امبارح قلت اعدي اشوف ضغط الهوا في الكاوتش ...ودة لاني من ساعه ما جبت العربية ما فكرتش ابص علية خاااالص واعتمدت علي التوكيل في صيانة الالف...

المهم عديت علي واحد قريب مني..وقلتلة شوفلي الضغط كام واظبطة علي 30 ...(انا قلت المانيوال بيقول 32 ..والناس بتقول 28 ....يبقي اخليني في الوسط)...

المفاجأة انة وجد الضغط كلة مظبوط علي 45 .....ساعتها ما بقاتش عارف ...هو فعلا 45 ولا العداد بتاعه بايظ....الراجل حلفلي مليون يمين ان العداد سليم وان بيظبط فوق من 100 عربية في اليوم ما بين تاكسيات علي ملاكي علي مكروباصات..

وقالي غالبا الضغط زاد عن ما كانت مظبوطة في الشتا....وفعلا انا كنت حاسس ان العربية ناشفة شوية في المطبات...

المهم ...سالتة عن النتروجين....قالي موجود....قلتلة خلاص توكل علي الله ...وغير كل الفرد نتروجين....واما نشوف هايعمل اية..

المشكلة بقي انة عرف يرفع العربية من ورا ..وسحب الهوا من الفدر وملاها نتروجين...جة بقي قدام ...ولاننا كنا باليل ...ما عرفش يرفع العربية من قدام..وانا خفت يبوظ حاجة قلتلة ...خلاص فرغ الفردتين ايلي قدام علي الارض وامري لله...

الحساب 4 فرد والواحدة بـ 5 جنية ....والاستبن فوق البيعه ...يعني الـ 5 فرد بـ 20 جنية....

الوقتي انا حاسس ان العربية فعلا بقت انعم مع المطبات وخصوصا الحفر....
بس الوقتي ...ازاي اعرف ان ايلي اتملي دة نتروجين فعلا....يعني بدون التشكيك في زمة العمال او صاحب المحل...ازاي الواحد يتاكد ان العجل فية نتروجين مش هوا...

وياتري تفريغ العجل الامامي علي الارض ....ممكن يبوظ الكاوتش او الجنط...ولا الفترة الزمنية بسيطة ومش هاتلحق تبوظ حاجة....