبر وهما اماكن محدده يامول العرب ياهايبر ياكارفور يانادى اكتوبر ودمتم
المشكله ان العربيه بقت زى الشقه بالظبط لا يمكن الاستغناء عنها وخصوصا لو عندك اسره وعيله
انا ليه 4 حبايبى فى اكتوبر عربياتهم اتسرقت وكانت بركب معاهم دا غير العربيات اللى اتسرقت عن طريق السماع فقط من اصحابى
افضل حاجه قطع يد السارق اكيد الحرامى هيفكر مليون مره قبل ميسرق (عمل حملة ضخمة بكدا)
وربنا يرحمنا برحمته الواسعة
ايه الحل لزيادة التامين
نركب كتاوت فصل ولا نعمل ايه ؟؟
انا كنت عملت موضوع على تامين العربية وكنت مستنى راى الاعضاء
http://www.nilemotors.net/Nile/262939-a.html