مش عارفه اجيب الغيار الثالث لغايه دلوقتى ممكن الافاده

**misha_misha** · 08-01-2012 04:32 PM

السلام عليكم

مشكله بجد مخليانى مليش نفس اسوق انا مش عارفه اجيب الغيار الثالث ويظبط معايا

كل ما اجيبه العربيه تزق منى او زى ماتكون فرملت مش عارفه اوصف ازاى

واول ما بتعمل كده برجع على الغيار التانى بسرعه وافضل بقى ماشيه على 40 وعلى البحر كمان وخدوا عندكم بقى كلاكسات

ياريت تفيدووووووونى فين الغلطه

**msa142** · 08-01-2012 05:48 PM

الى بيحصل مع حضرتك الغيار الاول هوا الى بيجى بدل التالت
الحل بئا حاولى تدربى نفسك والعربية واقفة تجيبى اول وتانى وتالت بسرعة لحد لما توصلى لمرحلة انك تجيبى الغيار من غير متبصى على الفتيس ومن غير تفكير

**HOSSAM99** · 08-01-2012 06:16 PM

و عليكم السلام و رحمة الله و بركاته
هو فعلا كده الغيار الأول هو اللي بيعشق
أفضل حل إننا ننقل الغيار علي مرحلتين و بسلاسه يعني من التاني نجيب الفتيس علي المور (الوضع المحايد) و بعدين ندي الثالث (خط مستقيم في الوسط) و إن شاء الله الموشوع ده مش هايطول

**tifalol** · 08-01-2012 08:46 PM

بصي حضرتك من التاني هاتي الفتيس على قدام من غير ليمين ولا شمال
هو هيعشق تالت على طول بس افتكري متجبهوش يمين ولا شمال زوئيه على قدام بس

**misha_misha** · 08-01-2012 10:58 PM

انا بجيب الغيار الاول على فكره بكل سهوله ومعتقدش انى بغلط واجيب الاول لان لو كده كنت زقت معايا على الاول برضه لكن بتبقى ماشيه كويسه ولا ايه يا جماعه ولا انا مش فاهمه حاجه للدرجه دى والله ماعارفه

وعلى فكره حاولت برضه امور واجيب الثالث بحس انه زرجن معايا ومش سلس

وميرسى على المداخلات المفيده دى

**tifalol** · 08-01-2012 11:15 PM

جربي كده الي انا قولتلك عليها دي و شوفي كده !!

**moh19227** · 09-01-2012 02:42 AM

مزرجن يبقي حضرتك بتدي الاول مش التالت وبالتالي العربيه اخدت غيار عكسي فهتلاقي سرعتها قلت مع فرمله بسيطه مره واحده
فالحل زي مقال الاخوه بعد التاني هاتي الفتيس علي المور وبعد كده لقدام في خط مستقيم
عملت معاكي نفس الحركه يبقي فيه مشكله في الفتيس وشوفي اي ميكانيكي

**Haitham10** · 09-01-2012 02:43 AM

ممكن تكون خشونة فى الفتيس .. روحي للتوكيل يظبطوهالك لو العربيه لسه جديده

**SHNORY** · 09-01-2012 03:23 AM

لما حضرتك تجيبي التالت مترفعيش رجلك من علي الدبرياش مره واحده
ارفعيها براحه ولو حسيتي ان العربيه حتبتدي تزرجن حاولي ترجعي للتاني وتديها التالت مره تانيه بشكل صحيح
ووممكن تعملي كل ده علي سرعات واطيه مش لازم عاليه
يعني الاول 20 لتاني 30 التالت 35 او 40
او اقل لحد ما تتعودي علي الحاره بتاعته
ولو التالت فشل يبقي اقرصي علي التاني لحد 50 وهاتي الرابع

-

الموضوع: مش عارفه اجيب الغيار الثالث لغايه دلوقتى ممكن الافاده

LinkBack

أدوات الموضوع

عرض

-

-

-

-

-

-

-

المواضيع المتشابهه

صوت كركره على الغيار الثالث

سؤال ممكن انزل على 25 كيلو من 60 كيلو وانا على الغيار الثالث

خايفه انام مش عارفه ممكن يحصل

يا ريت الناس اللى عارفه فى الاطارات عاوز اجيب اطارات 14

مشكلة بعد الحرق على الغيار الثالث

الكلمات الدلالية لهذا الموضوع

المفضلات

المفضلات

ضوابط المشاركة