انا عربيتي كريستاله ياجماعه وكانت كل مشكلتي ان السخان "shock" بتاعها بايظ فقولت علشان ماحدش يلعب فيها اروح التوكيل "المصرية" فروحت وياريتني ما روحت .. قالولي نعمل كشف عام علي العربيه هيتكلف 170 جنيه قولت اوك مش هتفرق كشفوا وطلعولي لسته محترمة كده حسبة 4000 جنيه من ضمنها استعدال القنطره وقواعد موتور فطبعا اخترت بعض الحاجات مش كل حاجه .. المهم العربيه دخلت الساعة 9.30 الصبح وخرجتلي الساعة 3.45 لما بقيت هشد في شعري وبعدين قالولي ان مجموعة السخان تعبانه احنا عملناها وبقت تمام تدور يبقي الrpm 1.5 وتسخن ينزل بس لو حصل معاك مشاكل فيه تاني الاحسن انك تغيرو .. قلت ماشي المهم اني بعد ما العربيه خرجت جيت ادورها لقيت صوت تريلا مش عربيه دخلتها تاني طبعا وقلتلهم العربيه ما كانش ليها صوت خالص انتو عملتو فيها ايه ؟!! قالولي هنعمل فيها ايه يافندم احنا استعدلنا القنطره بس القواعد عندك باييظه خالص وهي اللي عامله الصوت ده طبعا القواعد عندهم غاليه اوي فقولت هجيبها من بره بس طبعا بقيت خارج وانا مضايق جدا .. روحت اشتريت القواعد وركبتها لقيت صوت العربيه زي ما هو ويمكن زاد كمان الميكانيكي قالي انها القنطره نفسها اللي باظت روحت جبتها تايواني للاسف وركبتها العربيه اتعدلت خالص .. ولقيتهم منهم لله لعبو في الشكل الهندسي بتاع القنطرة نفسه وبوظوها خالص والمفاجاه الاكبراني تاني يوم الصبح جاي بادور العربيه ما لقيتش السخان شغال خالص !!!!!!! المشكله اني كنت عندي ظروف وماقدرتش ارجعلهم تاني بس اكتفيت بحسبي الله ونعم الوكيل وطبعا اخدوا مني فلوس بدون مايعملوا اي حاجه بل انهم بوظوها زي ماشرحت .. وحسبي الله ونعم الوكيل فخلوا بالكم ياجماعة .. اسف علي الاطاله بس انا قلت احكيلكم قصتي بدل ماحد يقع فيها