سؤال لأصحاب لانوس 2 :
ياترى امبير الحرارة اليومين دول بيوصل لحد فين ؟ يعنى بيوصل للشرطة ال هى فى النصف ولا ال قبلها ولا بين الأثنين ؟ وشكرا
عرض للطباعة
سؤال لأصحاب لانوس 2 :
ياترى امبير الحرارة اليومين دول بيوصل لحد فين ؟ يعنى بيوصل للشرطة ال هى فى النصف ولا ال قبلها ولا بين الأثنين ؟ وشكرا
امبير الحرارة قبل النصف صيف وشتا
يعنى قبل النصف بكتير ؟ اصل انا بعد ما غسلت الردياتير فى البنزينه لا حظت ان امبير الحرارة عندى قبل النصف بحاجة بسيطة جدا يكاد يكون على النصف فعاوز اعرف ده طبيعى ولا ايه
هو كان فين اصلا؟؟
MMamdouh
انا بحس ان الامبير دة اشتغالة , صيف شتا العربية واقفة ماشية التكييف شغال مش شغال هو واقف على النص لا بيطلع ولا بينزل
هو غالبا حافظ مش فاهم :)
يا عم كويس انه حافظ مش فاهم :D... مش ارحم من العربيات اللى بتولع فى الصيف و مبتسخنش فى الشتاء؟
MMamdouh
مالمشكلة انة يتعود على كدة ويطلع غبى لو سخنت وميرضاش يطلع :):)
والله يامحمد اخينا دة مش بارتاح لة بحس انة بيستعبط , ماهو مش معقول كل العوامل اللى بتساعد على سخونة العربية وتبريدها مش مئاثرا معاة دة حتى لو المية ناثصة والتكييف والصيف مالوش دعوة هو هما حطولو علامة على النص وقالولة اقف هنا :) ..الواحد يعمل معاة اية دة !!!:)
يمكن تكون حساسيتة مش عالية عشان يبين الفروق الصغيرة... يعنى مثلا فى عربية والدى ال99 لما تمشى 90 على الخامس فى الطوالى الؤشر بينزر سنة عن مكانة الطبيعى و اول ما تخش فى الزحام و القرق يرجع يقف مكانة
فى عربيتى المؤشر فعلا حافظ مش فاهم.... تحرق على الاخر زى 90 على الخامس... هو مكانة مبيتحركش
بس حصلت مع واحد صاحبى كان الميه اتسربت نتيجة شرخ فى القربة و العربية سخنت و المؤشر عدى النص و كمل لحد الثلاث ارباع... يتهيائى المؤشر بتاعنا قليط.. مبيتحركش الا لو فيه حاجة مهمة... غير كدة بينفض D:
MMamdouh
التفاهات دى مبتفرقش معاة الراجل اكبر من كدة بكتييير :)
بس تفتكر الفرق بين الشتا الصبح بدرى على طريق سريع والصيف الظهر فى اشارة مع التكييف فروق بسيطة !!! :):)
هو تقريبا مش بيتحرك غبر لما تحصل مصيبة فى العربية بيصعب علية الراجل الغلبان اللى هيلبس فى التصليح دة فا بيهز رجلة شوية علشان يقولة خلى بالك ياحاج العربية سخنت :):)
طبعاً أنا مش خبير ولا حاجة بس هقول على موقفين حصلوا معايه المؤشر طلع فيهم بعد النص، ودا اداني مؤشر أن العربية فيها مشكلة.
أول مرة كانت القربة قبل ما اغيرها مخرومة وبتسرب ميه وكنت مشغل التكييف لاقيت التكييف بيطلع هوا سخن بصيت على المؤشر لقيته معدي النص ومكمل فتحت الكبوت لقيت القربة فاضيه تماماً. طبعا اتغيرت القربة والدنيا بقت كويسه.
ثاني مرة المؤشر رفع فيها لبعد النص كانوا في اليومين الحر اللي فاتو برده كنت مشغل التكييف وفجأة لقيته رفع لبعض النص، فتحت الكبوت اكتشفت ان المروحة الكبيرة مش شغاله، وكانت بسبب الفيوز، اتغير الفيوز والدينا بقت كويسه. ورجع المؤشر لقواعده سالماً.
يا جماعة انا كان عندى المرواح مش شغالة خالص وبرضه كان بين شرطة النص والى قبلها ولما فتحت الكبوت لاقيت المية بتغلى في القربة وصاحبنا برضه في مكانه
انا بصراحة مش فاكر انى شوفتة فوق النص قبل كدة ولا تحت النص حتى ساعات كدة فى اوقات طيش بينزل شرطة ولا حاجة بس بيلحق نفسة ويطلع تانى قبل ماحد ياخد بالة :)
انا لاحظت الموضوع دة في عربيات كتير واظنة طبعا حسب تصميمها
يعني مثلا عربيات مهما تجري او تقف بيها في زحمة الموشر واقف مكانة زي النوبيرا 2001
والعكس مع الموديلات الي بعد كدة الزحمة تلاقي الموشر واقف في النص او في عز الحر لاكن اما بتجري بيها علي طريق سريع الموشر بينزل تحت خالص كان العربية هاتطفي منك
المراوح كانت عندى مش شغالة بسبب الفيوز واقربة المية طلعت كل المياة الى جواها والكابتن لسة فى النص فى مكانة
للأسف حكاية المؤشر دي خطر جداً وحصلت معايا
الرادياتير كان مخروم ومفيش ولا نقطة مياه والمؤشر إبن الك.... ما ارتفعش عن النص
والعربية ( لانوس 99 ) جابت وش سليندر
وأنصح كل الإخوة يشيكوا بنفسهم على كل حاجة وما يعتمدوش بشكل رئيسي على المؤشر
المؤشر بعد ما تمشي ب 10 دقائق تقريبا بيبقى قبل النص بحاجه بسيطه
ولو سخنت العربيه لفتره أكبر من دقيقتين برده بيوصل لنفس المستوى
عموما المكن الألماني بيسخن بسرعه ومش محتاج تسخين
اللانوس محترمه ماتقلقش عليا، دلعها انت بس وماتخليهاش محتاجه حاجه وهى هاتعمل معاك الواجب