ممكن من وحوش النيسان اعرف اية الصيانات الا المفروض اعملها علشان انا عربيتي عامله 330000 كم وهي موديل 2002
عرض للطباعة
ممكن من وحوش النيسان اعرف اية الصيانات الا المفروض اعملها علشان انا عربيتي عامله 330000 كم وهي موديل 2002
اية يارجاله محدش عايز يرد لية وبعدين انا عايز اعرف حاجة هو لازم اشتري قطع الغيار الاصلية والا لا
حاول تروح أوتو إيجيبت وأعمل عندهم مقايسه للإصلاح والصيانه وأنت كده هتضرب عصفورين بحجر ، هتبقى عملت مقايسه وهتبقى خدت تقرير عن حالة العربيه ، والقرار لك في الإصلاح ممكن تصلحها بره وممكن تصلح الحاجات الفنيه أوي اللي تحتاج معدات فنيه متقدمه جوه التوكيل وبقيت الشغل بره ، وطبعا فيه ميزه إنك هتاخد خصم المنتدى ، وأتمنى لك السلامه
انصحك تروح اوتو ايجيبت عشان عندهم اجهزة كويسة وهيشخصولك كل الأعطال
وبالمرة تستفيد بخصم المنتدى
وبعد كده قرر هتصلح فين وهتجيب قطع استيراد ولا جديدة
بس نصيحتي بلاش تعمل مقايسة عند اي ميكانيكي في الحرفيين
اولا ده موضوع اقرا فيه ايه اللى بيتعمل فى كل صيانة عشان تقدر بحالة عربيتك اللى انت شايفاها وعايشها معاها تحدده
http://www.nilemotors.net/Nile/164776-a.html
الحاجة التانية يفضل تعمل صيانة الاربعين الف عشان بيتم تغير حاجات فيها كتير لو كان عربيتك اتوماتيك
وده اللى حضرتك مش موضحه عشان نساعدك .. لانك مش موضوح ولا العربية اتوماتيك ولا مانيول ولا محدد اخر صيانة غيرت فيها ايه عند الميكانيكى عشان نساعدك
لان مش حينفع نحكى ونقولك كدا وخلاص .. عشان دى مش دردشة .. دى نصيحة حنقولك عليها وممكن تعمل بيها .. فلازم نقولك الصح .. عشان متدعيش علينا
واقراء الموضوع ده بردوا عشان تعرف ازاى تطرح استفساراك عشان تسهل علينا
http://www.nilemotors.net/Nile/254890-a.html
مبدئيا العربية دى لو متغيرش فيها زيوت لازم تتغيرلها الزيوت .. زيت فتيس زيت باور زيت فرامل ومياه ردياتير
تانى حاجة العربية لازم تروح لمركز خدمة عشان تتظبط على جهاز الكونسلط وتتطمن على الحساسات ويتعملها ريست
وكمان لازم تشيك على العفشة بتعها وكاوتشة التراب .. والسيور واى جلد فيها
وبخصوص الميكانيكا ياريت تقولنا اخر حاجة عملتها ايه .. لان لو حنمشى على التخمين .. يبقا مفروض لو مغيرتش يبوجيهات .. تغيرها وتغير كمان فلتر الهواء .. وبردوا فلتر البنزين
بالتوفيق
ممكن رقم اتو اجيبت
تحت امرك
والموضوع اللى بعتهولك لو حضرتك قريته حيفيدك عقبال ما تروح اى مركز صيانة يكشف على العربية ويقولك ايه الضرورى اللى عايز يتغير
وكل استفساراتك موجود فى القسم لو حضرتك تابعت معانا وقريت الموضوعات المثبتة واللى فى اول 4 صفحات كمان
حتعرف الاستيكر مع مين والخصم ازاى .. وكل حاجة .. ورقم اتو ايجيبت 16666 والخصم مش بيتفعل الا بالاستيكر
وتفاصيله فى الموضوع المثبت ده
http://www.nilemotors.net/Nile/259753-a.html
ليه طلب عند حضرتك
عايزك تتابع عشان بس متحسش ان فى حد قصر معاك ومردش .. لان غالبا كل الموضوعات دى والكلام فيها اتكرر .. فاحتلاقى الردود قليلة
تحياتى
منسق القسم
اولا: 1000 مبروووووووك ع العربية .. ومش عارف حضرتك كشفت عليها قبل الشراء زى ما نصحناك ولا لأ فى الموضوع اللى كنت عامله فى 5-1-2012:
http://www.nilemotors.net/Nile/264912-2002.html
ودى كانت مشاركتى بموضوعك:
ثانيا: انا خايف عليك بعد اما تروح اى توكيل نيسان ومنهم طبعا اوتوايجيبت ابو رواش اللى بيفصص العربية حتة حتة ويقيم حالتها بالتفصيل الممل وييجى يعملك مقايسة تغيير قطع غيار موتور وعفشة وخلافه تلاقيها عاملة 15-20 الف ج وطبعا ده ممكن يقفلك من العربية ويكرهك فيها ومش بعيد تبيعها وتخسر فيها فى وقت قصير .. وعشان ما يحصلش كده قدامك حل من اتنين ..
1- انك تستعمل العربية عادى جداااااا بعد تغيير زيت المحرك زى ما حضرتك عملت بالزبط وتحطلها بنزين ومياه وتراجع ضغط الكاوتشات وتغسلها وكده وتصلح اى حاجة تظهر فى العربية اول بأول وطبعا قطع الغيار الاصلية وان كانت اغلى هاتديك عمر افتراضى اطول من غيرها
2- لو حضرتك حابب تروح التوكيل وتعمل صيانة ال40.000 كم زى ما احمد قالك يبقى اعمل حسابك على تغيير بوجيهات 68ج + فلتر هواء 135ج + طقم سيور 250ج + تبديل مياه الراديتير 50ج + مصنعيات تركيب 300ج واذا ظهرت حاجة لتغيير تيل فرامل امامى يبقى زود 350ج او خلفى (تقريبا مثلهم) ولو طنابير يبقى اغلى من التيل (475ج تقريبا) ولو كاوتشات مساعدين الواحدة ثمنها + تركيبها ب150ج ده طبعا غير الزيوت (باور - فتيس - فرامل) وطلمبة البنزين والله اعلم ممكن ما تكونش غيرت سير كاتينة الجنزير (مش عارف سعره) والله اعلم كمان بعد الكشف ع العفشة (مساعدين - مقصات - جلب - بارات - علبة دركسيون - .... الخ) تبقى فيه حاجة محتاجة تتغير ولا لأ لأن حضرتك مش موضح حالة العربية بالتفصيل وايه قطع الغيار اللى غيرها مالكها الاول
وبصراحة كده انا مع الاختيار الاول :verygood: وآسف لو كلامى سبب ضيق لحضرتك :flower4u:
وباقولها للمرة التانية لو العربية حالتها حلوة وماشية كويس معاك ومفيش اعطال جسيمة يبقى ابعد عن التوكيل وريح بالك لأنى مقتنع ان العربيات دى قِرَف وممكن تبقى معاك زى الفل ومعايا لأ والعكس صحيح
واى استفسار او سؤال كلنا تحت امرك بس بما انك عضو جديد معانا فيفضل ان تقوم بجولة فى المواضيع المثبتة وتقارير الاعضاء والصيانات والاعطال الميكانيكية هتستفاد جدااااا وتوفر وقتك فى السؤال وانتظار الردود :verygood:
الوصفه لأوتوإيجيبت سهله جدا تمشي على المحور فى إتجاه مدينة 6 أكتوبر وتنزل أول نزله يمين ( طريق مصر إسكندريه الصحراوي ) ، ثم تدخل أول دخله يمين التي توجد عليها يفطه يمين وشمال لأوتوإيجيبت هتمشي بعد كده 500 م وستجد أوتوإيجيبت على يمينك ، واحجز قبل ماتروح ورقمهم 16666
بالنسبه للاستيكر موجود مع الأستاذ أحمد مصطفى وممكن تقابله وتقابل الصقور في مقابله يتم ترتيبها حاليا ، تابع الموضوع اللي في الرابط التالي ومنها تيجي ونتعرف عليك ونتناقش بخصوص عربيتك ولو جبتها معاك يبقى أحسن علشان نشوفها ونقلك على اللي يتعمل فيها
http://www.nilemotors.net/Nile/265974-a.html
لو انت ماشي على الصيانات الدوريه صيانة ال 300000 هي بتاعة 100000
ده موضوع اعلانى خاص بمركز صيانة بمنطقة فيصل يعمل بالكورى واليابانى .. اتمنى يفيدك ويمثل لك خيار بديل وارخص وبالصدفة قريب منك كمان
http://www.nilemotors.net/Nile/251299-a.html
تفتكروا تكلفه ال300000 بكام؟؟
يارجاله انا خلاص اتصلت باستاذ محمد صاحب مركز توب جير وان شاء الله هروحلو قريب لانه جنب البيت عندي
لما اروح واكشف علي العربية واعرف عايز اية واعمل الصيانة هكتب تقرير وارفعوا في القسم
وشكر علي رد كل الاعضاء وانا سعيد انا بقيت جزء صغير من منظمة النيسان وسعيد ايضا من الاستفادة من حضرتكم
ياباشا الف الف مبروك عليك العربية و منتظرين تقريرك بعد الصيانة ان شاء الله
السلام عليكم
امبارح روحت الحمد الله علشان اعمل الصيانة عند الاستاذ محمد "توب جير " وبصراحة الراجل قمه في الذوق والاخلاق العالية واستقباله رائع ...... وتم الكشف وعمل الاتي :-
1- رجلاش علي الفرامل الخلفية وتنظيفها والكشف علي التيل الامامي وتنظيفه
2- تغيير فلتر بنزين ووضع المادة الخاصة بتنظيف الانجكشن من ليكوي مولي " لانه موزع ليهم في فيضل "
3-تم تنظيف البوابه وتنظيف الحساسات
4- تم الكشف علي العفشه والحمد الله تمام عندي معادا المقصات الامامية هبقي اجبهم واروح اركبهم هناك ان شاء الله
5-تم الكشف علي البوجيهات وفلتر الهواء وهم لا يحتاجون تغيير
وبالنسبة للزيت انا كنت مغيره اول ما جبت العربية من اسبوع فان شاء الله همشي بيه شوية وبعدين اروح المركز اغير من موبيل واحط ليكوي مولي
وعلي فكرة هو كان كاتب قبل علي علي عقود الصيانة وانا اتكلمت معاه فيها فياريت لو في حد حابب الموضوع يقول علشان ممكن نجمع عدد ونعمل الموضوع ده هيكون احسن بس اتمني منه انه يظبط السعر