الموضوع: اذا قرصتك نملة لا تقتلها بل.. أشكرها

أية يا استاذ اللي حضرتك بتقوله ده الله يخرب بيت الجهل اللي هايودينا في داهية و منه لله اللي قال الكلام ده , أنا عارف طبعا إن حضرتك مالكش ذنب و حضرتك بتنقل الكلام بحسن نية أنا قصدي علي كاتب الكلام الأصلي اللي يقعد يألف أي كلام و الناس البسطاء تصدق و تنشر لكن الكلام ده غلط تماما و ممكن يكون سبب يؤدي للوفاة لا قدر الله و أنا صيدلي و فاهم كويس في المجال الطبي و هارد علي كل نقطة ذكرت في المقال ده

المشاركة الأصلية كتبت بواسطة tiggosaid

اذا قرصتك نملة لا تقتلها بل.. أشكرها

العديد من الناس يتعرضون لقرصة نملة هنا وهناك..

ولكنهم يقومون فوراً بقتل النملة المعتدية.

لكن لماذا لا نقدم الشكر الجزيل للنملة عند قرصها لنا.. وخاصة إن فوائدها كثيرة..

وهذه الفوائد كالتالي :

1- قرصة النملة تؤدي إلى تنشيط الدورة الدموية وزيادة عدد كرات الدم الحمراء مما ينعكس على نشاط الجسم وحيويته.

حضرتك قرصة النملة بتعمل inflammation أو إلتهاب و دة بيبقي نوع من مقاومة الجسم لحمض الفورميك اللي دخل الجسم من قرصة النملة و الإلتهاب ده لما بيزيد بيبقي مضر جدا للجسم و ممكن المريض يدخل في anaphylactic shock و د بيبقي إنخفاض حاد في الدورة الدموية نتيجة الإلتهاب الشديد و ده لو ماتلحقش بجرعة أدرنالين خلاص بيروح يقابل رب كريم

2- قرصة النملة تقوم بتنشيط الخلايا العصبية الموجودة في الدماغ وذلك من خلال إشارات حسية تنتقل من مكان القرصة إلى الخلايا الحسية أسفل الدماغ

3- إذا تعرض الجسم إلى أكثر من قرصة فى الوقت ذاته , فإن ذلك من شأنه أن يؤدى إلى تليف الجلد وذلك لكون جميع القرصات في مكان واحد,أما إذا كانت في عدة أماكن فإن ذلك يؤدي إلى تخثر الدم.

المقصود بتليف الجلد : هو أن الجلد يصبح أكثر مقاومة للبكتريا وأكثر تحملاً لدرجات الحرارة المرتفعة.

تليف الجلد ده مصيبة في حد ذاته ده بيبقي نوع خلايا مختلف عن الخلايا الأصلية الجسم بيعمله لما مابيقدرش يصلح الضرر اللي حصل بالخلايا الطبيعية لأن الضرر بيكون كبير جدا و دا بيكون أضعف من الجلد الطبيعي دا غير أن تغيير الجلد دا لقدر الله ممكن يؤدي لنشأة خلايا سرطانية و العياذ بالله

المقصود بتخثر الدم : هو تكون طبقة من الدم تكون اقسى نوعاً ما من الدم العادي مما يمنح الأوعية الدموية قدرة أكثر على مقاومة السموم...

تخثر الدم ده حضرتك يعني جلطة دا مصيبة لوحدة دا ممكن يؤدي لأمراض القلب زي الأزمة القلبية و ممكن يعمل سكتة دماغية و ممكن لقدر الله يمنع الدم عن أي طرف من الأطراف و يعمل غرغرينا

وبالتالي مساعدة الكبد وتخفيف العبء عنه .

4- قرصة النملة كأفضل وسيلة للرجيم عندما تقوم النملة (الأنثى) بتوجيه قرصتها للهدف المنشود ...

فإنها تفرز كمية من اللعاب الأيوني , والغريب إن هذا اللعاب يقوم بحرق جميع الدهنيات الموجودة في العضو المقروص ..

اللعاب اللي موجود في النملة دا حضرتك دا حمض الفورميك و دا مصيبة لوحدة علشان ممكن يدخلك في anaphylactic shock زي ما ذكرت في نقطة قبل كدة و يؤدي للوفاة

{مثلا لو أن العضو المقروص هو الذراع فإن اللعاب سوف ينتشر تدريجيا في كافة الذراع وبالتالي .. سيقوم بحرق 99%من الدهنيات التي توجد بالذراع .. }

ولله في خلقه شؤون

الخلاصة في الموضوع إن مش أي حد هتقرصة نملة هايموت لكن الموضوع مضر مش مفيد و مممكن يؤدي للوفاة لو حد عنده حساسية أو لو كان فية أكتر من قرصة و كل الكلام اللي في الموضوع ده عاار تماما من الصحة و أرجو من حضرتك إنك تتأكد من صحة المواضيع قبل القيام بنقلها منعا لأي مشاكل ممكن تحصل لو حد صدق حاجة من المكتوبة دي علشان لو حد مات لقدر الله ماتتحملش حضرتك ذنبه

يا جماعه ازاى الكلام ده دى قرصة النمله بتعمل حساسيه جامده وتسبب التهاب اعتقد ان الموضوع غير مدقق علميا ويحتاج الى تدقيق

مكنش حد غلب
كان كل من يعاني من السمنة جابله شوية نمل يخسسوه وينشطوه وبنعنشوه:)