واحد فى عربيه ملاكى شاهين و قعد يعيط عشان ماعهوش يجيب الدوا لابنه عشان دوا السرطان
قلبى وجعنى بس اتصرفت بدماغى
عرض للطباعة
واحد فى عربيه ملاكى شاهين و قعد يعيط عشان ماعهوش يجيب الدوا لابنه عشان دوا السرطان
قلبى وجعنى بس اتصرفت بدماغى
ده العادى فى مصر
ده حتى المصريين فى الخارج عملين شغل بردو بس الواحد خايف يكون محتاج فعلا بس للاسف ولاد الحرام مخلوش لولاد الحلال حاجه الحسنه تعم والسيئه تخص هو احنا ليه كده قله وعى دينى ثقافى ولا ايه لازم نعمل دراسه تعرفنا ليه المصريين وصلو لكده الفقر ولا الجهل و الرغبه فى الكسب دون تعب ولا ايه
دا لا فقر ولا جهل..دي قلة أدب
انا فاكرة ونا ف تانية جامعة طالعة من الامتحان ملقتش محفظتي... حسيت اني فجأة حد لطشني بالقلم
من سترر ربنا كنت بشيل الفلوس ف محفظة صغيرة بعيد عن المحفظة بتاعت الكارنيهات والبطاقة وكدا
كان بعد الامتحان...وكان معايا موبايل بس كان فاصل شحن انا حتي فاكرة شكله من 7 سنين
وكان معايا دبوس دهب بحرف ال d علي اسمي كنت بحب البسه
اول حاجة خطرت ف بالي اشوف حد احط خطي ف موبايله بس زمايلي كانوا مشيوا
دورت علي مكان قريب ابيع فيه الدبوس خفت ليفتكروني لطشاه من غير فاتورة
اليوم دا رحت مشي والله..
حصل معايا نفس الموقف واعتذرتلة طبعا مدتلوش حاجة لان واحد سواق تاكسى ازاى ممعوش المبلغ دة الموضوع انتشر الفترة بس اليدايق الحلفان بالله بالشكل دة مهما كان الغرض اية هو اتقطع من الدنيا كلها علشان مستنى الفلوس دة منك او منى او من غيرنا اظن لا ثانيا الملاحظ دلوقتى البيعمل الحركة دة بيبقى شكلة كويس اخرهم موقف حصلى شاب ماسك موبايل n95 وماسك شنط ومعاة مفاتيح كتير ونظارة شمس وداخل بيقولى والله انا مابشحت والمصحف وحياة ربنا قولتلة خير يعنى قالى ممكن تدينى 3 جنية اروح بيهم !!!! للوهلة الاولى انا قولت دة حرامى بس فى الاخر اديتلة جنية فكة قولتلة دة المعايا فسبحان الله الناس دة بقت بتتصرف بالشكل د ة كد لية هل لسهولة الشحاتة او المكسب السريع باستعطاف الناس الله واعلم
للأسف الشديد معظم الحالات التي ذكرها الأعضاء الكرام خاصة سائقين التاكسي والشباب الذي يبدو عليهم النظافة والهيئة المحترمة يكونوا مدمنين ولا يجدوا طريقة لزيادة دخلهم الا بهذه الطريقة لأنه فعلا يكون عنده التزامات ضخمة لا يستطيع بعمله على التاكسي فقط ان يستقطع جزءا لإدمانه
ربنا يستر علينا كلنا ومنتعرضش لموقف نكون مضطريين نسال حد فيه
ويارب حال المصريين ينصلح ويبطلوا نصب
انا حصل معايا موقفيين
اول موقف كنت راكب تاكسى حاكالى ان بنته فى المستشفى و هتعمل عملية و مش عارف ايه,اللى خالانى مصدقوش ان هو بيحكى الحكايه صاروخ زى اما يكون حافظها,و قال اسماء غريبة عن اشعة تعملها عمرى ماسمعت عنها!
تانى موقف فى شارع شهاب,لاقيت ولد 10-11 سنة لابس نضيف,واقف بيقولى ممكن 5 جنيه عشان اروح البيت.جيت على جنب قال لى الفلوس وقعت و اخوية شغال فى سوبر ماركت قريب,قلتلوا هوصلك قال لى لا هو هيزعك مش عارف ايه ايه عرفت انها اشتغالة.الولد كان بقوا تقيل شوية!
الواحد بيطلع باحساسه نصبية مش نصبية ادينى طلعت لالله
أحييكي على عقلك واعتزازك بنفسك
موضوع الموبايل اللي بيفصل ده كان بيحصل معايا كتير في الموبايل القديم وكنت بروح لأقرب سنترال موبايلات أطلب منه عدة أحط فيها شريحتي وكان الناس لا يمكن ياخدوا فلوس مهما أصريت
سبحان الله
يعني زي ما فيه مننا اللي بيستحل الحرام ويشحت وينصب، برضه فيه مننا اللي بيساعد بدون مقابل
وبالنسبة لصاحب الموضوع:
متتغيرش. الطيبة دي خليها فيك وطلع خير بس بحساب وياما هتشوف والناس هنا بصراحة كلامهم ما يتزادش عليه