الموضوع: مشكله في القربه وحلها وتجربه الشد مع الفيرنا

ازيكو يا شباب يا رب تكونو بخير
انا كان عندي مشكله في دوره الميه ان بعد ما بمشي بالعربيه بفتره وتسخن القربه بتبخر الي جواها خدت هوا العربيه كذا مره وبردو مفيش فايده نفس الموضوع روحت للميكانيكي بص كدا علي الكوعه وقالي الماسوره دي لازم تتغير (الماسوره الي داخل فيها الخرطوم الي جاي من القربه الي بيرجعلها الميه تاني ) دي كانت بلاستيك قالي روح المخرطه واعمل واحده وقد كان روحت وعملت ورجعتلو ركب الماسوره وبص لقي ان الترموستات عندي مش موجوده في الكوعه قالي مينفعش لازم تجيب ترموستات قولتلو انا من ساعت ما جبتها وهي ماشيه كدا ومفيش منها مشاكل
المهم ركب الكوعه بالماسوره وطلعت اجرب مفيش فايده فارت تاني وتالت
رجعت تاني ليه ضغط علي الخرطوم الي جاي من الريداتير وحط ويدنو عند القربه وقالي الغطا دا بايظ ,اسمع كدا وفعلا بيطلع صوت مع الضغط جبت غطا وركبتو وجربت والحمد لله طلع هو الغطا
طلعت اجري علي السريع شويه واحرق وكدا عشان العربيه لو فيها حاجه تبان
بالصدفه كان في واحد بفيرنا بيجري وانا جمبي عربيه وهو ورايا ومستني يعدي سقطت وجريت معاه معرفش يعديني وكنت ببعد عنو بس ببطء وصلنا لحد 170 وانا هديت ورجعت
وبصيت علي الميه كلو تمام زي ما هي والحمد لله واسف علي الاطاله.

المشاركة الأصلية كتبت بواسطة opelawy

ترموستات الكوعة حاجة و صباع الترموستات حاجة تانية !!

ترموستات الكوعة وظيفته يسخن العربية في الشتاء
صباع الترموستات لتشغيل المرواح لما الحرارة تزيد - المشكلة كانت عندي زي عندك القربة بتفور - غيرت غطا 3-4 مرات و بردو بتفور
طلع صباع الحرارة بيقرا حراراة غلط ف المراوح مش بتقوم غيرتو الدنيا ظبطت

لا انا عندي المراوح بتشتغل عادي في وقتها مفيهاش مشكله