انا عندى 21 سنه
عرض للطباعة
الحركات دى انتشرت كتير وبتعتمد على عنصر المفاجاة وعدم التركيز يعنى تلاقى نفسك فجاة فى الموقف والضمير الانسانى بينقح عليك واقرب طريق بيكون انك تحط ايدك فى جيبك وتطلع اللى فيه النصيب، مرة كنت ماشى فى عباس العقاد وفجاة الاقى (عمدة) بمعنى كلمة عمدة بسم الله ما شاء الله طول بعرض ولابس جلابية اخر موضة وشكله باشا اصلا وقف قدامى والاقيه بيقولى اخوك من السودان وبعالج حالة هنا فى مصر والفلوس خلصت وانا توسمت فيك خير ومش عارف ايه (كل ده بلهجة مصرى ولونه ابيض اصلا) قلتله معلش ربنا يوفقك، بعدها بخطوتين واحدة شغالة فى محل واقفة بره بتقولى خلى بالك ده نصاب!!
هى الناس وصلت لمرحله الحلفان بالله كذب كل ده علشان الفلوس ده انا كنت ماش بكلم نفسي فى الشارع منه لله لو كان نصاب و حسبى الله ونعمه الوكيل فى كل واحد يحلف بالله كذب ده الراجل فضل يحلق اكتر من اربع دقايق كل ده علشان 80 جنيه والدمعه كانت هتفر من عينه معقل واحد يهين نفسه علشان 80 جنيه ده لو كده يبقى المصريين ياخدو جايزه اوسكار افضل ممثلين ده انا كانت عربيه هتخبطنى وانا راجع من كتر التفكير حسبى الله ونعمه الوكيل
والله إنت طيب قوي , مصر فيها مواهب كتير قوي أكتر مما تتصور
بالذات عند موضوع الفلوس ده تبص تلاقي المصري بتتفجر موهبته بشكل غير طبيعي , والفهلوه و الحداقة بتلعب دور كبير في الموضوع ده
يعني اللي زي ده لما تطلع له 10 جنيه حتى , هو كده هايعتبر إنه كسبك و ضحك عليك , ومش هاتفرق معاه ال5 دقايق التمثيل اللي عملهم , المهم المبلغ اللي طلع بيه وهو و شطارته , وهايعتبر نفسه كده فهلوي و حدق , حلال حرام مش هاتفرق معاه .
ربنا يصلح الأحوال و يهدي الأشكال دي للرزق الحلال
اتعملت فيا ودفعت
انا هقولم لو كنت مكانك كنت عملت ايه
كنت هتفق معاه مثلا علي كام مشوار بقيمه الفلوس اللي طلبها و بكده ابقي ريحت نفسي من السواقه شويه و في نفس الوقت ساعدته
انا بقي اتعمل فيه الموقف ده في مكه رمضان اللي فات مرتين من مصريين هناك
اما بتعيش فى الدنيا هتشوف حاجات غريبة كتير
المهم حاول تفكر وتحلل الموقف
وتبص له من عدة زوايا
ولو موقف بينك وبين شخص
حط نفسك مكانه وشوفه شايفه ازاى
فى الموقف ده الشخص ده بيحل اموال غيره
فهو من نظره عادى
وهتلاقى فى يوم اللى بيطلع روشتة وعايز يصرفها
ممكن تدى فلوس
وممكن تجيب دوا من الصيدلية وتديه فى ايده
بعد ما تمشى هيرجعه وياخد الفلوس
تقوم قايل للصيدلى اختمه بختم الصيدلية على العلبة واقطع كمان جزء من العلبة
كدة مش هيرجع
وهتلاقى اللى واقف عايز يروح بلدهم ومش معاه فلوس
وهو بيروح كل يوم على حساب اللى بيوقفهم 100 مرة
فى الاول والاخر انت بتتعامل مع ربنا
الصدقة والزكاة لوجهه الكريم
ولو كنا بنراعى من ياخدهم
ده علشان يروحوا لمن يستحقهم
واقرا الموضوع ده
http://www.nilemotors.net/Nile/254881-a.html
حصلت معايا من سنة ركبت تاكسي من القصر العيني لوسط البلد ولقيته ماسك ورقه وبينوح بنته محجوزة وفاضل 300 جنيه علي قيمة الفاتورة عشان تخرج..انا طبعا عملت نفسي ملهند ومدتلوش مليم زيادة
استغربت بعدها بشهور اخدت تاكسي لقيته بيقول نفس الكلام بالحرف...
فكرني بفيلم 1000 مبروك ..يابرنس لليالي يارمانة الميزان