الموضوع: ار بى ام الافيو

المشاركة الأصلية كتبت بواسطة mohab2010

كل مشكلة ليها 1000 حل بس مش لدرجة البيع وفي ناس كتير حلت هذة المشكلة بدون ان تذكر التفاصيل وهي دي المشكلة
العربية ممتازة في حجات كتير علي سبيل المثال وليس الحصر
العربية عالية وتستحمل مطبات البلد دي بدون تكحيت من اسفل
استهلاك البنزين رائع جدا بالمقارنة بمثيلتها بتعمل معيا في السفر -360-380 كيلو للصفيحة
قطع الغيار متوفرة ورخيصة بالمقارنة بمثيلتها
الشكل الخارجي والداخلي جميل وكبر حجم الشنطة والفامية الفبريكة والكست ممتاز والكراسي 10/10 والبور ناعم
ثبات ممتاز علي ملفات السخنة تكيف 10/10
العربية منتشرة جدا و سعر اعادة البيع عالي
واكيد مشكلة ال rpm حتتحل مع الوقت
واحب اقول لحضرتك كل العربيات الي في حدود 70-80 الف فيها مشاكل اكتر من الافيو بكتير ادخل علي المنتديات وشوف الحمد لله علي كدة

يا فندم انا فعلا حليت المشكلة زي ما وضحت قبل كده, بس انا حليتها بس عشان اعرف ابيعها, انا مانكرش ان العربية فيها مميزات منها توفير الوقود لكن الثبات ده موضوع بعيد عنها جدا
العربية مع ناس كتير ومرتاحلها بس عيوبها معروفة وفي موضوع مخصص هنا في القسم لعيوبها بس
انا عن نفسي بعتها علشان مبحبش ابقى ماشي و سامع اصوات ومش عارف مصدرها
تقبل تحياتي

المشاركة الأصلية كتبت بواسطة m_marwan

المفروض ان كل مشكله وليها حل بس حضرتك المشكله ديه من 2008 !!!
يعنى داخله فى 5 ستيين !!!!!!
وبعدين انا مش شارى عربيه زيرو عشان كل شهر او اتنين اروح التوكيل اصلحها
وصدقنى مشكله الار بى ام دى خطيره جدا والموتور عمره الأفتراضى بيقل واستهلاك البنزين بيزيد على الفاضى !!!
انا كان ببيعلق معايا على 4000 والعربيه مموره !!!!! استحاله فى عربيه زيرو محترمه تعمل كده

ياباشا 4000 اية دا حضرتك كدة 100%......دانا لو سبتها من غير ما اطفي الكونتاكت بتبقى مقربة على الرد زون
دا غير التزييق و التصفير طول مانت ماشي وركوب الباب اليمين على الرفرف اللي حتجنن واعرف سببه

المشاركة الأصلية كتبت بواسطة m_marwan

فعلا ثباتها ضايع وسحبها ضعييييف جدا مع التكييف كنت بحس انى دايس على كيس رمل

والله انا كنت ممكن استحمل اى عيب فيها عشان كنت جايبها زيرو كاش بس حصل معايا موقف

وسعتها قررت ابيعها باى تمن !! دى كانت ماشيه 7000 كم فقط !!!

مره كانت داخل بنزينه شل امون وواقف مستنى دورى وفجأه !!! ال rpm لقيته طالع على 4 او 5

مش فاكر طبعا لقيت الناس كلها بتبصلى باستغراب (ايه الواد الأهبل ده ايلى فرحان ب موتور 1500 سى سى !!!

ومن سعتها مركبتهاش تانى فعلا كانت اختيار سىء جدا

ونصيحه ايلى معاه 70 او 80 الف يجيب بيهم نيسان ولا بومه احسن 100 الف مره

هاهاهاهاهاها.....فكرتني بأيام الزل, دانا ياااما شربت منها مقالب انقح من دي, كانت بتعمل معايا الحركة دي وانا واقف في الاشارات و الناس اللي في العربيات اللي جنبي تبصلي نفس البصة اللي بتتكلم عنها دي, ببقى نفسي انزل اقولهم والله دي العربية راكبها عفريت مش انا اللي بحب اسمع صوت الموتور

يا استاذ mavric-1 يا ريت حضرتك تقولنا كيف علجت مشكلة ال RPM قبل البيع وذلك للاستفادة
مع الشكر

المشاركة الأصلية كتبت بواسطة mavric_1

يا جماعة انا معايا افيو 2008 وكان عندي المشكلة دي , المشكلة دي خطيرة ومحدش يستهون بيها عشان بتفتح حاجات تانية في العربية وبتخلي الكنترولر يتهبل و العربية ترجرج و تقطع وكسرتلي مسمار قاعدة موتور من شدة الرجرجة

انا كنت عامل ابونيه عند توكيل منصور هنا في العامرية في اسكندرية, بروحلوا مرة كل شهر تقريبا بسبب المشكلة دي, مرتين عمللي re-programing ومرة دهن جل عازل على فيشة ال tps ومرة غيرلي ال tps وبرضوا بيرجع الموضوع اسوأ من الأول

لغايت من سنة كدة تقريبا رحت توكيل منصور في شارع 45 عندنا هنا, مهندس طلع معرفة وقاللي ان حل المشكلة في تغيير الفيشة اللي كانو بيحطوا عليها جل في العامرية دي, و غير الفيشة و لغايت دلوقت العربية العيب دا راح منها تماما, دا بغض النظر طبعا عن بقية عيوب الافيو المعروفة

لو في اي استفسار اخر انا في الخدمة

المشاركة الأصلية كتبت بواسطة mavric_1

انا كنت بعمل كدا فعلا قبل ما المشكلة تتحل وكنت كأني بكتم العربية, بس دى على المدى الطويل(حوالي سنة)خليى العربية تبرجل جامد او تنتش وهي ماشية لدرجة ان من عنف النتش و البرجلة كسرت مسمار قاعدة موتور!!!!


وبالنسبة للأستاذ اللي بيقول انه غير 3 فيش و لسة في مشكلة, يمكن لأني غيرت ال tps كله قبل كدة و بعدين غيرت الفيشة اتظبطت عندي والله اعلم

اما بالنسبة للظبت بالكومبيوتر فكل اللي بيعملة انه بيعمل reset for the ecu وده ممكن حضرتك تعمله بنفسك لو فصلت البطارية وسبتها حوالي 10 دقائق ووصلتها تاني المشكلة بتتحل فترة لكن بترجع تاني

الفيشة التي حلت لك المشكلة هل هي مثل القديمة ولا غيرها في الشكل او الخامة
انا مغير الفيشة من شهرين في التوكيل وركب واحدة اصلي جي ام كوري ولكن المشكلة رجعت تاني
هل قد يكون العيب بعيد عن الفيشة؟؟؟؟؟؟

والله يافندم انا مشوفتهاش و معرفش نوعها...لكن انا معملتش حاجة غير اني غيرت الTPS والمشكلة اتحلت مؤقتا فرجعتلهم تاني غيروا الفيشة دي و عملوا reset والدنيا مشيت تمام

ده بالظبت اللي اتعمل في عربيتي