للاسف يا دكتور احمد .. في منتدى مصري بتاع عربيات بردو منزل برنامج التكويد دا ... اتضايقت جدا لما شفت البرنامج ومفيش حد بيقول لا للاسف
للاسف يا دكتور احمد .. في منتدى مصري بتاع عربيات بردو منزل برنامج التكويد دا ... اتضايقت جدا لما شفت البرنامج ومفيش حد بيقول لا للاسف
طب لبعتلى اللينك فى ال inbox احاول معاهم
واحد صحبي معاه تويوتا كورولا 2011 نزل يشتري حاجه من السوبر ماركت مخدش نص ساعه رجع ملقاش العربيه..
اتصلوا بيه سوموه على العربيه يدفع 40 الف جنيه و يخدها.. قالولوه لو مدفعتش يهتلاقي العربيه في وكاله البلح قطع غيار يا تروح تجيبها من فلسطين..
طب لو سمحتوا استفسار...
انا عربيتي سيراتو ومش فيها ايموبلايزر... مفتاح ريموت بس.
السؤال دلوقتي هل لو حد عمل نسخة على المفتاح(نسخة عادية يعني) ممكن يشغل العربية؟ ولا مش تدور غير بمفتاح الريموت؟
كمان موضوع ال vin لازم اغطيه برضه ولا عادي؟
شكرا للافادة[/SIZE][/SIZE]
أنا فى حاجة بعملها فى العربية لما بركنها مش عارف ليها تأثير ضد السرقة ولا لأ .. انا بفتح الكبوت وبشيل فيوز منها .. أنا عربيتى موديل 2011 توب لاين خليجى بالبصمة .. والفيوز اللى بشيله بيقطع الكهرباء عن العربية كلها .. يعنى المفتاح مبيشتغلش أصلاً .. ولا السنتر ولا النور ولا مفتاح الستارت ستوب ولا أى حاجة إلا لما أركب الفيوز تانى ... أنا بشيل الفيوز الأحمر الطويل اللى جنب ماسك الفيوزات علطول .. ولما بعوز أشغل العربية بفتحها بالمفتاح الحديد اللى جوه الريموت وبعدين أفتح الكبوت وأرجع الفيوز.. ياريت لو حد عنده معلومة ويقولى اللى أنا بعمله ده صح ولا ملوش لازمة
وكدة بتفصل الانذار كمان ....
بس مش ها تحمى من السرقة بالونش ( رافعة ) ....
خلينا نجرب ونشوف
انا بدور علي الفيوز ده من زمان يا ريت صوره يا باشا بس تتبعت علي الخاص علشان مش عايزين نعملها في مشاركه لو حرامي علي النت لقدر الله يروح بعد كده عارف فين الفيوز و معاه واحد احتياطي...ياريت حضرتك تبعتلي صورت الفيوز ده علي الخاص و اشكرك
هو السمارت كيي الانذار اللي بيركبلها علي الريموت بيفصل مع السنتر لوك يعني ملوش لزمه ... و كتاوت الفصل خطر و انت ماشي لحسن تعلق معاك .. انا شايف ان انسب حلين فعلا بعد ستر ربنا .. الجهاز اللي بيفصل الطرمبه بي الموبيل و الفيوز ده للي مش مركب الجهاز و يا ريت اللي عنده معلومه يقولها ...اما الونش ده يبقي عليه العوض احنا مش مغسلين يعني :d
لا متفصلش الكهربا بتاعه العربيه عشان كدا انتا بتفصل الامبولايزر و الانذار لو انتا مركب واحد انا نفسي اعرف مكان فيوز طرمبه البنزين او فيوز المارش