ممكن اقسط سيفيك 94:92 ؟؟؟

**emadafify** · 10-06-2009 05:09 PM

[OVERLINE]
معلهش ياجماعة انا لسة مستجد فى مجال السيارات وعايز اعرف ليه الهوندا سيفيك غالية كده بالمقارنة بأغلب السيارات اليابانى والأوروبى فمثلا اللانسر 99 فى حدود 50 ألف بينما السيفيك رغم أنها موديلات قديمة مثل 92 بتعمل أكتر من كده فماهو السبب؟

وماهى مميزات وعيوب السيفيك موديلات من 92 إلى 94 ؟

وهل هى أفضل من الانسر موديلات 99 و2000؟

وهل الأوتوماتيك فيها كويس أم له مشاكل؟

وجزاكم الله خيرا
[/OVERLINE]

**khaled_rafea** · 10-06-2009 10:16 PM

سلام عليكم استاذ عماد, هى فعلا الهندا اغلى شوية من العربيات اليابانى من نفس الموديل, بس هى فعلا افضلهم, بس هى مش بتعدى ال50 زى محضرتك كاتب إلا فى حالات نادرة (فابريكة بالكامل ومواصفات امريكية مثلا) لاكن فى الغالب بتعمل فى اوائل الاربيعينات, مقارنتها باللانسر 99 صعبة , هى فى الاخر ازواق وراحة نفسية, بس الهوندا لو سليمة وبحالة جيدة بتبقى عربية ممتازة فعلا(ثبات وقوة وشكل جميل وصالون واسع وجميع الكماليات وتحمل جيد لظروف الشارع المصرى) بالنسبة للأوتوماتك اعتقد ان اليابانى عموما كويس فى الاوتوماتيك بالنسبالى من خلال تجربتى مع عربيتى (93 اوتوماتيك ex ) الفتيس كويس جدا بس طبعا لو بتحب الشد والجرى يبقى مش حيعجبك لان السحب ابطأ من المانيوال وربنا يوفقك

**adham_medo** · 11-06-2009 09:22 AM

اسمع يا صحبي

انا كنت عايز من كام شهر اشتري عربية هوندا قسط . سألت ناس كتير وزرت معارض كتير وبنوك اكتر و ملقتش ولا واحد عايز يقسط مع العلم انني سوف ادفع 30 الف والباقي قسط علي 4 شهور يعني هدفع علي السريع وبردة ملقتش حد يقسطلي .

لغايت ما لقيت عربية هوندا سيفيك 93 اوتوماتيك للبيع اتصلت بصاحبها قال انه عايز في العربية 45 الف من الاخر عرضت علية فكرة القسط 30الف في الاول ثم 4 اللاف كل شهر علي اربع شهور وهزود 2000 ج علي ثمن العربية علشان هخذها قسط يعني العربية هخذها ب 57 ألف . قال المالك انا موا فق . والحمد لله انا معايا العربية الان .

الخلاصة : شوف واحد تاجر بيبيع عربيات واسأله علي موضوع القسط وأنصحك تسأل واحد علي القسط يكون عن طريق المعارف او الاقارب علشان يصقو فيك .

اي سؤال انا في الخدمة .

**adham_medo** · 11-06-2009 09:50 AM

المشاركة الأصلية كتبت بواسطة emadafify

[OVERLINE]
معلهش ياجماعة انا لسة مستجد فى مجال السيارات وعايز اعرف ليه الهوندا سيفيك غالية كده بالمقارنة بأغلب السيارات اليابانى والأوروبى فمثلا اللانسر 99 فى حدود 50 ألف بينما السيفيك رغم أنها موديلات قديمة مثل 92 بتعمل أكتر من كده فماهو السبب؟

وماهى مميزات وعيوب السيفيك موديلات من 92 إلى 94 ؟

وهل هى أفضل من الانسر موديلات 99 و2000؟

وهل الأوتوماتيك فيها كويس أم له مشاكل؟

وجزاكم الله خيرا
[/OVERLINE]

اسمع يا باشا

ولا يهمك الناس هنا في المنتدي متعونة جدااااا

انا لسة مشتري عربية هوندا سيفيك 93 اوتوماتيك من 3 اشهر فقط يعني مستجد مثلك . وكنت مش عارف اي حاجة في السيارات ولكن بمتابعت موضوعات المنتدي استفت كتير جدااااااااااااااااااااااا ااااااااااا

لماذا الهوندا سيفيك غالية ؟

اولا : الهوندا اغلي وافضل عربية في اليابان ويرجع ذلك لكفائة الماتور وطول عمرة ودرجة اتزان العربية علي الطريق .

ثانيا : بالبلدي العربية الهوندا لما بتديها بتديك كفائة وسرعة وراحة . ولما بتصلح فيها حاجة بتقعد فترة طويلة شهور وسنين لما تعطل مرة اخري .

ثالثا : مميزات الهوندا كتير جدا لا حصر لها ( يعني انت بتشتري عربية وبتريح بالك )

رابعا : وده الهم ان اعطلها قليلة جدا بالمقارنة بالسيارات الخري .

خامسا : الميكانيكة و عمال محطة البنزين والناس في الشارع هيعملوك كباشا غني

يعني انت لازم تكرمه بحاجة علشان هم عرفين ان العربية الهوندا مش اي حد بيركبها .

عيوب الهوندا :

اولا : قطع الغيار غالية شوية مثال : ( المرايات الجانبية للعربية اللادا ب 20 ج . و للهوندا 93 ب 190 ج كهرباء ياباني )

ثانيا : انخفاض العربية علي الارض وده بيجعل احتكاك العربية من تحت اكتر من العربيات الخري ( وانا شايف ان ده مش عيب في العربية ولكن العيب في الشوارع المصرية المكسرة ) يوجد حل لانخفاض العربية وهو تعلية المساعدين .

وهل هى أفضل من الانسر موديلات 99 و2000؟

صعب جدااا تقارن بين اللانسر 99 والسيفيك 93 ( نصيحة اسأل واحد عندة لانسر 99 علي كفائة اللانسر )

بصراحة انا لو معايا فلوس وبقارن بين اللانسر والسيفيك هشتري السيفيك بدون تفكير .

وهل الأوتوماتيك فيها كويس أم له مشاكل؟

الاوتوماتك ممتاز جدااااااااااا وبينقل الحركة بسرعة المهم تعرف تستخدمة كويس .

اي سؤال او استفسار انا في الخدمة ..

نصيحة لله اشتري عربية هوندا سيفيك .

محمد الشرقاوي القاهرة

**emadafify** · 11-06-2009 10:56 AM

ألف ألف شكر للأستاذ خالد والأستاذ محمد الشرقاوى على الرد الجميل والمساعدة القيمة
وجزاكم الله كل خير

**SAMEH_FOUAD** · 11-06-2009 01:07 PM

كلام الاستاذ ادهم مظبوط جدا صعب انك تقارن عربية بالهوندا وبعدين انت لو هاتقارن السيفيك باللانسر ماينفعش نهائى ,انا واحد صاحبى معاة لانسر كريستالة عربية جميلة وحلوة وناعمة وشبابية وواسعة بس تخيل بقى كل دة وعمرها ماتقدر تعدى السيفيك
وكمان انت لو معاك si والله تقدر تتحدى الانسر موديلا 2006/2007 والتويوتا, وهتلاقيها كسبت فى التحمل ,والاتزان ,والسرعة العربية بتوصل ل220 بسهولة وعلى فكرة الاتوماتيك بتاعها جامد جدا وبيعيش كتير جدا بدون مشاكل وسريع واستجابتة عالية جدا وفية نظام السحب المتواصل حاجة كدة شبية بالds بتاع اللانسر بس انعم واقوى
وياباشا احنا كلنا اخواتك ولو احتاجت حاجة احنا فى الخدمة

**SAMEH_FOUAD** · 12-06-2009 11:22 PM

شوف اقل حاجة فى صيانة السيفيك هية ex والel ودول بيبقوا 1500 سى سى كربراتير وبيبقى الاوبشن فيهم قليل بس اتوماتيك ومن غير ازاز كهرباء فى الel ومن غير فتحة سقف فى الاتنين,ودول ارخص صيانة فى السفيك يعنى حجم الكبالن صغير,سير كاتينة عادى جدا بنزين 90 شغال بس انصحك تمونها 92 ,لكن الsi حاجاتها اغلى من الex فى كل حاجة بس مقارنة بالانسر هتلاقى الحاجة سعرها واحد بالنسبة لل ex لكن الsi اكيد اغلى طبعا لان كل حاجة اختلفت