أنا قلت رأيى ومسخرتش من حد
إنما سخريتك أنا شايف انها مش مقبولة خاصة إن معنى كلامك رفض حد الرجم ودا شئ خطير جدا لو صحيح
أرجو تصحيح معنى كلامك اللى ظنيته لو كنت مخطئ
مش عارف ليه بردو تظل النزعة الجنسية هى اللى مسيطرة على معظم تفكير البنى آدم المصرى ..
يعنى حضرتك او السيد الوالد لو كنت شفت اتنين بيضربوا سجارة حشيش او فى اديهم ازازة خمرة كنت هاتقدر تهوب نحيتهم ؟؟
اشك ..
ليه ؟؟
لأنك هتخاف على نفسك عشان ممكن يتعمل معاك الغلط ..
مع ان ده موقف غلط قانوناً .. ومع ذلك انت مش هتعمل حاجة ..
لكن طالما الموضوع يتعلق بالبوس والاحضان يبأه لا انا لازم اعمل 7 رجالة فى بعض (تشبيهى ليس لك شخصياً وانما بنظرة عامة)
حاجة تانية لو لقيت واحد بيثبت واحد تانى بمطواه او مسدس هتلف وترجع بالعربية زى ماعملت كده ؟؟
اشك ..
لانك بردو هاتخاف على نفسك والجرى نص الجدعنة
ليه بأه ؟؟ مع ان ده موقف اكثر خطأ ويعتبر جريمة
وبردو متحركتش ..
لكن واحد حاطط ايده على وسط ولا كتف واحدة فهو ده الشئ الرهييييييييب !!!
السؤال بأه
ليه ؟؟ واى حد معاه فى اللى عمله يجاوبنى بردو
انت على كدة لو دخلت سيتي ستارز او مشيت حواليه عند بيتي ... يا حتتقتل ... يا حتقتل حد .
علي طريقة اليوم السابع والدستور البعض يصر ان الواد انضرب وكمان علي قفاه وتم استعمال العنف معه .
لصاحب الموضوع ... أعذر جهلى
بس مين صاحب الصورة اللى فى توقيعك ؟
اسمحولى اقول رأيى المتواضع الليبرالى-المسلم
فى الموقف اللى ذى دة يكون التصرف لأولى الأمر مثل الشرطة والقانون وعلى اقل تقدير هى النصيحة باللين والهدوء
لية بقول كدة
لأن لازم يكون فى قواعد نمشى عليها مينفعش احنا نبقى نطبق القانون بأيدينا ... على كدة نلغى دور الشرطة بالكامل ونكمل احنا
حاجة تانية
المواقف اللى ذى دى فرضية-متغيرة بنظرة الفرد
يعنى اية
يعنى ممكن انت تثور عشان شايفة حاطط ايدة على كتفها
ممكن واحد تانى يثور عشان شايفك ماشى جمب واحدة
ممكن اخر يثور ويطلب منك اثبات صلة قرابة لواحدة ماشية معاك فى الطريق عادى بطريقة غير ملفتة
نفس الفكرة للملبس
ممكن انت تثور للبس عار
وغيرك يثور لواحدة محجبة بس من تحت بنطلون
وهكذا
دى حاجات متغيرة بنظرة الفرد
ولو سمحنا لكل واحد يطبق نظرتة على التانى بكيفة ويأتى واحد يعترض على نظرتك والثالث يؤيد حتقوم حرب اهلية
فلو سمحت نترك مثل تلك الامور لأولياء الأمور والقانون مش للافراد
و شكرا
لا يافندم النظرة مش فردية ولا شخصيةاقتباس:
فلو سمحت نترك مثل تلك الامور لأولياء الأمور والقانون مش للافراد
النظرة موحدة واللى وحدها الشرع لو طبقناه
وعلى فكرة القانون موجود بالفعل مش محتاج اختراع لكنه لا يطبق فالإتكال على أولى الأمر حاليا فى الموضوع ده هيعطله تماما