السلام عليكم
مشكله بجد مخليانى مليش نفس اسوق انا مش عارفه اجيب الغيار الثالث ويظبط معايا
كل ما اجيبه العربيه تزق منى او زى ماتكون فرملت مش عارفه اوصف ازاى
واول ما بتعمل كده برجع على الغيار التانى بسرعه وافضل بقى ماشيه على 40 وعلى البحر كمان وخدوا عندكم بقى كلاكسات
ياريت تفيدووووووونى فين الغلطه
الى بيحصل مع حضرتك الغيار الاول هوا الى بيجى بدل التالت
الحل بئا حاولى تدربى نفسك والعربية واقفة تجيبى اول وتانى وتالت بسرعة لحد لما توصلى لمرحلة انك تجيبى الغيار من غير متبصى على الفتيس ومن غير تفكير
و عليكم السلام و رحمة الله و بركاته
هو فعلا كده الغيار الأول هو اللي بيعشق
أفضل حل إننا ننقل الغيار علي مرحلتين و بسلاسه يعني من التاني نجيب الفتيس علي المور (الوضع المحايد) و بعدين ندي الثالث (خط مستقيم في الوسط) و إن شاء الله الموشوع ده مش هايطول
بصي حضرتك من التاني هاتي الفتيس على قدام من غير ليمين ولا شمال
هو هيعشق تالت على طول بس افتكري متجبهوش يمين ولا شمال زوئيه على قدام بس
انا بجيب الغيار الاول على فكره بكل سهوله ومعتقدش انى بغلط واجيب الاول لان لو كده كنت زقت معايا على الاول برضه لكن بتبقى ماشيه كويسه ولا ايه يا جماعه ولا انا مش فاهمه حاجه للدرجه دى والله ماعارفه
وعلى فكره حاولت برضه امور واجيب الثالث بحس انه زرجن معايا ومش سلس
وميرسى على المداخلات المفيده دى
جربي كده الي انا قولتلك عليها دي و شوفي كده !!
مزرجن يبقي حضرتك بتدي الاول مش التالت وبالتالي العربيه اخدت غيار عكسي فهتلاقي سرعتها قلت مع فرمله بسيطه مره واحده
فالحل زي مقال الاخوه بعد التاني هاتي الفتيس علي المور وبعد كده لقدام في خط مستقيم
عملت معاكي نفس الحركه يبقي فيه مشكله في الفتيس وشوفي اي ميكانيكي
ممكن تكون خشونة فى الفتيس .. روحي للتوكيل يظبطوهالك لو العربيه لسه جديده
لما حضرتك تجيبي التالت مترفعيش رجلك من علي الدبرياش مره واحده
ارفعيها براحه ولو حسيتي ان العربيه حتبتدي تزرجن حاولي ترجعي للتاني وتديها التالت مره تانيه بشكل صحيح
ووممكن تعملي كل ده علي سرعات واطيه مش لازم عاليه
يعني الاول 20 لتاني 30 التالت 35 او 40
او اقل لحد ما تتعودي علي الحاره بتاعته
ولو التالت فشل يبقي اقرصي علي التاني لحد 50 وهاتي الرابع
اولا العربية نوعها ايه !! ثانيا المشكلة 80% زي من الرجالة قالو بيتدي الاول بدل الثالت او بترفعي رجلك من على الدبرياج بسرعة
معلش بس التالت لما يتاخد علي 40 وترفع رجلك مره واحد من علي الدبرياج عادي جدا
انا اصلا تالت ورابع وخامس برفع رجلي علطول التاني علي مرتين الاول بس هوا واحده واحده
خللي اي حد بيعرف يسوق كويس يشوف ده عيب عربيه و لا عيب سواقه
اقتباس:
المشاركة الأصلية كتبت بواسطة ahmdmagdy