الموضوع: ارجوكم انا محتاج مساعدتكم ضرورى

ان شاء الله خير بس ممكن بسبب ان الغطا كان مش موجود والميه كانت بتنقص فممكن يكون اخد هواء فى دوره التبريد فعلى شان كده روح لحد بتا رادرتير او البنزينة بدل ما ياخد هوا بس اعمل بالمره دوره غسيل رادرتير وحط ميه خضراء وان شاء الله مش ها تسمع الصوت ده لان كمان الهوا ده لو موجود يخلى العربية تسخن بسرعة فانصحك تعمل دوره غسيل رادرتير منها تفوق العربية وكمان تطمن ومش كله الهوا ده تكون اتحلت لانه كده كده بيكون غيير الميه كلها وضبط الهواء الخاص به
وان شاء الله ما فيش حاجة ارجو ان اكون افدتك اخى الكريم

متشكر جدا أخى الكريم على مساعدتك

لا شكر على واجب اخى الكريم ده واجبى تجاه اخوتى الافاضل
بس انت ما تكسلش على العربية وروح اعمل زى ما قلت لحضرتك
لان الحراره ده اخطر حاجه على العربية ولو زادت زياده عن اللزوم بتاثر بشكل مباشر على العربية
وفى سحبها وكفاءتها وما خفى كان اعظم وتبقى تطمنى عملت ايه
وان شاء الله خير باذن الله

شكرا أخى Mem . أنا رحت امبارح غسلت الراداتير. عندى مؤشر الحرارة بيكون بين الصفر والشرطة الأولى فى السرعة العالية وبيكون بين الشرطة الأولى والثانية (شرطة النص) عند السرعة المنخفضة, فهل ده طبيعى فى الشتاء؟ بالنسبة لصوت الطقطقة بيحصل لما أمشى بالعربية فترة وبيكون فى السرعة المنخفضة فقط عند الأول أو التانى وخصوصا لما أدوس دبرياج أو فرامل واحاول أهدى العربية فى الزحمة. مش عارف هل دة أفشة فرامل ولا فى العفشة ولا الموتور. أنا بأخاف اسأل الميكانيكية بسبب ظاهرة قلة الضمير اللى منتشرة.

كويس ان حضرتك عملت دوره الغسيل بتغيير الميه على طول
اما بالنسبة للمؤشر بيكون بين الصفر والشرطة الاولى فى السرعات العالية
لان الهواء الذى يخبط فى الرادرتير بيكون كثيير لان حضرتك على سرعة عالية فبذلك بيعمل على تبريد الرادرتير والماء الذى بداخله من شده الهواء المندفع من الفتحة الامامية
اما بالنسبة للسرعات المنخفضة فيعلى المؤشر كما حضرتك زكرت لان الماء بيكون سخن لا سرعة العربية هادئة ولا يوجد هواء مندفع بكثرة يعمل على المساعده على عملية التبريد من الخارج وهنا ياتى دور المروحة
فعند زياده الحراره عن المعدل فتعمل الترموستات على جعل المروحة تعمل لتبرد السياره للحراره المطلوبة ثمن تفصل وعند زياده الحراره مره اخرى تعمل مره اخرى وهكذا فلا تقلك اخى الكريم ولكن اذا ارتفع عن المعدل الثابت وارتفعت الحراره زياده عن المؤشر الذى وصفته بان يعلى شرطتيين مثللا زياده فتاكد من عمل المروحة وان كانت لا تعمل فتاكد وتها من ان المروحة تعمل هذا بالنسبة للمؤشر
اما بالنسبة للطقطقه فحضرتك زكرت كذا حاجه فمثلا للتاكد انها ليست الفرامل امشى على طريق كويس ما فهوش اى كسور طريق معقول يعنى وامشى مثلا على 40 او 50 ومور السياره وما دوس فرامل وركز هل يوجد صوت صافره او اى احتكاك بالعجل او السرعة بتقل بطريقة ملحوظه اما اخذ فى الاعتبار ان يكون الطريق مش مطلع ده بالنسبة للفلرامل للتاكد ان المشكلة ليست منها وحضرتك بتقول ان العربية موديل 2009 فاكيد قواعد الموتور لسى كويسة فلا تقلك بالنسبة للموتور فالاحتمال انها تكون من المساعد فهناك كاوتشة بتكون فوق المساعد ممكن حضرتك تكون كلت مطب ولا حاجة او عمرها الافتراضى انتها وتكون سبب الصوت ده هذه الكاوتشة
فحضرتك تاكد من الفرامل بالاختبار اللى قلته لحضرتك وبعدين تاكد من العفشة والاحتمال الكبير ها تكون من الجلده ده لان مع الفرامل العربية بتميل للامام فلذلك تصدر صوت الطقة هذه