الموضوع: اجابه السؤال اللى ملوش اجابه "استخدم زيت ايه للموتور؟"

المشاركة الأصلية كتبت بواسطة momo_h

شكرا على الموضوع الرائع ده بس انا عايز اعرف حاجة طبقا للكلام ده ايه هو احسن زيت في اللزوجة بصفة عامة بغض النظر عن نوع العربية او كتالوجها بيقول ايه؟
في الانواع المكتوبة هيبقى Helix Ultra Racing: (SAE 10W-60) (API SN/CF)
صح كده ولا ايه ؟

Helix Ultra racing هو من اعلى الزيوت جوده فى مصر لانه API SN وهو من اعلى الزيوت لزوجه SAE 10W-60 وده رينج لزوجه عالى اوى ممكن يكون مش متوافق مع موتور حضرتك ولو متوافق مع متطلبات موتورك يببقى فعلا الزيت ده من اقوى الزيوت فى مصر
يعنى اقصد ممكن يكون زيت قوى جدا لمواتير بس ممكن يبقى سىء جدا لمواتير اخرى

معلش سؤال فيه ناس حطت ليكوي مولي ولاحظت زياده في سحب العربيه عن الاول معنى كده انهم حطوا زيت لزوجته اقل و ممكن الموتور يتأثر بعد شويه؟
وانهي زيت يحتفظ بدرجه لزوجته اكتر في الصباح الباكر شتاء 5w ولا 10w؟
وكنت حطيت موبيل 1 في صيانة ال20000 في التوكيل وبعدها العربيه اتكتفت ياترى السحب هايرجع تاني بعد ما امشي شويه بالزيت؟
وشكرا لحضرتك

المشاركة الأصلية كتبت بواسطة hany63

معلش سؤال فيه ناس حطت ليكوي مولي ولاحظت زياده في سحب العربيه عن الاول معنى كده انهم حطوا زيت لزوجته اقل و ممكن الموتور يتأثر بعد شويه؟
وانهي زيت يحتفظ بدرجه لزوجته اكتر في الصباح الباكر شتاء 5w ولا 10w؟
وكنت حطيت موبيل 1 في صيانة ال20000 في التوكيل وبعدها العربيه اتكتفت ياترى السحب هايرجع تاني بعد ما امشي شويه بالزيت؟
وشكرا لحضرتك

اولا زيوت ليكوىمولى من الزيوت اللى الناس بتشكر فيها ومعظم اللى بيستخدمه بيستخدم 5w40 وممكن فعلا يحس بفرق بسيط فى السحب لو كان بيستخدم مثلا 20w50 ده بلاضافه ان زيوت ليكوى مولى مشهودلها بلتكنولوجيا الالمانيه العاليه فى اضافات الزيت
بلنسبه لسؤال حضرتك التانى المفروض ان 5w يحتفظ بلزوجته اكتر فى درجات الحراره المنخفضه بس ده طبعا مش هتحس بيه غير فى المناطق القطبيه لان الفروق بينهم مش هتبان غير عند درجات حراره اقل من -18
بلنسبه لزيت موبيل مش هقدر اعرف العربيه اتكتفت ليه من غير ما اعرف الزيت القديم والجديد بس عموما العربيه هتفك انشاء الله شويه مع الاستخدام
تقبل تحياتى

بجد الله ينور عليك
بس انا ليا عندك ياريت تفيدني لأن اخوك جديد في المواضيع ده
انا لسه مستلم برسونا 2012 من اسبوع ومشيت بيها حوالي 600 كيلو وقول كمان اسبوع هاعمل صيانة الألف فتنصحني [انه زيت مع العلم ان حركتي بالعربية مش كتير يعني متهيألي زيت 5000 هيكون مناسب بس انا عايز رأي حضرتك احط انه زيت واشتريه منين وثمنه كام وهل يا تري في التوكيل ممكن اجيب الزيت معايا ولا لأ مع العلم ان في التوكيل بيحطوا زيت توتال 5000 معدني ياريت تفيدني ولك جزيل الشكر

المشاركة الأصلية كتبت بواسطة hesham1978mmmm

بجد الله ينور عليك
بس انا ليا عندك ياريت تفيدني لأن اخوك جديد في المواضيع ده
انا لسه مستلم برسونا 2012 من اسبوع ومشيت بيها حوالي 600 كيلو وقول كمان اسبوع هاعمل صيانة الألف فتنصحني [انه زيت مع العلم ان حركتي بالعربية مش كتير يعني متهيألي زيت 5000 هيكون مناسب بس انا عايز رأي حضرتك احط انه زيت واشتريه منين وثمنه كام وهل يا تري في التوكيل ممكن اجيب الزيت معايا ولا لأ مع العلم ان في التوكيل بيحطوا زيت توتال 5000 معدني ياريت تفيدني ولك جزيل الشكر

بص يا باشا بلنسبه لصيانه الالف يفضل الزيت المعدنى فى اول 5000 كيلو وده لان حجم جزيئاته اكبر وده يفضل فى مرحله تليين الموتور وبعد اول 5000 كيلو حط الزيوت التخليقيه لانها احسن للموتور من حيث التشحيم وبلتالى الاداء (وده بغض النظر عن حركتك بلعربيه كتير ولا قليل وده طبعا راى شخصى)
بلنسبه للزيت اللى ممكن تستخدمه بعد كده فى رايي الشخصى :
....l ultra 5W-40 SN, Liqui MolyLeichtlauf High Tech 5W-40 SN, Total Quartz 5W-40 SM
التوكيل بيستخدم توتال واعتقد انه بيخنق شويه لو عايز تستخم زيت تانى عشان لا قدر الله لو حصل حاجه للموتور ما يبقاش ليهم حجه انه يخرج الموتور من الضمان
تقبل تحياتى

المشاركة الأصلية كتبت بواسطة tutankhamoun

الأستاذ يوروبين .......... موضوع جميل و شرح سلس و سهل بسيط .... تسلم أيدك .

عايز أقول ملحوظة
يا حماعة الشتاء اللي عندنا ده مش شتاء بالنسبة للعربيات
الشتاء ده اللي هو بتاع أوروبا اللي درجات الحراراة فيه بتوصل للتجمد
أنا عندي الجين 2 بتسخن في 30 ثانية بعد التحرك و بتوصل للدرجة الطبيعية و بتبثت عليها
يعني الشتاء اللي عندنا ده ......... بالنسبة لموضوع موتور العربية ......... لعب عيال و لا يأثر في حاجة .

الف شكر على الكلام الجميل ده
بلنسبه لموضوع الشتاء عندنا انت طبعا عندك حق وده اللى انا قولته فى المشاركه رقم 15