صوت تصقيف لما اكبس بنزين كهرباء ولا بكات

**محمد فريد** · 12-01-2012 12:32 AM

صوت تصقيف لما اكبس بنزين ولما اعشق غيار بدرى شوية يعنى اكون معدى المطب وادى التانى الاقى العربية بتصقف
العربية كيا برايد كربراتير 1100
انا بستعمل بنزين 80 ولما كنت بحط 90 او 92 الاقى السحب اتحسن والتصقيف يختفى
بس انا مقدرش امون 90 علطول ده لما بيبقى فى فائض فى الميزانية بس
دلوقتى انا عايز امون 80 علطول - المشكلى دى كهرباء عالية ولا البكات مسدودة مع ان العربية لما بقرص بتجرى وصوتها طبيعى الحمد لله

افيدونى افادكم الله

**lad** · 12-01-2012 12:58 AM

الكهرباء عوزه تظبط روح لمكانيكى يأخر الكهربا سنه بسيطة

**nemo_speranza** · 12-01-2012 02:32 AM

المشكلة ممكن تكون فى توقيت الحرق احيانا بتحصل اما بتغير سير الكاتينا عند واحد مش متخصص و احيانا بتحصل لو كبلات الاندكشن بتاعت البوجيهات مفصولة او مقطوعة ...بص على الكابلات الاول تكون متوصلة كويس .... لو مش هتعرف روح لكهربائى .....بس هية عمتا ملهاش علاقة بالبنزين ممكنيكون ان الفلفات flow valves تكون عليها شوائب كتير سداها ساعتها هتبقى ازمة ....روح و شوف القصة اية و انشاللة بسيطة

**ahmed_rgina** · 12-01-2012 01:50 PM

حاجة بسيطة جدا محتاج تاخر الكهرباء شعرة بسيطة ودة عند الميكانيكى

**محمد فريد** · 12-01-2012 03:35 PM

المشاركة الأصلية كتبت بواسطة lad

الكهرباء عوزه تظبط روح لمكانيكى يأخر الكهربا سنه بسيطة

شكرا لحضرتك وان شاء الله هأخرها سنة

المشاركة الأصلية كتبت بواسطة nemo_speranza

المشكلة ممكن تكون فى توقيت الحرق احيانا بتحصل اما بتغير سير الكاتينا عند واحد مش متخصص و احيانا بتحصل لو كبلات الاندكشن بتاعت البوجيهات مفصولة او مقطوعة ...بص على الكابلات الاول تكون متوصلة كويس .... لو مش هتعرف روح لكهربائى .....بس هية عمتا ملهاش علاقة بالبنزين ممكنيكون ان الفلفات flow valves تكون عليها شوائب كتير سداها ساعتها هتبقى ازمة ....روح و شوف القصة اية و انشالله بسيطة

الموضوع شكله كبير - هو الحكاية دى ساعات بتظهر لما العربية تسخن انما الصبح بدرى مبسمعش صوت التصقيف يمكن عشان مبحبش اقرص والعربية باردة
شكرا لمرورك الكريم

المشاركة الأصلية كتبت بواسطة ahmed_rgina

حاجة بسيطة جدا محتاج تاخر الكهرباء شعرة بسيطة ودة عند الميكانيكى

شكرا على مرور حضرتك