قدامى فرصه انى اطلع عمره بس انا حاسس انى غير اهل للعمره

**AutoTycoon** · 10-01-2012 12:34 PM

لازم ان شاء الله تروح ... متفوتش الفرصة

**د.أحمد السعيد** · 10-01-2012 01:29 PM

توكل على الله يا استاذ احمد و متضيعش الفرصة

و ردا على كلامك انك مش حاسس انك اهل لها ...... امال العمرة لمين بس ..... ربنا يتوب علينا أجمعين

اعذرنى فى المثال اللى هقول لك عليه

( يعنى لو واحد عنده عربيه قديمة شويه و فيها بارومه و الصدأ بدأ ياكل فيها .... و معروض عليه فرصة سمكرة كامله و عَمرة للموتور ........... يقول العربيه مش اهل للسمكرة و العمرة ..... يعنى العربية الزيرو مثلا هى اللى اهل للموضوع دا ..................... و لا الواحد يسيب العربية لغاية اما تخرب خالص و بعدين مينفعش فيها شغل اصلا .......... او لا قدر الله العربيه تعمل حادثة و تضيع منك !!!

دى فرصة عظيمة لمغفرة الذنوب و الالتزام بشرع الله و تظبيط الحياه
و ربنا يرزقنا جميعا زيارة بيته الحرام و يتوب علينا لنتوب

**A_H_M_A_D** · 10-01-2012 01:41 PM

المشاركة الأصلية كتبت بواسطة د.أحمد السعيد

اعذرنى فى المثال اللى هقول لك عليه

( يعنى لو واحد عنده عربيه قديمة شويه و فيها بارومه و الصدأ بدأ ياكل فيها .... و معروض عليه فرصة سمكرة كامله و عَمرة للموتور ........... يقول العربيه مش اهل للسمكرة و العمرة ..... يعنى العربية الزيرو مثلا هى اللى اهل للموضوع دا ..................... و لا الواحد يسيب العربية لغاية اما تخرب خالص و بعدين مينفعش فيها شغل اصلا .......... او لا قدر الله العربيه تعمل حادثة و تضيع منك !!!

حلو المثال ده يا دكتور , ولايق على المنتدى كمان

أنا فعلا من زمان وأنا بحس إن العُمرة هي عَمرة بس للقلب مش للموتور , لأن الواحد بيرجع على الزيرو تاني

**مواطن مصرى** · 10-01-2012 01:46 PM

المشاركة الأصلية كتبت بواسطة mahgary

ربنا يدعوك لزيارته وانت متردد اتكل على الله واذهب

اجمل كلمه اتقالت ...

**ALSHARIEF** · 10-01-2012 02:50 PM

ياباشا أنا مش هاقولك أكتر من ما قيل و لكن هاقولك حاجة ماتقالتش قبل كده فى تاريخ البشرية غير مرتين بس

أعمل الصح ,,,,,,,,,,,,,,, أعمل الصح

**احمد المصرى** · 10-01-2012 03:35 PM

الله يا شباب انا مش عارف اقول ايه بعد كلامكم دا بصراحه وان ان شاء الله رايح رايح ان شاء الله وفعلا دى فرصه مش هتتكرر

وفعلا انتم نعم الاخوه بارك الله فيكم جميعا

**aif** · 10-01-2012 08:10 PM

عَنْ أَبِي وَاقِدٍ اللَّيْثِيِّ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ بَيْنَمَا هُوَ جَالِسٌ فِي الْمَسْجِدِ وَالنَّاسُ مَعَهُ إِذْ أَقْبَلَ ثَلَاثَةُ نَفَرٍ فَأَقْبَلَ اثْنَانِ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ وَذَهَبَ وَاحِدٌ قَالَ فَوَقَفَا عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَأَمَّا أَحَدُهُمَا فَرَأَى فُرْجَةً فِي الْحَلْقَةِ فَجَلَسَ فِيهَا وَأَمَّا الْآخَرُ فَجَلَسَ خَلْفَهُمْ وَأَمَّا الثَّالِثُ فَأَدْبَرَ ذَاهِبًا فَلَمَّا فَرَغَ رَسُولُ اللَّهِ صَلَّى اللَّهُ عَلَيْهِ وَسَلَّمَ قَالَ: "أَلَا أُخْبِرُكُمْ عَنْ النَّفَرِ الثَّلَاثَةِ أَمَّا أَحَدُهُمْ فَأَوَى إِلَى اللَّهِ فَآوَاهُ اللَّهُ وَأَمَّا الْآخَرُ فَاسْتَحْيَا فَاسْتَحْيَا اللَّهُ مِنْهُ وَأَمَّا الْآخَرُ فَأَعْرَضَ فَأَعْرَضَ اللَّهُ عَنْهُ". أخرجه البخارى (1/36 ، رقم 66)
خليك زي الاول ....آوي الى الله فيؤيك
...
شوف الثالث لما اعرض عن الله ..... اعرض الله عنه
....
.... لا تسمع كلام الشيطان الذي يكره ان يراك على طاعة
وكمان خلي بالك ان من اعظم الذنوب ان تظن ان الله لن يغفر لك
روح وتوكل على الله واحسن الظن بالله ...... واغسل نفسك من كل ذنوبك .... روح ....مش يمكن دي تكون نقطة تحول في حياتك للأبد ......
ولا تنسانا في صالح الدعاء