الموضوع: حاجة قلقانى فى الشارك

حاجة قلقانى بقالها فترة وعاوز نصحيتكم انا لما بمشى مشوار طويل بحس بدفا عند الدواسات كده تحت يعنى مش سخونية بس دفا كده هلى ده طبيعى ولا فيه حاجة فى عزل العربية العربية شارك 2009

المشاركة الأصلية كتبت بواسطة ma7oo

حاجة قلقانى بقالها فترة وعاوز نصحيتكم انا لما بمشى مشوار طويل بحس بدفا عند الدواسات كده تحت يعنى مش سخونية بس دفا كده هلى ده طبيعى ولا فيه حاجة فى عزل العربية العربية شارك 2009

جرب كده تخلى الزرار بتاع سحب الهواء شغال على circulating, يعنى مش بيسحب هواء من بره العربية
انا مره حسيت ان فتحات التكييف بتطلع تيار هواء على سرعات عاليه ولما شغلت الزرار على circulating تيار الهواء اختفى

المشاركة الأصلية كتبت بواسطة eng_hatemfathy

فعلا ده حل الموضوع انك تشغل مفتاح هواء داخلى لان حتى لو المروحه مش شغاله الهواء الساخن بتاع الموتور بيدخل على هوايات العربيه وعلشان الحو برد بتحس بيه جامد لكن المشكله مش دلوقتى المشكله فى الصيف لان للاسف العربيه تكاد تكون بدون عزل خالص لا فى الكبوت ولا فى صدر الحوض والدنيا واقفه بس على اللباد والموكيت الداخلى -ده ان كان فى لباد من الاصل
للاسف قبل العربيه دى كنت متخيل ان اليابانى لا يعلى عليه لقيت مفيش فرق بينه وبين الكورى والماليزى بل والصينى والناس دى عايشه بنظام الصيت ولا الغنى ولو فى فروق فى العمر الافتراضى للمكونات فالفروق ليست بدرجة فرق السعر
يعنى الالمانى غالى بس تجيب قطعة الغيار وتنساها عشره خمستاشر سنه ولما قريت على المنتدى هنا الناس بتغير علبة الدركسيون والعفشه على كام كيلو وبتغير مساعدين على كام كيلو قلت فى عقلى ده اللادا كانت نعمه عدت ال86 الف ومغيرتش غير مساعد فى الاول عيب صناعه وجوز قبل ما ابيع علشان اتنوا فى حادثة وكانت حادثة موت بس ربنا ستير والعربيه اصيله
ربنا يعينا ويرزقنا ان نركب عربيه من صنع ايدينا بدل ما نلف على بلاد الله نجرب بضاعتهم ومعندناش بدائل وبنجيب الحاجه بضعف تمنها او اكتر

متقلقش يا احمد باشا السخونه دى طبيعى وكنت فاكر ان اصحاب الهاى لاين مش حاسين بيها زىى طلع الحال من بعده -طب اخبار عزل الصوت ايه لانى حاسس انى راكب عربيه سباق وصوت الكوتش على الاسفلت زى الطياره على الرن واى وطبعا مش هقولك على السحب حاسس انى كل لما اجى اسرع شويه لازم اعمل كيك طاوت لاخر الدواسه علشان الار بى ام يبدأ يعلى والاقيه مره واحده جاب 5000 وبدأت تجرى والبنزين اتشرب والمؤشر وقع لتحت
بصراحه زهقت من العربيه وهيا لسه جديده ومش عارف افرح بيها وده مخلينى وقفت اى تفكير فى التوضيب يا دوب الستائر والفرش الجلد وخلاص
والتوكيل فى صيانة الالف قالوا العربيه تمام
اكيد العربيه تمام والعيب فى صاحبها مش عارف يخليها تسمع الكلام وتمشى وتبطل طفاسه فى البنزين
انا خايف اروح افول لان المؤشر نزل عن النص وعملت 255 كيلو يعنى بالتأكيد مش هتعدى 190 كيلو/صفيحه يعنى ولا النيسان ال1600

انا مستغرب جدا لاستهلاك البنزين الى عندك, انا بالعكس العربيه موفرة معايا فى البنزين الحمد لله, دى بتستهلك بنزين اقل من السكودا القديمه بتاعتى ال 1300 لما كانت فى عزها وانا بحط بنزين 92 مش 95
بس خد بالك ساعت الحرق الموضوع مختلف تماما, استهلاك البنزين ممكن ينزل معاك لتحت ال 180ك فى الصفيحه مستريح, وده فى كل العربيات وخصوصا ال2 كامه بنظام البوبات الاكترونيه زى ال mivec وال vtec
احقاقا للحق العزل عموما فى العربيات اليابانى اقل من الاوروبى والامريكى وخصوصا فى فئة ال compact sedan, انا لما ركبت ال civic حسيت برضو ان العزل مش قد كدة كنت سامع صوت احتكاك الكاوتش مع الطريق, نقس القضة فى المازدا, الكورلا الجديده معرفش الصراحه بس 2007 ماكنش العزل كويس برضو, بس فى نفس الوقت العزل احسن من الكورى فى نفس الفئة تماما, جرب اركبهم وركز وحتحس بفرق ملحوظ
يمكن صوت الموتور اهدى فى الهاى لاين عشان ال engine cover وال silent grade up system,

بخصوص العفشة هيا durable قوى, انا مسمعتش عن شكوى جماعية ان فى مشكله فى علبه الدركسيون او المساعدين
واحد اعرفه كان عنده كريستاله اوتو, الموتور عمر معاه لحد 400000 والعفشة بيقلى ان اول مرة عمل شغل فى العفشة بعد 150000 بس طبعا كله متوقف بدرجه كبيرة على سواقتك للعربيه وبدليل انك ممكن تشوف عربية المانى عامله 50000 بس عفشتها زى الزفت وممكن تشوف كورى عامله نفس الرقم وعافشتها لسه كويسه
هو اكيد طبعا عفشه الالمانى افضل من عفشة اليابانى من ناحيه التحمل بس فى نفس الوقت اليابانى افضل بمراحل فى نعمية العفشة والراحه خصوصا للركاب اللى ورا, الالمانى عفشته خشنه جدا وبتدبدب بس قصاد كدة ثبات وعمر افضل

بص خلاصه الكلام يا حاتم بيه, انت مش راكب عربية احسن حاجه فى فئتها وفى عربيات احسن منها كتير بس الموضوع احسبه كباكدج, يعنى احسبها من كل النواحى هتلاقى ان العربية كويسه جدا كقيمه سعرية
ولو فعلا مش مبسوط منها بعها وصدقنى الخساره هتكون بسيطه جدا لان 2011 سعر البيزك 137000 ومافيهاش abs ولا ebd, اهم حاجه الراحه النفسية للعربيه حتى لو لو كان اللى مديقك قوى موضوع تافه زى الشكل الخارجى,
يعنى وازنها من كل النواحى زى السعر, stability, نعومه السواقة, الراحه, استهلاك البنزين, الوسع, الكماليات, الامان,الشكل الخارجى والداخلى....الخ
وادى weight لكل عنصر وشوف فى الاخر العربية اللى هتديك اجمالى اعلى

معلش طولت عليك بالرغى الهستيرى بتاعى بس ياريت اكون قدرت اوصلك الفكرة

بص ياياشا هو عزلها مش اوى بصراحه يعنى عزل المازدا والكورولا احسن بس انا بشغل الكاسيت ومش بعليه كمان ومبسمعش اى حاجة عيش حياتك اصل مفيش حاجة كاملة المكال لله وحده العربية ماشاء الله جميلة وصدقنى احسن من اى كورى ومعمرة وقطع غيارها معمرة فيع معانا هنا عضور بيعمل الصيانات الدورية بس وكان عامل 250000 الف كبلو او اكتر تقريبا وكل اليابانى كده صدقنى اللى راكبين كورى بيشتمه فيه منظر بس العربية اللى معاك دى ياباشا عيبها بس عزلها مش اوى وصوت موتورها عالى شوية بس انا بحبه بصراحه صوته جميل اى حاجة تانية فيها تمام ماشاء الله استهلاك البنزين ده غريب شوية بس انت ممكن عشان لسه جديدة وبص غير زيت ليكوى مولى او كاسترول ايدج وفتحتلها كده على طريق سريع طلعه حلوة العربية علفكرة مش بطه بتجرى وكل حاجة

بالنسبة للزرار بتاع الهوا من داخل العربية انا مشغله علطول ياجماعه انا بحس بدفا تحت رجلى فى الدواسة طيب حد بيحس كده ياجماعه ولا انا بس اللى شكلى كده ههههههه

المشاركة الأصلية كتبت بواسطة ma7oo

بالنسبة للزرار بتاع الهوا من داخل العربية انا مشغله علطول ياجماعه انا بحس بدفا تحت رجلى فى الدواسة طيب حد بيحس كده ياجماعه ولا انا بس اللى شكلى كده ههههههه

طيب جرب تخلى وضع الهوايات على اى حاجه غير وضع فتحات الرجلين وشوف كده