جنوط للسوزوكي ألتو

**zalpany2000** · 27-05-2008 01:28 AM

السلام عليكم
اخواني الكرام
نصحني احد اصدقائي بأني اغير للسيارة الجنوط و اجيب جنوط و كاوتش اعرض علشان تبقي العربية موزونة اكتر و أفضل في الثبات
السؤال هو هل عفشة السيارة تستحمل الكلام ده و ايه هي انواع الجنوط اللي ممكن تركب فيها و عرض الكاوتش اللي ما يأثروش علي العربية تأثير سلبي
و بالمرة لو حد من حضراتكم عنده معلومة عن الاسعار يا ريت تقولولنا خصوصا اني ناوي ان شاء الله علي العربية دي و لو بعت العجل اللي فيها و هو زيرو هايفرق كام في سعر الجديد
تحياتي و محبتي

**zalpany2000** · 30-05-2008 12:23 AM

>>>>>>>>>>up

**NaderNabil** · 30-05-2008 12:45 AM

هو المقاس الأصلي بتاع الألتو كام؟
عشان انا فاكر انه 155 علي 12r باين!!

أفضل مقاس جنوط و كاوتش تركبه هيبقي 13 165\60

ده مقاس مش كبير قوي فا مش هايضر العفشة بس في نفس الوقت هيزود الثبات و يحسن شكل العربية الي حد كبير....الجنط و الكاوتش هايعملوا حوالي 2000 جنيه للأنواع النضيفة

القديم ممكن تبدله عند الراجل اللي هاتشتري منه بس معرفش ايه الأسعار

**zalpany2000** · 30-05-2008 07:44 PM

الف الف شكر يا نادر باشا

طيب ايه افضل الانواع اللي ممكن أجيبها ؟؟

انا مش عارف المقاس كام بالظبط
و منين ؟

تحياتي

**abooseif** · 01-07-2008 04:09 PM

والله انا محتار جدا ، عاجبانى اوى الالتو وان كان على الفرق 6000 جم مش غرقة بس المشكلة ان سعر السوق النهاردة الفرق 9000 جم ولو جبتها قسط هتفرق حوالى 13000جم عن الماروتى والفرق بين الاثنين غير معنوى ، يعنى الاثنين 3سلندر و800سى سى يبقى شوية البومبيهات دول يساوى 13000جم ,,,,,,,,, حد يفهمنى مع العلم انى هاجيبها للمدام يعنى مشاوير كلها صغيرة ،،،،،،، مع الشكر لكل من سيرد علينا .

**نور العمر** · 05-07-2008 02:03 PM

لا في فرق كبير في الباور هورس ( الحصان ) الماروتي 37 حصان ، والألتو 800 47 حصان والتكييف فيها على موتور صغير له وحده ، مع الشكل الشيك تستاهل ، فرق 10 حصان مش قليلة . . توكل على الله وهاتها.

**نور العمر** · 05-07-2008 02:53 PM

إيه أهمية الجنوط ويفرق إيه عن الموجود في السيارة أصلاً. . . وشكراً

**zalpany2000** · 05-07-2008 05:16 PM

والله هو اللي نصحني بالموضوع ده واحد صديقي قالي لو جيبت جنوط و كاوتش اعرض ده هيفرق في ثبات العربية واتزانها كتيير ، كمان شكله بيبقي ظريف في العربية و بيديها روح يعني، هي المشكلة بس ان الخوف يبقي الكاوتش العريض و الجنط لو تقيل يأثر علي العربية ويحك العجل في العربية عند الملفات والمطبات..علشان كده أنا سألت عن المقاس والنوع

تحياتي