لا ياباشا ده يعتبر مركز صيانة لعربيات الوكيل
انما الضمان الخليجى اللى انت بتشتريه بيكون ليه مراكز صيانة على حسب تعاقداتهم معاها
واكيد مش من ضمنها التوكيل
عرض للطباعة
مركز السبع من المراكز التابعه للتوكيل eit ,يعنى توكيل توكيل و مش خليجى .
و لكن كل فروع التوكيل بتقبل صيانة الخليجى .
بالنسبه ليك انت خليجى و مشترى ضمان ,يبقى لازم تعمل صيانتك تبعهم عشان متخرجش برا الضمان .
انا كنت زيك بالظبط و نفس السيناريو .و دلوقتى بصين عربيتى الصيانات الكبيره فى التوكيل و مبقتش اروح لمراكز صيانة الخليجى زى ما انت بتعمل دلوقتى .لانى لى معاهم تجارب اسوا ما يمكن تخيله .و مش عارف ازاى لسه بتعمل صيانتك هناك و مطمن عادى كده .
بص حضرتك للامان فقط روح عند اى ميكانيكى و خليه يفك التيل قدام وورا و رشه اى لون على مزاجك (يعنى تعلمه علامه معينه انت عارفها )عشان انا اتقلبت فى البوجيهات و التيل و كذا حاجه كذا مره .
خد بالك و الحرص واجب .انا بنصحك نصيحه شخصيه لتجربه حصلت معايا و ممكن تحصل معاك و ممكن لا .عاوز تاخد النصيحه خدها و مش عاوز براحتك جدا بس متروحش تعمل مشكله و تقولهم اصل فلان قالى او كده .لا ............. لما تحط عينك فى وسط راسك و تتابع عربيتك بعينك مش بالكاميرا و تتاكد من كلامى و يقلبوك .ابقى ساعتها تعمل مشكله .(علم بوجيهاتك و تيلك و اى حاجه ممكن تتبدل ,و علم دراع النور بتاعك كمان )عشان فى توكيلات بيشيلوا من هنا و بيحطوا هنا و بياخدو فلوس على الفاضى .
خلاصة الكلام عشان مطولش
عربيتك تحت عينك و اتعب شويه معاها عشان متندمش بعد كده ,الكاميرا محطوطه بزاويه لا تسمح برؤية التيل و هو بيتغير او البوجيهات و هى بتتغير او البوابه و هى بتتنضف .
من الاخر عينك مش هتكدب لكن الكاميرا هتكدب وش لانها محطوطه بزاويه مدروسه جدا .
و ربنا معاك
تسلموا علي الردود يا نمور كيا...
بس ممكن تقولي اكتر عن تجريتك يا moha4tec؟
انا فاكر انت كنت عامل موضوع عن الحكاية ديه تقريبا مع مركز كيا سرفيس المعادي صح؟
الجميل اني لسة عامل هناك صيانة العشرة الاف ...