محتاج مساعدة من خبراء السوبارو

**anchoor** · 08-01-2012 12:17 PM

بسم الله الرحمن الرحيم

بعد السلام على الجميع ,

الموضوع يا جماعة بإختصار إنى معروض عليا عربية إمبريزا موديل 1997 بحالة جميلة وبسعر جميل وطبعا مش هتكلم عن السوبارو لأن اللى بيفهم فى العربيات يعرف الماركة دى تعنى إيه, بس؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

السؤال هنا اللى لازم يطرح نفسه ولو مطرحش نفسه انا هطرحه هو قطع الغيار اخبارها ايه؟

يعنى من حيث التوافر والسعر,يعنى هل كل قطع غيارها موجودة وفين واسعارها عاملة ايه.

وطبعا نصيحتكوا ليا لو فى اى تعليق على الموديل ده تحديدا.
بس خلاص.......................

ولكم جزيل الشكر.

**mahmoudselim** · 08-01-2012 07:28 PM

الموديل دا افضل موديل في الامبريزا كعفشة ومواتير وكل حاجة والشكل اذواق
قطع غيارها متوافرة عند أكثر من محل ,, انا بتعامل مع هشام عبد الهادي في الظاهر
لسة شاري علبة دركسيون استيراد ب 950 جنية بيض المقصات الجوز ب 200
أسعارها في المجمل ارخص من اسعار كورولا 1500 1995 ال كانت معايا
بس الكورولا قطع الغيار منتشرة اكتر بس السوبارو عربية افضل بكتييير من الكورولا
العربية اجمالا تحفة بجد.
هي معروضة عليك بكام ومواصفتها اية؟

**anchoor** · 09-01-2012 06:13 AM

المشاركة الأصلية كتبت بواسطة mahmoudselim

الموديل دا افضل موديل في الامبريزا كعفشة ومواتير وكل حاجة والشكل اذواق
قطع غيارها متوافرة عند أكثر من محل ,, انا بتعامل مع هشام عبد الهادي في الظاهر
لسة شاري علبة دركسيون استيراد ب 950 جنية بيض المقصات الجوز ب 200
أسعارها في المجمل ارخص من اسعار كورولا 1500 1995 ال كانت معايا
بس الكورولا قطع الغيار منتشرة اكتر بس السوبارو عربية افضل بكتييير من الكورولا
العربية اجمالا تحفة بجد.
هي معروضة عليك بكام ومواصفتها اية؟

هى 1600 مانيوال كاملة وحالتها جميلة بسم الله ماشاء الله بس هو طالب فيها 40.000 وانا عرفت إن كده كتير ولا رأيك إيه؟

بس معليش هى بقية الحاجات بكام زى تيل الفرامل والفلاتر والسيور والفوانيس والاكصدامات والحاجات دى وهل ممكن اعمل كل الشغل برة ولا لازم اروح التوكيل فى حاجات معينة؟

معليش انا بتقل عليك

**mahmoudselim** · 09-01-2012 05:19 PM

سعرها التمام لو حالتها كويسة جدا ورشة أجزاء فقط من برة 37 الف
تيل الفرامل الاصلي من التوكيل ب 450 بس في تيل امريكي ب 260
وفي اسباني تقريبا ب 160 سير الكاتينة ب 222 تقريبا وفلتر هوا 137 اصلي
وفلتر الزيت ب 55 اصلي والبنزين 196 اصلي , الفانوس خلفي استيراد بيخلص
علي 150 - 200 حسب الحالة , الاكصدام مش هيعدي ال 500 استيراد
عامتا انا شغلي كلة بعملة برة عن هيثم الميكانيكي شغال عند هشام عبد الهادي
وهيثم بسم الله ماشاء الله شاطر جدا وكان شغال في التوكيل.
لسة يوم الجمعة والسبت ال فات كان بيحول عربية 97 من امامي لدفع رباعي.
دا رقم هشام عبد الهادي احسن واحد بجد ممكن تتعامل معاة في قطع غيار السوبارو
0122318200 كلمة واسئلة علي اي سؤال بخصوص اسعار الاستيراد
عرفة بس انك من طرف محمود عاطف علشان يظبط السعر اكتر ما هو كويس اصلا.

انت كمان عندك محل صخر في الحرفيين بتاع طارق وعندك اولاد نوح في الوكالة
دا غير في اتنين كمان في الوكالة بيتعاملو في قطع غيار السوبارو.
وفكك من عايد نهائيا.